လံာ်မၤလကံ 2:5 - Sgaw Karen Common Bible

⁵ လၢယတၢ်အၢၣ်လီၤအီလီၤအပူၤန့ၣ်, ယအၢၣ်လီၤအဝဲသ့ၣ်တၢ်မူဒီးတၢ်အိၣ်မုာ်ဆိးပၢၤ, ဒီးတၢ်အံၤမ့ၢ်တၢ်လၢယဟ့ၣ်အဝဲသ့ၣ်ဒ်သိးအဝဲသ့ၣ်ကယူးယီၣ်ပာ် ကဲယၤန့ၣ်လီၤ. ဒီးလၢမုၢ်နံၤတဖၣ်န့ၣ်အပူၤ, အဝဲသ့ၣ်ယူးယီၣ်ပာ်ကဲယၤလီၤ.

လံာ်မၤလကံ 2:5 Iomraidhean Croise

စံးထီၣ်ပတြၢၤ 61:5

ကစၢ်ယွၤဧၢ, အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ. နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.

တၢ်ကတိၤဒိ. 14:2

တၢ်အိၣ်မူတီတီလိၤလိၤမ့ၢ်နတၢ်ပာ်ဖျါထီၣ်နအိၣ်ဒီးတၢ်ပျံၤ ယွၤလီၤ. တၢ်အိၣ်မူတတီတလိၤန့ၣ်မ့ၢ်နတၢ်ပာ်ဖျါထီၣ်လၢနတအိၣ် ဒီးတၢ်ပျံၤအီၤဘၣ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်တၢ်ဂံၢ် 25:7

ဖဲပှၤလုၢ်တၢ်အခိၣ်စီၤအၤဟရိၣ်အလံၤခွါ, စီၤအလၤဧါစၢ်အဖိခွါ, စီၤပံၤနဃၣ်ထံၣ်တၢ်န့ၣ်ဒီး, အဝဲဂဲၤဆၢထၢၣ်ဒီးဟးထီၣ်ကွံာ်လၢတၢ်အိၣ်ဖှိၣ်န့ၣ်လီၤ. အဝဲစိာ်ထီၣ်ဘီတဘ့ၣ်,

လံာ်တၢ်ဂံၢ် 25:8

လဲၤပိာ်ထွဲပှၤတဂၤန့ၣ်ဒီးပိာ်မုၣ်တဂၤန့ၣ်အခံဆူဒဲပူၤဒီး ဆဲးဖျိကွံာ်ပှၤခံဂၤလိာ်န့ၣ်လၢဘီန့ၣ်လီၤ. လၢကျဲဒ်သိးအံၤန့ၣ်တၢ်သံသတြိာ်လၢအမၤဟးဂီၤကီၢ်အံၣ်စရ့လး န့ၣ်ဆိကတီၢ်အသး

လံာ်တၢ်ဂံၢ် 8:15

ဖဲသုမၤကဆှီဒီးပာ်စီဆှံထီၣ်ပှၤလ့ၤဝံဖိတဖၣ်ဝံၤန့ၣ်အဝဲ သ့ၣ်ကကြၢးဝဲဘၣ်ဝဲဒီးတၢ်ဖံးတၢ်မၤလၢဒဲစီဆှံအပူၤန့ၣ် လီၤ.