လံာ်မၤလကံ 2:6 - Sgaw Karen Common Bible

⁶ အဝဲသ့ၣ်သိၣ်လိတၢ်လၢအဘၣ်ဒီးတမ့ၢ်တၢ်လၢအကမၣ်ဘၣ်. အဝဲသ့ၣ်အိၣ်မူဃူလိာ်ဖိးလိာ်အသးဒီးယၤဒီး, တမ့ၢ်ထဲအဝဲ သ့ၣ်အကစၢ်ဒၣ်ဝဲမၤတၢ်အဘၣ်ဧိၤန့ၣ်ဘၣ်, မ့မ့ၢ်အဝဲသ့ၣ်မၤစၢၤစ့ၢ်ကီးပှၤအါဂၤဒ်သိးကဆိကတီၢ်အတၢ်မၤ တၢ်အၢန့ၣ်လီၤ.

လံာ်မၤလကံ 2:6 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 6:9

အအံၤမ့ၢ်စီၤနိအၤအတၢ်အိၣ်မူအဂ့ၢ်န့ၣ်လီၤ. စီၤနိအၤမ့ၢ်ပှၤအတီအလိၤတဂၤ, ပှၤလၢတၢ်တထံၣ်န့ၢ်အတၢ်ဒဲးဘး လၢပှၤတစိၤဒၣ်အီၤအကျါန့ၣ်လီၤ.

စံးထီၣ်ပတြၢၤ 119:142

နတၢ်တီတၢ်လိၤန့ၣ်ကအိၣ်ဝဲလီၤထူလီၤယိာ်, ဒီးနတၢ်သိၣ်တၢ်သီန့ၣ်မ့ၢ်တၢ်မ့ၢ်တၢ်တီလီၤ.

စံးထီၣ်ပတြၢၤ 119:151

ယွၤဧၢ, ဘၣ်ဆၣ်နအိၣ်ဘူးနဲဒီးယၤ ဒီးနတၢ်မၤလိာ်ခဲလၢာ်န့ၣ်မ့ၢ်အမ့ၢ်အတီလီၤ.

စံးထီၣ်ပတြၢၤ 37:30

ပှၤအဂ့ၤအဝါအတၢ်ကတိၤန့ၣ်မ့ၢ်တၢ်ကူၣ်သ့ ဒီးအဝဲသ့ၣ်ထီဘိစံးကတိၤတၢ်အမ့ၢ်အတီလီၤ.

စံးထီၣ်ပတြၢၤ 37:37

ကွၢ်, ပှၤလၢအတၢ်ကမၣ်တအိၣ်, ဒီးကွၢ်ပှၤလၢအသူၣ်တီသးလိၤန့ၣ်တက့ၢ်. အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်, အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.

တၢ်ကတိၤဒိ. 5:2

အန့ၣ်ဒီး, နကသ့ၣ်ညါနကဘၣ်အိၣ်မူဂ့ၤဂ့ၤဘၣ်ဘၣ်ဒ်လဲၣ်ဒ်လဲၣ်, ဒီးနတၢ်ကတိၤတဖၣ်ကဒုးနဲၣ်ဝဲလၢနအိၣ်ဒီးတၢ်သ့ၣ်ညါန့ၣ်လီၤ.

လံာ်ယံးရမံယၤ 23:22

အဝဲသ့ၣ်မ့ၢ်သ့ၣ်ညါတ့ၢ်ယတၢ်ဆိကမိၣ်ခူသူၣ်တဖၣ်ဒီး, အဝဲသ့ၣ်ကသ့စံးဘၣ်တဲဘၣ်ယတၢ်ကစီၣ်ဆူယပှၤဂီၢ်မုၢ်ဒီး ကသ့မၢအဝဲသ့ၣ်ညိကွံာ်တၢ်အိၣ်မူအအၢအသီလၢအဝဲသ့ၣ် အိၣ်မူဝဲဒီးတၢ်အၢတၢ်သီတဖၣ်လၢအဝဲသ့ၣ်မၤဝဲန့ၣ်လီၤ.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်မၢ်ကူး 12:14

အဝဲသ့ၣ်ဟဲဆူအအိၣ်ဒီးစံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤတီပှၤလိၤဒီးကတိၤတၢ်တီတီလိၤလိၤ, ဒီးနတပျံၤဒီးကွၢ်မဲာ်ပှၤနီတဂၤဘၣ်န့ၣ်လီၤ. ပှၤအိၣ်ဒီးပှၤလီၢ်ပှၤလၤန့ၣ်နတပာ်ဒိၣ်လီၤဆီအီၤဘၣ်, မ့မ့ၢ်ကစၢ်ယွၤအကျဲလၢအပာ်လီၤဝဲလၢပှၤကညီအဂီၢ်န့ၣ်နသိၣ် လိသီလိအီၤတီတီလိၤလိၤလီၤ. တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤအစီၤပၤဖးဒိၣ်န့ၣ် မ့ၢ်အကြၢးဝဲဘၣ်ဝဲကစီဒီဧါ. မ့ၢ်အတကြၢးတဘၣ်ဘၣ်လဲၣ်. မ့ၢ်ပကြၢးဟ့ၣ်ဧါ, မ့တမ့ၢ်တကြၢးဟ့ၣ်ဘၣ်လဲၣ်.”

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်လူၤကၣ် 20:21

ပှၤကွၢ်ဟုၣ်ကွၢ်စုာ်တၢ်တဖၣ်အံၤစံးဘၣ်ယ့ၣ်ၡူး, “သရၣ်ဧၢ, ပသ့ၣ်ညါလၢနတကွၢ်မဲာ်ပှၤကညီအလီၢ်အလၤဘၣ်. မ့မ့ၢ်နသိၣ်လိတၢ်မ့ၢ်တၢ်တီဘၣ်ဃးဒီးကစၢ်ယွၤ အတၢ်ဘၣ်အသးလၢပှၤကညီအဂီၢ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

လံာ်သိၣ်လီၤသီလီၤတၢ် 33:10

အဝဲသ့ၣ်ကသိၣ်လိနပှၤဂီၢ်မုၢ်လၢကစူၢ်ယူဒၤအတၢ်သိၣ်တၢ်သီ, လၢနဟ့ၣ်လီၤန့ၣ်လီၤ. အဝဲသ့ၣ်ကလုၢ်ထီၣ်တၢ်လုၢ်တၢ်ပာ်တဖၣ်လၢနတၢ်လုၢ်လီၢ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.

လံာ်လီၣ်ဖျါ 14:5

အဝဲသ့ၣ်ဘၣ်တၢ်သ့ၣ်ညါအီၤလၢအတစံးကတိၤတၢ်ကဘျံး ကဘျၣ်နီတစုဘၣ်, အတၢ်ကမူၤကမၣ်တအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:12

စီၤဧ့လံၤအဖိခွါတဖၣ်န့ၣ်မ့ၢ်ပှၤတတီတလိၤတဖၣ်လီၤ. အဝဲသ့ၣ်တပာ်ကဲယွၤအကလုၢ်မ့ၢ်ဂ့ၤ,