လံာ်မၤလကံ 2:16 - Sgaw Karen Common Bible

¹⁶ ယွၤအံၣ်စရ့လးအကစၢ်ယွၤစံးဝဲ, “ယသးဟ့တၢ်ပာ်မၢ်လိာ်သးလီၤ. ယသးဟ့တၢ်အံၤ, ဖဲသုဝဲတဂၤဂၤမၤတၢ်အအၢအသီဒ်သိးအံၤဆူအမါန့ၣ်လီၤ. ပလီၢ်သုသးဒ်သိး, သုသုတမၤဟးဂီၤကွံာ်သုတၢ်အၢၣ်လီၤ အီလီၤလၢသုကတီဒီးသုမါအဂီၢ်န့ၣ်တက့ၢ်.”

လံာ်မၤလကံ 2:16 Iomraidhean Croise

စံးထီၣ်ပတြၢၤ 73:6

မၤသးဒ်န့ၣ်ဒီးတၢ်ပာ်ထီၣ်ထီသးန့ၣ်မ့ၢ် အဝဲသ့ၣ်အကိာ်ကွီၤတဖၣ်, ဒီးတၢ်မၤတၢ်လၢတၢ်စုဆူၣ်ခီၣ်တကးလုၣ်ဘၢ အဝဲသ့ၣ်ဒ်တၢ်ကူတၢ်ကၤအသိးန့ၣ်လီၤ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

တၢ်ကတိၤဒိ. 5:20

ယဖိခွါဧၢ, ဘၣ်မနုၤအဃိနကဟ့ၣ်နတၢ်အဲၣ်လၢပိာ်မုၣ်အဂၤတဂၤန့ၣ် လဲၣ်. ဘၣ်မနုၤအဃိနဘၣ်တၢ်ထိၣ်ဂဲၤမၤမူၤနသးလၢပှၤအဂၤတဂၤအမါ အတၢ်လီၤအဲၣ်လီၤကွံန့ၣ်လဲၣ်.

လံာ်ယၡါယၤ 28:20

သုကလီၤဂာ်ဒီးပှၤလၢတၢ်ကတိၤဒိအပူၤ, လၢအကျဲးစၢးမံ လီၤလၢလီၢ်မံခးလၢအဖုၣ်ကဲၣ်ဆိးအပူၤဒ်သိးကစူၣ်လီၤအခီၣ် အဂီၢ်, အိၣ်ဒီးယၣ်လုးလၢအအံၣ်ကဲၣ်ဆိးလၢကလုးဘၢအသး အဂီၢ်လီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 59:6

ဘၣ်ဆၣ်ဒီးသုတၢ်ကူၣ်အၢကူၣ်သီတဖၣ်န့ၣ်, တမၤဂ့ၤသုနီတမံၤ ဘၣ်. အဝဲသ့ၣ်န့ၣ်အသူတဂိာ်ဘၣ်, ဒ်သိးဒၣ်တၢ်ကူတၢ်ကၤလၢအဘၣ်တၢ်ထါအီၤဒီးကပီၤလုၤတဖၣ်န့ၣ်လီၤ.

လံာ်လူၤကၣ် 16:18

ပိာ်ခွါတဂၤလၢ်လၢ်လၢအပာ်မၢ်ကွံာ်အမါဒီးန့ၢ်အမါလၢပိာ်မုၣ် အဂၤတဂၤန့ၣ်, မ့ၢ်အအဲၣ်ဘၢတၢ်, ဒီးပိာ်ခွါတဂၤလၢအန့ၢ်အမါလၢပိာ်မုၣ်တဂၤလၢအဘၣ်တၢ်ပာ်မၢ်ကွံာ်အီၤန့ၣ်, မ့ၢ်အမၤကမၣ်ပှၤဂၤအမါလီၤ.

1 ကရံၣ်သူး 7:10

ဆူပှၤအိၣ်ဒီးအမါအဝၤတဖၣ်အအိၣ်န့ၣ်, ယဟ့ၣ်လီၤတၢ်အကလုၢ်လၢအတမ့ၢ်ယကလုၢ်ဒၣ်ယဲဘၣ်. မ့မ့ၢ်, မ့ၢ်ဝဲကစၢ်အကလုၢ်န့ၣ်လီၤ. မါတဂၤတကြၢးပာ်တီၢ် အဝၤဘၣ်.