လံာ်မၤလကံ 1:4 - Sgaw Karen Common Bible

⁴ စီၤဧ့ၡီၤအစၢၤအသွဲၣ်လၢအမ့ၢ်ပှၤအဒိၣ်ဖိမ့ၢ်စံးဝဲ, “ပခူပဝ့ၢ်တဖၣ်ဘၣ်တၢ်မၤဟးဂီၤအီၤဘၣ်ဆၣ် ပကဘှီထီၣ်ကဒါက့ၤအီၤလီၤ.” ဒီး, ယွၤကစံးဆၢဝဲ, “မ်အဝဲသ့ၣ်ဘှီထီၣ်ကဒါက့ၤတက့ၢ်. ဒီးယကမၤလီၤပှီၢ်ကွံာ်ကဒီးတဘျီလီၤ. ဒီးပှၤကကိးအဝဲသ့ၣ်လၢ, ထံကီၢ်လၢအအၢအသီဒီးပှၤဂီၢ်မုၢ်လၢယွၤသးထီၣ်ဘၣ်အီၤလီၤ စိၤလီၤထီလီၤ.”

လံာ်မၤလကံ 1:4 Iomraidhean Croise

လံာ်စီၤယိၤဘး 12:14

တုၤကစၢ်ယွၤမၤလီၤပှီၢ်တၢ်ဒီးမ့ၢ်မတၤဘှီထီၣ်က့ၤကသ့ဝဲဒၣ်န့ၣ်လဲၣ်. ဒီးမ့ၢ်မတၤမၤထူၣ်ဖျဲးပှၤလၢကစၢ်ယွၤစၢဃာ်အီၤ သ့တဂၤန့ၣ်လဲၣ်.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 34:10

ကအီၣ်တၢ်မနၤနၤမဆါဆါ, ဒီးမ့ၣ်အူလုၣ်ကခုၣ်ထီၣ်ဝဲလီၤစိၤ လီၤထီလီၤ. ထံကီၢ်ကအိၣ်သယုၢ်တစိၤဝံၤတစိၤ, ဒီးပှၤတလဲၤတၢ်က့ၤတၢ်ခီဖျိကဒီးအီၤနီတစုနီတဂၤလၢၤဘၣ်န့ၣ်လီၤ.

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယံးရမံယၤ 31:17

လၢနခါဆူညါအဂီၢ်န့ၣ်, တၢ်မုၢ်လၢ်အိၣ်ဝဲလီၤ. နဖိတဖၣ် ကဟဲက့ၤကဒါက့ၤဆူ ဟံၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 49:20

အဃိဒီး, ဒိကနၣ်ယတၢ်ကူၣ်ကျဲၤလၢ ယမၤအီၤထီဒါ ကီၢ်အဒိၣ်အပှၤဂီၢ်မုၢ်ဒီး တၢ်လၢယတိာ်အီၤလၢယကမၤဘၣ် ဝ့ၢ်တ့ၤမၣ် အပှၤဂီၢ်မုၢ်န့ၣ်တက့ၢ်. အဝဲသ့ၣ်အဖိတဖၣ်ဒၣ်လဲာ် ကဘၣ်တၢ်တွံၢ်ထီၣ်ကွံာ်အီၤဒီး ပှၤကိးဂၤဒဲးကပျံၤတၢ်ဖုးတၢ် န့ၣ်လီၤ.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 49:8

ဝ့ၢ်ဒ့ဒၢ်အပှၤဂီၢ်မုၢ်သ့ၣ်ဧၢ, ဃၣ်သုသးဒီးဃ့ၢ်တက့ၢ်. အိၣ်ခူသူၣ်တက့ၢ်. ယကမၤဟးဂီၤစီၤဧ့ၡီၤအစၢၤအသွဲၣ်တဖၣ်န့ၣ်လီၤ. အဂ့ၢ်ဒ်အံၤ, တၢ်ဆၢကတီၢ်ဟဲလံဝဲလၢ ယဂီၢ်လၢ ယကစံၣ် ညီၣ်အဝဲသ့ၣ်လံ.

