လံာ်မၤလကံ 2:3 - Sgaw Karen Common Bible

³ ယကသိၣ်ဃီၣ်သုဖိတဖၣ်ဒီးမၤဘၣ်အၢသုမဲာ်လၢဆၣ်ဖိကီၢ် ဖိလၢသုလုၢ်ထီၣ်အအ့ၣ်, ဒီးသုကဘၣ်တၢ်စိာ်ကွံာ်သုဆူတၢ်အ့ၣ်အပူၣ်န့ၣ်လီၤ.

လံာ်မၤလကံ 2:3 Iomraidhean Croise

လံာ်စီၤပၤအခီၣ်ထံးတဘ့ၣ် 14:10

လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ ပျီကွံာ်အီၤဒ်တၢ်အ့ၣ်အသိးန့ၣ်လီၤ.

လံာ်စီၤယိၤဘး 20:7

ဘၣ်ဆၣ်အဝဲကဘၣ်တၢ်အူဒံကွံာ်အီၤဒ်ဖၣ်ကမူၣ်အသိးန့ၣ်လီၤ. ပှၤလၢအသ့ၣ်ညါညီနုၢ်အီၤတဖၣ် ကကမၢကမၣ်လၢ မ့ၢ်အဝဲသ့ၣ်လဲၤတုၤဆူလဲၣ်န့ၣ်လီၤ.

စံးထီၣ်ပတြၢၤ 47:5

ကစၢ်ယွၤက့ၤထီၣ်ဆူအလီၢ်ပစိာ်လီၤ. တၢ်သူၣ်ဖှံသးညီအတၢ်ကိးထီၣ်တဖၣ် ဒီးကွဲၤတဖၣ်သီၣ်ထီၣ်ဝဲ ဖဲယွၤက့ၤထီၣ်ဆူထးန့ၣ်လီၤ.

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

လံာ်တၢ်ဟးထီၣ်ကွံာ် 29:14

မ့မ့ၢ်, ဂီၤဖံးဖါအညၣ်, အဖံးတဖၣ်ဒီးအပှံာ်အကဖုတဖၣ်န့ၣ်ဆူးကဲၤထီၣ်အီၤလၢသူၣ်ဒဲလီၢ်အချၢတက့ၢ်. အဝဲအံၤမ့ၢ်တၢ်လုၢ်မၤဘူၣ်တခါလၢကတြူာ်ကွံာ်ပှၤလုၢ်တၢ်အခိၣ်တဖၣ်အတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ယိၤအ့လး 1:10

စံာ်ဧိၤပျီဧိၤတဖၣ်ဘၣ်တၢ်မၤဟးဂီၤကွံာ်အီၤ, ဟီၣ်ခိၣ်ဃ့ထီကွံာ်ဝဲ, မ့ၢ်လၢဘုဧိၤဟုဧိၤဘၣ်တၢ်မၤဟးဂီၤကွံာ်အီၤ, စပံးထံဃ့ထီကွံာ်ဝဲ, ဒီးသ့ၣ်စၤယံးအထံးတဖၣ်လီၤညွံးလီၤဘဲကွံာ်ဝဲဒၣ်အဃိန့ၣ်လီၤ.

လံာ်ယိၤအ့လး 1:17

တၢ်ချံတဖၣ်သံလၢဟီၣ်ခိၣ်ဃ့အဃိလီၤ. ဘုချံလၢတၢ်ကပာ်ဖှိၣ်အီၤအဂီၢ်တအိၣ်ဘၣ်, ဒီးဘုဖီတဖၣ်ဟးဂီၤကွံာ်ဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်နၤဃူၣ် 3:6

ယကပာ်နၤဒ်တၢ်လီၤသးဘၣ်အၢအသိး ဒီးကးဘၢနၤလၢတၢ်ဘၣ်အၢဘၣ်သီလီၤ. ပှၤဂီၢ်မုၢ်ကကွၢ်စူၣ်နၤလၢတၢ်ပျံၤတၢ်ဖုးအပူၤလီၤ.

လံာ်မၤလကံ 2:9

မၤသးဒ်န့ၣ်ဒီး, ယပာ်သုလၢတၢ်တပာ်ကဲဘၣ်အလီၢ်ဒီးတၢ်မၤတရီ တပါအလီၢ်လၢကယဲၢ်ပှၤခဲလၢာ်အမဲာ်ညါန့ၣ်လီၤ. အဂ့ၢ်ဒ်အံၤ, သုတတိၢ်န့ၢ်ဘၣ်ယကျဲဘၣ်. ဒီးသုကွၢ်မဲာ်တၢ်လၢသုတၢ်သိၣ်လိသီလိအပူၤန့ၣ်လီၤ.”

လံာ်လူၤကၣ် 14:35

လၢဟီၣ်ခိၣ်အဂီၢ်မ့ၢ်ဂ့ၤ, ဟီၣ်ခိၣ်ညၣ်ထ့ၣ်အဂီၢ်မ့ၢ်ဂ့ၤ, အဘျုးအဖှိၣ်တအိၣ်နီတမံၤဘၣ်ဒီးပှၤစူးကွံာ်အီၤလီၤ. ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”

1 ကရံၣ်သူး 4:13

ဖဲပဘၣ်တၢ်ကတိၤဒုၣ်ဒွဲၣ်ပှၤန့ၣ်, ပစံးဆၢပဝဲလၢတၢ်ကတိၤအမုာ် တဖၣ်လီၤ. ပမ့ၢ်ဒၣ်ဟီၣ်ခိၣ်တဘ့ၣ်အံၤအတၢ်ကမှံၤတဖၣ်လီၤ. တုၤလီၤလၢဆၢကတီၢ်ခဲအံၤဒၣ်လဲာ်န့ၣ်, ပမ့ၢ်ဒၣ်ဟီၣ်ခိၣ်တဘ့ၣ်အံၤအတၢ်တဂိာ်တသီၣ်တဖၣ်လီၤ.

လံာ်သိၣ်လီၤသီလီၤတၢ် 28:38

သုကဖှံလီၤတၢ်ချံအါအါဂီၢ်ဂီၢ်, ဘၣ်ဆၣ်ကူးဘၣ်တၢ်ထဲစှၤကိာ်ဧိၤ, မ့ၢ်လၢဒွဲၣ်ဧိၤတြၤဧိၤတဖၣ်ကအီၣ်ကွံာ်သုတၢ်မုၢ်တၢ်ဘိ, တၤသူတၤသၣ်တဖၣ်အဃိန့ၣ်လီၤ.