လံာ်မၤလကံ 1:3 - Sgaw Karen Common Bible

³ ဒီးယသးဟ့စီၤဧ့ၡီၤဒီးအစၢၤအသွဲၣ်တဖၣ်လီၤ. ယဒုးအိၣ်သယုၢ်အကစၢၢ်ကလိဒီးဒုးကဲထီၣ် အတၢ်အိၣ်တၢ်ဆိးအလီၢ်လၢပှၢ်မုၢ်ကနၢလီၤ.”

လံာ်မၤလကံ 1:3 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယံးရမံယၤ 49:10

မ့မ့ၢ်ယဲဒၣ်, ယဂုာ်န့ၢ်ကွံာ် စီၤဧ့ၡီၤအစၢၤအသွဲၣ်တဖၣ်လၢာ်လၢာ်ဆ့ဆ့ ဒီး ယလီၣ်ဖျါအတၢ်အိၣ်ခူသူၣ်အလီၢ်တဖၣ်တုၤအဝဲသ့ၣ် အိၣ်ခူသူၣ်က့ၤဝဲ တသ့လၢၤဘၣ်န့ၣ်လံ. ကီၢ်အဒိၣ်အပှၤဂီၢ်မုၢ်ခဲလၢာ် ဘၣ်တၢ်မၤဟးဂီၤအီၤလံ. တအိၣ်လီၤတဲာ်နီတဂၤလၢၤဘၣ်.

လံာ်ယံးရမံယၤ 49:20

အဃိဒီး, ဒိကနၣ်ယတၢ်ကူၣ်ကျဲၤလၢ ယမၤအီၤထီဒါ ကီၢ်အဒိၣ်အပှၤဂီၢ်မုၢ်ဒီး တၢ်လၢယတိာ်အီၤလၢယကမၤဘၣ် ဝ့ၢ်တ့ၤမၣ် အပှၤဂီၢ်မုၢ်န့ၣ်တက့ၢ်. အဝဲသ့ၣ်အဖိတဖၣ်ဒၣ်လဲာ် ကဘၣ်တၢ်တွံၢ်ထီၣ်ကွံာ်အီၤဒီး ပှၤကိးဂၤဒဲးကပျံၤတၢ်ဖုးတၢ် န့ၣ်လီၤ.

လံာ်ယံးရမံယၤ 49:33

ဝ့ၢ်ဃါစိၢ်ကဘၣ်တၢ်ဒုးကဲထီၣ်အီၤလၢမဲးမုၢ်ခိၣ်တတီၤလီၤထူလီၤယိာ်, တၢ်လီၢ်တတီၤဖဲ အိၣ်ဒၣ်ထဲ ထွံၣ်ဟီၣ်ခိၣ်တဖၣ်ဧိၤန့ၣ်လီၤ. ပှၤတအိၣ်ကဒီးဖဲန့ၣ်နီတဂၤနီတစုလၢၤဘၣ်.” ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 49:8

ဝ့ၢ်ဒ့ဒၢ်အပှၤဂီၢ်မုၢ်သ့ၣ်ဧၢ, ဃၣ်သုသးဒီးဃ့ၢ်တက့ၢ်. အိၣ်ခူသူၣ်တက့ၢ်. ယကမၤဟးဂီၤစီၤဧ့ၡီၤအစၢၤအသွဲၣ်တဖၣ်န့ၣ်လီၤ. အဂ့ၢ်ဒ်အံၤ, တၢ်ဆၢကတီၢ်ဟဲလံဝဲလၢ ယဂီၢ်လၢ ယကစံၣ် ညီၣ်အဝဲသ့ၣ်လံ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်ယဃ့းစက့လး 36:7

ယၤ, ယွၤပၢဘၣ်တၢ်ခဲလၢာ်ကစၢ်, အၢၣ်လီၤတၢ်သမှံၤသပှၢ် လၢပှၤကလုာ်အိၣ်ခိၣ်အိၣ်ဃၢၤတဖၣ်ကဘၣ်တၢ်ဆီၣ်လီၤကွံာ်အီၤ န့ၣ်လီၤ.

လံာ်ယဃ့းစက့လး 36:9

ယအိၣ်လၢသုအိၣ်တကပၤ, ဒီးယကမၤလီၤတံၢ်တၢ်လၢသုဟီၣ်ခိၣ် ဘၣ်တၢ်ထဲၣ်ထီၣ်က့ၤကဒီးအီၤ, ဒီးလၢတၢ်ချံတဖၣ်ကဘၣ်တၢ်သူၣ် လီၤကဒီးအီၤဖဲန့ၣ်လီၤ.

လံာ်ယိၤအ့လး 3:19

ကီၢ်အဲၤကူပတူးကကဲထီၣ်တၢ်ဃ့ထီအလီၢ်တတီၤ, ဒီးကီၢ်အဒိၣ်ကကဲထီၣ်တၢ်ဟးဂီၤအလီၢ်တပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ထီဒါကီၢ်ယူဒၤဒီးမၤသံ အပှၤဂီၢ်မုၢ်လၢအတၢ်ဒဲးဘးတအိၣ်ဘၣ်န့ၣ်လီၤ.

လံာ်ဧိၤဘါဒယၤ 1:10

မ့ၢ်လၢနဂုာ်ဆူၣ်ပျီဆူၣ်ဒီးမၤသံနဒီပုၢ်ဝဲၢ်စီၤယၤကိာ် အစၢၤအသွဲၣ်တဖၣ်အဃိ, နကဘၣ်တၢ်မၤဟးဂီၤကွံာ်နၤ ဒီးနကဘၣ်တၢ်မၤမဲာ်ဆှးနၤလီၤထူလီၤယိာ်လီၤ.

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.