လံာ်မၤလကံ 2:13 - Sgaw Karen Common Bible

¹³ အအံၤမ့ၢ်တၢ်အဂၤတမံၤလၢသုမၤန့ၣ်လီၤ. သုမၤလီၤဘျၢကွံာ်ယွၤအတၢ်လုၢ်လီၢ်လၢမဲာ်ထံမဲာ်နိ, တၢ်ဟီၣ်တၢ်ယၢၤဒီးတၢ်ကအုကစွါမ့ၢ်လၢအတတူၢ်လိာ်လၢၤဘၣ်တၢ်လုၢ် တဖၣ်လၢသုဟဲစိာ်ဆူအအိၣ်အဃိလီၤ.

လံာ်မၤလကံ 2:13 Iomraidhean Croise

လံာ်စီၤနဃ့မယၤ 5:1

ဒီးတစိၢ်ဖိဝံၤအလီၢ်ခံပှၤအါဂၤ, ပှၤပိာ်ခွါဒီးပှၤပိာ်မုၣ် တဖၣ်စးထီၣ်ပာ်ဒ့ၣ်ပာ်ကမၣ်ပှၤယူဒၤဖိကဒဲကဒဲန့ၣ်လီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ယံးရမံယၤ 11:14

စီၤယံးရမံယၤဧၢ, ဃ့ထုကဖၣ်တၢ်လၢယၤမ့ၢ်ဂ့ၤဃ့ကညး ယၤမ့ၢ်ဂ့ၤလၢပှၤဂီၢ်မုၢ်အံၤအခၢၣ်စးတဂ့ၤ. ဖဲအဝဲသ့ၣ်အိၣ်လၢတၢ်ကီတၢ်ခဲအပူၤ, ဒီးကိးထီၣ်ယၤလၢတၢ်မၤ စၢၤအဂီၢ်န့ၣ်, ယတကနၣ်အဝဲသ့ၣ်ဘၣ်.”

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 26:14

ဖဲယအိၣ်ဒီးတၢ်သူၣ်အုးသးအုးအခါန့ၣ်ယတအီၣ်တၢ်န့ၣ်နီ တစဲးဘၣ်, ယတဟံးန့ၢ်အီၤနီတစဲးလၢယဟံၣ်ပူၤဖဲယတကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအခါဘၣ်. ဒီးယတဟ့ၣ်လီၤအီၤဒ်တၢ်မၤဘူၣ်အသိးဆူပှၤသံန့ၣ်နီတစဲးဘၣ်. ယစူၢ်နၤ, ယွၤဧၢ, ယမၤတၢ်ခဲလၢာ်ဒ်နတၢ်မၤလိာ်တ့ၢ်အသိးဘၣ်ဃး တၢ်ဆံဆဲၣ်ပူတပူန့ၣ်လီၤ.