လံာ်ယံးရမံယၤ 5:17

အဝဲသ့ၣ်ကအီၣ်လၢာ်ကွံာ်သုတၤသူတၤသၣ်တဖၣ်ဒီးသုတၢ်အီၣ် တၢ်အီတဖၣ်လီၤ. အဝဲသ့ၣ်ကမၤသံကွံာ်သုဖိခွါတဖၣ်ဒီးသုဖိမုၣ်တဖၣ်လီၤ. အဝဲသ့ၣ်ကမၤသံကွံာ်သုသိဒီးမဲာ်တဲးလဲးအဖုတဖၣ် ဒီးကမၤဟးဂီၤကွံာ်သုစပံးမုၢ်တဖၣ်ဒီးသုချၢၣ်ဒၢအထံးတဖၣ်လီၤ. သုဝ့ၢ်အိၣ်ဒီးတိာ်ဧိၤတာ်ဧိၤတဖၣ်လၢသုသန့ၤသုသးလၢအီၤန့ၣ်, ကဘၣ်တၢ်မၤဟးဂီၤကွံာ်အီၤလၢအဝဲသ့ၣ်အသုးမုၢ်န့ၣ်လီၤ.

လံာ်သးသယုၢ်တၢ် 3:37

ယွၤမ့ၢ်တဘၣ်သူၣ်ဘၣ်သးဘၣ်ဒီးပှၤဒုးကဲထီၣ်လိၣ်ထီၣ်တၢ် တသ့ဘၣ်နီတမံၤနီတဂၤဘၣ်.

လံာ်ယဃ့းစက့လး 11:10

ဒီးသုကဘၣ်တၢ်မၤသံသုလၢတၢ်ဒုးတၢ်ယၤအပူၤလၢသုထံ သုကီၢ်ဒၣ်ဝဲအပူၤလီၤ. တုၤနုၤတစုပှၤကိးဂၤဒဲးကသ့ၣ်ညါလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 25:13

ခဲကနံၣ်အံၤ, ယဘိးဘၣ်သ့ၣ်ညါလၢယကစံၣ်ညီၣ်ကီၢ်အဒိၣ်ဒီးမၤသံ ကွံာ်ကယဲၢ်ပှၤကညီဒီးဆၣ်ဖိကီၢ်ဖိခဲလၢာ်န့ၣ်လီၤ. ယကဒုးကဲထီၣ်အီၤလၢတၢ်အိၣ်သယုၢ်အလီၢ်တတီၤစးထီၣ်လၢဝ့ၢ်တ့ၤ မၣ်တုၤဆူဝ့ၢ်ဒံဒၣ်ဒီးပှၤဂီၢ်မုၢ်ကဘၣ်တၢ်မၤသံအီၤ လၢတၢ်ဒုးပျီပူၤန့ၣ်လီၤ.

လံာ်ယဃ့းစက့လး 25:14

ယပှၤဂီၢ်မုၢ်အံၣ်စရ့လးကမၤဟ့ၣ်ကၣ်တၢ်လၢကီၢ်အဒိၣ်အဖီခိၣ်လၢ ယဂီၢ်, ဒီးအဝဲသ့ၣ်ကဒုးကလၢၢ်ဘၣ်ကီၢ်အဒိၣ်လၢယတၢ်သးကဲၤထီၣ်ဒိၣ်နး နးကလဲာ်န့ၣ်လီၤ. ကီၢ်အဒိၣ်ကသ့ၣ်ညါဝဲလၢယတၢ်ဟ့ၣ်ကၣ်အတၢ် ပညိၣ်, အခီပညီမ့ၢ်တၢ်မနုၤလဲၣ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ် ကတိၤလံတၢ်လံ.

