လံာ်မၤလကံ 2:9 - Sgaw Karen Common Bible

⁹ မၤသးဒ်န့ၣ်ဒီး, ယပာ်သုလၢတၢ်တပာ်ကဲဘၣ်အလီၢ်ဒီးတၢ်မၤတရီ တပါအလီၢ်လၢကယဲၢ်ပှၤခဲလၢာ်အမဲာ်ညါန့ၣ်လီၤ. အဂ့ၢ်ဒ်အံၤ, သုတတိၢ်န့ၢ်ဘၣ်ယကျဲဘၣ်. ဒီးသုကွၢ်မဲာ်တၢ်လၢသုတၢ်သိၣ်လိသီလိအပူၤန့ၣ်လီၤ.”

လံာ်မၤလကံ 2:9 Iomraidhean Croise

လံာ်စီၤပၤအခီၣ်ထံးတဘ့ၣ် 22:28

စီၤမံၤကါယၤစံးဝဲ, “နမ့ၢ်ဟဲက့ၤမုာ်မုာ်န့ၣ်ဒီးယွၤတကတိၤဘၣ်တၢ်ခီဖျိယၤန့ၣ်ဘၣ်.” ဒီးစံးအါထီၣ်ဝဲ, “ပှၤကိးဂၤဒဲးဧၢ, ဒိကနၣ်တၢ်လၢယစံးတ့ၢ်န့ၣ်တက့ၢ်.”

လံာ်စီၤယိၤဘး 32:21

ယတပာ်ဖျါထီၣ်တၢ်ကွၢ်မဲာ်ဆူပှၤတဂၤဂၤမ့ၢ်ဂ့ၤ, စံးထီၣ်ပတြၢၤထးခိၣ်ဖံးလာ်ပှၤတဂၤဂၤမ့ၢ်ဂ့ၤန့ၣ်ဘၣ်.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

တၢ်ကတိၤဒိ. 12:8

နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

လံာ်ယဃ့းစက့လး 13:21

ယကဖှီယာ်ကွံာ်သုနီၣ်ကျၢၢ်ဘၢခိၣ်တဖၣ်ဒီးပျဲယပှၤဂီၢ်မုၢ်ဃ့ၢ် ထူၣ်ဖျဲးထီၣ်လၢသုတၢ်စိတၢ်ကမီၤအဖီလာ်ထဲတဘျီဧိၤ, ဒီးအဝံၤန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်နၤဃူၣ် 3:6

ယကပာ်နၤဒ်တၢ်လီၤသးဘၣ်အၢအသိး ဒီးကးဘၢနၤလၢတၢ်ဘၣ်အၢဘၣ်သီလီၤ. ပှၤဂီၢ်မုၢ်ကကွၢ်စူၣ်နၤလၢတၢ်ပျံၤတၢ်ဖုးအပူၤလီၤ.

လံာ်မၤလကံ 2:3

ယကသိၣ်ဃီၣ်သုဖိတဖၣ်ဒီးမၤဘၣ်အၢသုမဲာ်လၢဆၣ်ဖိကီၢ် ဖိလၢသုလုၢ်ထီၣ်အအ့ၣ်, ဒီးသုကဘၣ်တၢ်စိာ်ကွံာ်သုဆူတၢ်အ့ၣ်အပူၣ်န့ၣ်လီၤ.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်လူၤကၣ် 10:29

ဘၣ်ဆၣ်ဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ် ပာ်တီပာ်လိၤအသးသတးဒီးသံကွၢ်ယ့ၣ်ၡူး, “ပှၤလၢယဃၢၤမ့ၢ်မတၤတဂၤလဲၣ်.”

လံာ်လူၤကၣ် 11:42

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. ဟီၣ်ဝီၤသွ့, ဒီးပံကနၣ်အဒိးဒီးကသံၣ်အမုၢ်အဂၤတမံၤလၢ်လၢ်န့ၣ် သုဟ့ၣ်မၤဘူၣ်ဆူကစၢ်ယွၤအအိၣ်အပူတဆံန့ၣ်တပူလီၤ. ဘၣ်ဆၣ်သုကွၢ်ကပာ်တၢ်စံၣ်ညီတီဒီးတၢ်အဲၣ်ကစၢ်ယွၤလီၤ. တၢ်သ့ၣ်တဖၣ်အံၤ, သုကြၢးအိၣ်မူထွဲအခံ, ဒီးသုတကြၢးကွၢ်ကပာ်ကွံာ်စ့ၢ်ကီးတၢ်အဂၤတဖၣ်န့ၣ်ဘၣ်.

ကလၤတံ 2:6

မ့မ့ၢ်ပှၤသ့ၣ်တဖၣ်လၢအဖျါဒ်ပှၤခိၣ်ပှၤနၢ်တဖၣ်အသိးန့ၣ်, ပစံးတၢ်အံၤမ့ၢ်လၢအဝဲသ့ၣ်မ့ၢ်တ့ၢ်တၢ်မနုၤလဲၣ်န့ၣ်တမ့ၢ် တၢ်လီၤဆီလၢယဂီၢ်ဘၣ်န့ၣ်လီၤ. ကစၢ်ယွၤတစံၣ်ညီၣ်တၢ်ဒ်တၢ်အိၣ်ဖျါလၢခိအသိးဘၣ်. ပှၤခိၣ်ပှၤနၢ်သ့ၣ်တဖၣ်န့ၣ်, ယစံးယဲတအိၣ်ဒီးတၢ်ဟ့ၣ်ကူၣ်ဟ့ၣ်ဖးအသီလၢယဂီၢ်နီတမံၤဘၣ်.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.