လံာ်မၤလကံ 1:5 - Sgaw Karen Common Bible

⁵ အံၣ်စရ့လးအပှၤဂီၢ်မုၢ်ကထံၣ်ဘၣ်တၢ်အံၤလၢအမဲာ်ချံဒၣ်ဝဲတဖၣ်, ဒီးအဝဲသ့ၣ်ကစံးဝဲ, “ယွၤန့ၣ်ဒိၣ်ဝဲလၢအံၣ်စရ့လးအကီၢ်အချၢဒၣ် လဲာ်လီၤ.”

လံာ်မၤလကံ 1:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:8

လၢတၢ်အံၤအဃိယွၤသးထီၣ်ဘၣ်ကီၢ်ယူဒၤဒီးဝ့ၢ်ယရူၤၡလ့ၣ်, ဒီးတၢ်လၢယွၤမၤဘၣ်အဝဲသ့ၣ်န့ၣ်ဒုးကမၢကမၣ်မၤပျံၤမၤဖုး ပှၤကိးဂၤဒဲးန့ၣ်လီၤ. သုသ့ၣ်ညါတၢ်အံၤဂ့ၤဂ့ၤဘၣ်ဘၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 39:9

ပှၤဂီၢ်မုၢ်လၢအအိၣ်ဝဲလၢကီၢ်အံၣ်စရ့လးအဝ့ၢ်တဖၣ်ကဟးထီၣ် ဒီးထၢဖှိၣ်တၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤ တဖၣ်လၢသ့ၣ်မုၣ်အဂီၢ်န့ၣ်လီၤ. အဝဲသ့ၣ်ကမၤကဲၤထီၣ်မ့ၣ်အူ လၢကတီၤတဖၣ်, ချံၣ်တဖၣ်, ပျၢ်တဖၣ်ဘီတဖၣ်ဒီးနီၣ်တီၢ်ဖိတဖၣ် ဒီးကအိၣ်လၢဝဲလၢနွံနံၣ်အတီၢ်ပူၤန့ၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်သိၣ်လီၤသီလီၤတၢ် 11:7

မ့ၢ်လီၤ. သုမ့ၢ်ပှၤတဖၣ်လၢအထံၣ်ဘၣ်တ့ၢ်တၢ်မၤအဒိၣ်အမုၢ်တဖၣ် အံၤလၢယွၤမၤတ့ၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 4:3

သုနီၢ်ကစၢ်ဒၣ်သုဝဲထံၣ်ဘၣ်တ့ၢ်တၢ်တဖၣ်လၢယွၤမၤတ့ၢ်ဝဲလၢ ကစၢၢ်ပဧိၢ်အဒီခိၣ်န့ၣ်လီၤ. ဖဲန့ၣ်အဝဲမၤဟးဂီၤကွံာ်ပှၤကိးဂၤဒဲးလၢအဘူၣ်ထီၣ်ဘါထီၣ် ဘဧၤလး,

လံာ်စီၤယိၤၡူ 24:7

ကိးထီၣ်ယၤလၢတၢ်မၤစၢၤအဂီၢ်သတးဒီးယပာ်လီၤတၢ်ခံးလၢအဝဲ သ့ၣ်ဒီးပှၤအဲၤကူပတူးဖိအဘၢၣ်စၢၤန့ၣ်လီၤ. ယဒုးဟဲထီၣ်ပီၣ်လဲၣ်အထံလၢပှၤအဲၤကူပတူးဖိတဖၣ် အဖီခိၣ်ဒီးဒုးလီၤအုးသံကွံာ်အဝဲသ့ၣ်လီၤ. သုသ့ၣ်ညါတၢ်လၢယမၤတ့ၢ်လၢအဲၤကူပတူးအဂီၢ်လံ. ဒီးသုအိၣ်သုဆိးလၢပှၢ်မုၢ်ကနၢအပူၤအါနံၣ်အါလါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:16

မၤသးဒ်န့ၣ်ဒီး, ဆၢထၢၣ်ဖဲသုအိၣ်အလီၢ်, ဒီးသုကထံၣ်တၢ်အဒိၣ်အမုၢ်လၢ ယွၤကမၤအီၤန့ၣ်လီၤ.