လံာ်ယဃ့းစက့လး 26:14

ယကပာ်လီၤတဲာ်ထဲလၢၢ်လ့ၤကဒိတဖျၢၣ် ဧိၤဖဲပှၤမၤညၣ်ဖိတဖၣ် လိဃ့ထီအပှာ်ကသ့ဝဲအဂီၢ်န့ၣ်လီၤ. ဝ့ၢ်န့ၣ်တဘၣ်တၢ်ဘှီထီၣ်က့ၤလၢၤအီၤနီတဘျီလၢၤဘၣ်. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.’ ”

လံာ်ယဃ့းစက့လး 35:4

ယကပာ်လီၤတဲာ်သုဝ့ၢ်တဖၣ်လၢတၢ်ဟးဂူာ် ဟးဂီၤအပူၤဒီးသုကီၢ်လၢတၢ်အိၣ်သယုၢ်လီၤဃီအပူၤန့ၣ်လီၤ. အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 35:9

ယကဒုးအိၣ်သယုၢ်လီၤဃီနၤတစိၤသးဒီးပှၤတအိၣ်ဆိးကဒီး ဘၣ်လၢနဝ့ၢ်ပူၤနီတဂၤလၢၤဘၣ်. အန့ၣ်တစုသုကသ့ၣ်ညါလၢ ယမ့ၢ်ယွၤန့ၣ်လီၤ.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧၤမိၣ် 3:15

ယကမၤဟးဂီၤကွံာ်တၢ်ဂိၢ်ကတီၢ်အဟံၣ်တဖၣ် ဒီးတၢ်ကိၢ်ကတီၢ်အဟံၣ်တဖၣ်လီၤ. ဟံၣ်တဖၣ်လၢအဘၣ်တၢ်ကယၢကယဲအီၤလၢကဆီမဲ ကလီၤပှီၢ်ကွံာ်ဝဲဒၣ်ဆူတၢ်ဟးဂူာ်ဟးဂီၤအပူၤ, ဒီးကယဲၢ်ဟံၣ်ဖးဒိၣ် ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ဧၤမိၣ် 5:11

သုမၤအၢမၤနးတ့ၢ်လံပှၤဖှီၣ်ဖိယာ်ဖိဒီးဂုာ် ဆူၣ်ပျီဆူၣ်အဘုဧိၤဟုဧိၤလီၤ. မၤသးဒ်န့ၣ်ဒီး, သုတအိၣ်ဘၣ်လၢဟံၣ်တဖၣ်လၢသုမၤအီၤလၢလၢၢ်ဂ့ၤ မ့ၢ်ဂ့ၤ, သုတအီဘၣ်စပံးထံဟဲလၢစပံးလီၢ်အဃံအလၤလၢသုသူၣ်လီၤဖျး လီၤမ့ၢ်ဂ့ၤန့ၣ်ဘၣ်.

လံာ်ဧၤမိၣ် 6:11

တုၤယွၤဟ့ၣ်လီၤအကလုၢ်ဒီးဟံၣ်ဖးဒိၣ်ဒီးဟံၣ်ဖိသ့ၣ်တဖၣ်ကဘၣ် တၢ်မၤလီၤကလဲကွံာ်အီၤန့ၣ်လီၤ.

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်ဧိၤဘါဒယၤ 1:1

အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.

လံာ်ဧိၤဘါဒယၤ 1:10

မ့ၢ်လၢနဂုာ်ဆူၣ်ပျီဆူၣ်ဒီးမၤသံနဒီပုၢ်ဝဲၢ်စီၤယၤကိာ် အစၢၤအသွဲၣ်တဖၣ်အဃိ, နကဘၣ်တၢ်မၤဟးဂီၤကွံာ်နၤ ဒီးနကဘၣ်တၢ်မၤမဲာ်ဆှးနၤလီၤထူလီၤယိာ်လီၤ.

လံာ်မၤလကံ 1:3

ဒီးယသးဟ့စီၤဧ့ၡီၤဒီးအစၢၤအသွဲၣ်တဖၣ်လီၤ. ယဒုးအိၣ်သယုၢ်အကစၢၢ်ကလိဒီးဒုးကဲထီၣ် အတၢ်အိၣ်တၢ်ဆိးအလီၢ်လၢပှၢ်မုၢ်ကနၢလီၤ.”

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.