လံာ်မၤလကံ 2:15 - Sgaw Karen Common Bible

¹⁵ မ့ၢ်ကစၢ်ယွၤတဒုးကဲထီၣ်ဘၣ်သုဒီးသုမါလၢနီၢ်တဂၤ ဃီဒီးသးတဖျၢၣ်ဃီန့ၣ်ဘၣ်ဧါ. အဝဲအတၢ်ကွၢ်စိလၢတၢ်အံၤန့ၣ်မ့ၢ်မနုၤလဲၣ်. တၢ်န့ၣ်မ့ၢ်ဒၣ်ဒ်သိးသုကအိၣ်ဒီး သုဖိတဖၣ်လၢအမ့ၢ်ကစၢ်ယွၤအပှၤဂီၢ်မုၢ်အမ့ၢ်အတီန့ၣ်လီၤ. လၢတၢ်န့ၣ်အဃိ, ပလီၢ်သုသးဒ်သိးသုသုတမၤဟးဂီၤသုတၢ် အၢၣ်လီၤဒီးသုမါနီတဂၤတဂ့ၤန့ၣ်တက့ၢ်.

လံာ်မၤလကံ 2:15 Iomraidhean Croise

လံာ်တၢ်ကဲထီၣ်အခီၣ်ထံး 1:27

ဒီးကစၢ်ယွၤတ့လီၤပာ်လီၤပှၤကညီတဖၣ်, တ့အဝဲသ့ၣ်လီၤဂာ်ဒ် သိးသိးအကစၢ်ဒၣ်ဝဲလီၤ. အဝဲတ့လီၤပာ်လီၤအဝဲသ့ၣ်, ပိာ်ခွါဒီးပိာ်မုၣ်,

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:44

အဝဲမ့ၢ်ဘၣ်သူၣ်ဘၣ်သးဒီးမၤဘျုးတၢ်ဒီးဟဲစိာ်စ့ၢ်ကီးထံလၢ ယကီၤလၤအူးတဖၣ်အဂီၢ်န့ၣ်မ်ပိာ်မုၣ်န့ၣ်ကမ့ၢ်ပှၤတဂၤလၢနဃု ထၢတ့ၢ်အီၤဒ်မါတဂၤလၢယကစၢ်အဖိခွါအဂီၢ်အသိးန့ၣ်တက့ၢ်.’

လံာ်တၢ်ကဲထီၣ်အခီၣ်ထံး 27:46

ဒီးနီၢ်ရံးဘကၤစံးဘၣ်စီၤအံၤစဲး, “ယသးလီၤဘှံးလီၤဘှါ လၢစီၤဧ့ၡီၤအမါပှၤတခီဘီမုၢ်ဖိတဖၣ်အဃိလီၤ. ဒီးစီၤယၤကိာ်မ့ၢ်ဟံးန့ၢ်စ့ၢ်ကီးအမါလၢပှၤဃ့ၤသးမုၣ်ဖိ ဒီးယကသံစ့ၢ်ကီးလီၤ.”

လံာ်တၢ်ကဲထီၣ်အခီၣ်ထံး 6:2

ကစၢ်ယွၤအဖိခွါတနီၤထံၣ်ဝဲဒၣ်လၢဖိသၣ်မုၣ်ဖိသ့ၣ်တဖၣ်အံၤ ဃံလၤဝဲဒီးဟံးန့ၢ်ဝဲဖိသၣ်မုၣ်စုာ်စုာ်လၢအဘၣ်သူၣ်ဘၣ်သး ဝဲတဖၣ်န့ၣ်လီၤ.

လံာ်စီၤဧ့စြၤ 9:4

ယဆ့ၣ်နီၤဖဲန့ၣ်လၢတၢ်သူၣ်အုးသးအုးအပူၤတုၤလီၤလၢဟါတၢ် လုၢ်တၢ်ပာ်ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ. ဒီးပှၤဂီၢ်မုၢ်စးထီၣ်ဟဲအိၣ်ဝးတရံးယၤလီၤ. အဝဲသ့ၣ်မ့ၢ်ကယဲၢ်ပှၤတဖၣ်လၢအပျံၤဘၣ်တၢ်မ့ၢ်လၢအံၣ်စရ့လး အကစၢ်ယွၤအတၢ်ကတိၤဘၣ်ထွဲဒီးပှၤတဖၣ်လၢအဟဲက့ၤလၢတၢ်စိာ်မၢ ကဲကုၢ်အတၢ်ဒဲးဘးအဂ့ၢ်အဃိန့ၣ်လီၤ.

လံာ်စီၤနဃ့မယၤ 13:24

အဝဲသ့ၣ်အဖိတဝာ်န့ၣ်ကတိၤပှၤအၤစဒိးအကျိာ်မ့တမ့ၢ်ကျိာ်အဂၤ ဒီးတသ့ၣ်ညါကတိၤက့ၤပကျိာ်လၢၤဘၣ်န့ၣ်လီၤ.

လံာ်စီၤယိၤဘး 27:3

ဖဲယသးသမူအိၣ်ဒံးလၢယပူၤဒီးကစၢ်ယွၤဒုးသါထီၣ်သါလီၤ ယၤအဖၢမုၢ်န့ၣ်,

လံာ်တၢ်ဟးထီၣ်ကွံာ် 20:14

မၤကမၣ်မုၣ်ကမၣ်ခွါတဂ့ၤ.

