လံာ်မၤလကံ 2:2 - Sgaw Karen Common Bible

² သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်မၤလကံ 2:2 Iomraidhean Croise

စံးထီၣ်ပတြၢၤ 69:22

မ်အစီၢ်နီၤခိၣ်ကဲထီၣ်ထုတဆိလၢအမဲာ်ညါတက့ၢ်. မ်အတၢ်အီၣ်လုၢ်ထီၣ်ပာ်ထီၣ်တဖၣ်အံၤ ကဲထီၣ်ပျံၤသကွီၤန့ၣ်တက့ၢ်.

တၢ်ကတိၤဒိ. 3:33

ယွၤပာ်ဖှိၣ်တၢ်ဆိၣ်အၢတမံၤလၢပှၤတတီတလိၤအဟံၣ်တဖၣ်အဖီခိၣ် လီၤ. မ့မ့ၢ်ဆိၣ်ဂ့ၤပှၤအတီအလိၤတဖၣ်အတၢ်အိၣ်တၢ်ဆိးအလီၢ်န့ၣ်လီၤ.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယၡါယၤ 47:7

နဆိကမိၣ်တ့ၢ်လၢနကမ့ၢ်နီၢ်ပၤမုၣ်တဂၤထီဘိ, ဒီးတပာ်လ့ၣ်ပာ်ကါတၢ်သ့ၣ်တဖၣ်အံၤမ့ၢ်ဂ့ၤ, ဒီးတၢ်ခဲလၢာ်အံၤကလဲၤကတၢၢ်အသးဒ်လဲၣ်န့ၣ်မ့ၢ်ဂ့ၤ, နတဆိကမိၣ်ထီၣ်စ့ၢ်ကီးဘၣ်.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ယဃ့းစက့လး 3:7

ဘၣ်ဆၣ်ဒီး, ကီၢ်အံၣ်စရ့လး အပှၤဂီၢ်မုၢ်တမ့ၢ်ကသးအိၣ်ဒိကနၣ်နၤ နီတဂၤဘၣ်, အဝဲသ့ၣ် တမ့ၢ်ကဒိကနၣ်ယၤဒၣ်လဲာ်န့ၣ်ဘၣ်. အဝဲသ့ၣ်ခဲလၢာ်မ့ၢ် ပှၤအခိၣ်အကိၤဒီး ခီၣ်ဆၢတၢ်န့ၣ်လီၤ.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 1:9

သုမုၢ်လၢ်တ့ၢ်လၢတၢ်ကူးဘၣ်က့ၤတၢ်အါအါဂီၢ်ဂီၢ်, ဘၣ်ဆၣ်ကဲထီၣ်က့ၤထဲတၢ်စှၤကိာ်ဧိၤလီၤ. ဒီးဖဲသုဟဲက့ၤစိာ်တၢ်ကူးဘၣ်က့ၤဆူဟံၣ်န့ၣ်, ယအူဒံကွံာ်အီၤလီၤ. ဘၣ်မနုၤယမၤတ့ၢ်တၢ်န့ၣ်လဲၣ်. မ့ၢ်လၢယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤ, ဖဲသုဝဲတဂၤဘၣ်တဂၤအတၢ်မၤအါဝဲလၢတၢ်မၤထီၣ်သုဟံၣ်ဒၣ်ဝဲ အခါန့ၣ်လီၤ.

လံာ်မၤလကံ 2:1

ယွၤသ့တၢ်လၢာ်စံးဘၣ်ပှၤလုၢ်တၢ်အခိၣ်တဖၣ်, “တၢ်မၤလိာ်အံၤမ့ၢ်လၢသုဂီၢ်လီၤ.

လံာ်မၤလကံ 3:9

တၢ်ဆိၣ်အၢအိၣ်လၢသုဝဲခဲလၢာ်အဖီခိၣ်မ့ၢ်လၢပှၤဒီကလုာ်လီ န့ၢ်ယၤအဃိလီၤ.

လံာ်လူၤကၣ် 17:18

ဘၣ်မနုၤအဃိပှၤကလုာ်ဂၤတဂၤအံၤမ့ၢ်ဝဲပှၤထဲတဂၤဧိၤလၢ အဟဲက့ၤဒီးဟ့ၣ်က့ၤတၢ်စံးဘျုးဆူကစၢ်ယွၤန့ၣ်လဲၣ်.”

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.