တၢ်ကတိၤဒိ. 2:17

လၢအတတီဒီးအဝၤဒၣ်ဝဲဒီးသးပ့ၤနီၣ်ကွံာ်အတၢ်အၢၣ်လီၤ အီလီၤစီဆှံတဖၣ်ကသ့ဝဲန့ၣ်လီၤ.

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

တၢ်ကတိၤဒိ. 6:25

ပျဲအဝဲသ့ၣ်အတၢ်ဃံတၢ်လၤလ့ပစီန့ၢ်နၤတဂ့ၤ. ပျဲအမဲာ်ချံလၢအကလံာ်လွဲတၢ်အပျံၤသကွီၤန့ၣ်ဖီၣ်န့ၢ်နၤတ ဂ့ၤ.

တၢ်ကတိၤဒိ. 7:25

ပျဲပိာ်မုၣ်ဒ်န့ၣ်အသိးတဂၤမၤန့ၢ်မၤနၢၤသုသးတဂ့ၤ. လဲၤပိာ်ထွဲအခံတဂ့ၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်ယိၤဟၣ် 20:22

ဝံၤဒီးယ့ၣ်ၡူးသါသဖှိထီၣ်လၢအဝဲသ့ၣ်အလိၤဒီးစံး, “ဒိးန့ၢ်သး စီဆှံတက့ၢ်.

မၤတၢ် 3:25

ကစၢ်ယွၤအတၢ်အၢၣ်လီၤအီလီၤခီဖျိအဝံတဖၣ်န့ၣ်မ့ၢ်လၢသုဂီၢ်, ဒီးသုန့ၢ်သါဃုာ်တၢ်အၢၣ်လီၤအီလီၤလၢကစၢ်ယွၤမၤဝဲဒီး သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒ်အဝဲစံးဘၣ်စီၤအၤဘြၤဟၣ်အသိး, ‘ယကဆိၣ်ဂ့ၤပှၤဟီၣ်ခိၣ်ဖိခဲလၢာ်ခီဖျိနဖိနလံၤနစၢၤနသွဲၣ်တဖၣ်န့ၣ်လီၤ.’

1 ကရံၣ်သူး 7:14

အဂ့ၢ်ဒ်အံၤ, ဝၤလၢအတစူၢ်က့ၤနာ်က့ၤတၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအမါ, ဒီးအမါလၢအတစူၢ်တနာ်တၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအဝၤ, ပှၤခရံာ်ဖိတဂၤန့ၣ်လီၤ. မ့တမ့ၢ်ဒ်န့ၣ်ဘၣ်ဒီး, အဝဲသ့ၣ်အဖိအလံၤတဖၣ်ကလီၤဂာ်ဒ်ပှၤသူခိၣ်ဖိအဖိအလံၤ အသိးလီၤ. ဘၣ်ဆၣ်ဒီး, ဒ်တၢ်မၤအသးအသိးန့ၣ်, အဝဲသ့ၣ်ဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤ အမဲာ်ညါလီၤ.

1 ကရံၣ်သူး 7:2

ဘၣ်ဆၣ်ဒီး, တၢ်မၤကမၣ်မုၣ်ကမၣ်ခွါအိၣ်ဝဲဒၣ်အါမး အဃိ, ပှၤပိာ်ခွါကိးဂၤဒဲးကြၢးအိၣ်ဒီးအမါဒၣ်ဝဲ, ဒီးပှၤပိာ်မုၣ်ကိးဂၤဒဲးကြၢးအိၣ်ဒီးအဝၤဒၣ်ဝဲန့ၣ်လီၤ.

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 7:4

အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးအဝဲသ့ၣ်ကဆှၢယံၤကွံာ်သုဖိ တဖၣ်ဒီးယွၤဒ်သိးကဘူၣ်ထီၣ်ဘါထီၣ်ကစၢ်အဂၤတဖၣ်အဂီၢ်န့ၣ်လီၤ. တၢ်န့ၣ်မ့ၢ်မၤအသးဒ်န့ၣ်ဒီး, ယွၤကသးဒိၣ်ထီၣ်ဘၣ်သုဒီးမၤဟး ဂီၤကွံာ်သုတဘျီဃီန့ၣ်လီၤ.

တံတူး 1:6

တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

လံာ်နီၢ်ရူၤသး 4:12

မ်နဖိနလံၤလၢယွၤကဟ့ၣ်သါနၤခီဖျိပိာ်မုၣ်အံၤန့ၣ်, ဒုးကဲထီၣ်နဒူၣ်ဖိထၢဖိလီၤဂာ်ဒ်စီၤဖ့ရ့းလၢအမ့ၢ်စီၤယူ ဒၤဒီးနီၢ်တၤမၢ်အဒူၣ်ဖိထၢဖိအသိးန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 2:20

ဒီးစီၤဧ့လံၤဆိၣ်ဂ့ၤစီၤအ့လကါနၤဒီးအမါဒီးစံးဘၣ်စီၤအ့လကါနၤ, “မ်ယွၤဟ့ၣ်နၤဖိအဂၤတဖၣ်ခီဖျိလၢပိာ်မုၣ်အံၤလၢဖိခွါ လၢနပာ်စီဆှံထီၣ်အီၤအလီၢ်န့ၣ်တက့ၢ်.” အန့ၣ်ဝံၤဒီးအဝဲသ့ၣ်က့ၤကဒါက့ဆူဟံၣ်လီၤ.