လံာ်မၤလကံ 1:14 - Sgaw Karen Common Bible

¹⁴ ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်မၤလကံ 1:14 Iomraidhean Croise

လံာ်တၢ်ကဲထီၣ်အခီၣ်ထံး 27:12

ဘၣ်တဘၣ်ယပၢ်ကကလၢၢ်ယၤဒီးသ့ၣ်ညါဝဲလၢယလီန့ၢ်အီၤလီၤ. လၢကျဲဒ်အံၤန့ၣ်ယကဒုးလီၤဘၣ်တၢ်ဆိၣ်အၢတမံၤလၢယဂီၢ်ဒၣ်ယဲ, လၢတၢ်ဆိၣ်ဂ့ၤအလီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:24

ဘၣ်ဆၣ်ဒီးစီၤပၤစံးဆၢဝဲဒၣ်, “တမ့ၢ်ဘၣ်. ယကဟ့ၣ်နၤတၢ်အပှ့ၤလၢတၢ်န့ၣ်အဂီၢ်လီၤ. တၢ်လုၢ်တၢ်ပာ်တဖၣ်လၢ ယတဟ့ၣ်ဘၣ်အပှ့ၤနီတမံၤန့ၣ်ယတလုၢ်ထီၣ်ဘၣ်အီၤဆူယွၤ, ယကစၢ်ယွၤအအိၣ်ဘၣ်.” ဒီးအဝဲပှ့ၤန့ၢ်ကြဲၢ်ဒီးဂီၤဖံးဖါတဖၣ်န့ၣ် လၢစ့ညၣ်အဘ့ၣ်ယဲၢ်ဆံလီၤ.

စံးထီၣ်ပတြၢၤ 102:16

အဂ့ၢ်ဒ်အံၤ, ယွၤကသူၣ်ထီၣ်က့ၤစံယိၣ်, ဒီးအဝဲကအိၣ်ဖျါထီၣ်လၢအလၤကပီၤအပူၤလီၤ.

စံးထီၣ်ပတြၢၤ 47:2

ယွၤ, တၢ်ထီကတၢၢ်တဂၤအံၤကဘၣ်တၢ်ပျံၤအီၤလီၤ. အဝဲမ့ၢ်စီၤပၤဖးဒိၣ်တဂၤလၢ အပၢဟီၣ်ခိၣ်ဒီဘ့ၣ်န့ၣ်လီၤ.

စံးထီၣ်ပတြၢၤ 47:3

အဝဲဟ့ၣ်ပှၤတၢ်မၤနၢၤလၢပှၤဂီၢ်မုၢ်တဖၣ်အဖီခိၣ်, အဝဲဒုးပၢပှၤ, ပှၤကလုာ်တဖၣ်န့ၣ်လီၤ.

စံးထီၣ်ပတြၢၤ 47:8

ကစၢ်ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်ဒီး, အဝဲပၢဝဲပှၤကလုာ်တဖၣ်န့ၣ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 68:35

ကစၢ်ယွၤဧၢ, နမ့ၢ်တၢ်လီၤပျံၤအလီၢ်လၢ နလီၢ်စီဆှံအပူၤလီၤ. အံၣ်စရ့လးကစၢ်ယွၤ, မ့ၢ်ပှၤလၢ အဟ့ၣ်အပှၤဂီၢ်မုၢ်လၢတၢ်စိတၢ်ကမီၤဒီး တၢ်ဂံၢ်တၢ်ဘါန့ၣ်လီၤ. စံးထီၣ်ပတြၢၤကစၢ်ယွၤတက့ၢ်.

စံးထီၣ်ပတြၢၤ 76:12

အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.

စံးထီၣ်ပတြၢၤ 95:3

အဂ့ၢ်ဒ်အံၤ, ယွၤမ့ၢ်ကစၢ်ယွၤဖးဒိၣ်တဂၤ, ဒီးစီၤပၤဖးဒိၣ်တဂၤလၢကယဲၢ်ကစၢ် ခဲလၢာ်အဖီခိၣ်န့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ယံးရမံယၤ 48:10

(ပှၤတဂၤလၢအတမၤယွၤအတၢ်မၤ လၢအသးဒီ ဖျၢၣ်ညါန့ၣ်, မ်အဘၣ်တၢ်ဆိၣ်အၢတက့ၢ်. ပှၤတဂၤလၢ အတကျီဒီး မၤသံတၢ်ဘၣ်န့ၣ်, မ်အဘၣ်တၢ်ဆိၣ်အၢတက့ၢ်.)

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဒၤနံးယ့လး 9:4

ယဃ့ဘါထုကဖၣ်ဆူယွၤ, ယကစၢ်ယွၤအအိၣ်ဒီးအၢၣ်လီၤ အီလီၤယပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ. ဒီးယစံး, “ယွၤ, ကစၢ်ယွၤဧၢ, နဒိၣ်ဝဲထီဝဲဒီးပမၤလၤကပီၤနၤလီၤ. နတီဒီးနတၢ်အၢၣ်လီၤဒီးပာ်ဖျါထီၣ်နတၢ်အဲၣ်တဘိယူၢ် ဃီဆူပှၤလၢအအဲၣ်နၤဒီးမၤတၢ်လၢနမၤလိာ်အီၤတဖၣ်န့ၣ်လီၤ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မၤလကံ 1:8

တုၤသုဟဲစိာ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, တဆူၣ်တချ့မ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ, ဒ်သိးသုကလုၢ်ထီၣ်ဆူယၤဒီး, မ့ၢ်သုဆိကမိၣ်လၢတၢ်န့ၣ်တမ့ၢ်တၢ်လီၤသးဘၣ်အၢဘၣ်န့ၣ်ဧါ. ဟ့ၣ်ဆၣ်ဖိကီၢ်ဖိဒ်န့ၣ်သိးဆူပဒိၣ်ဖးဒိၣ်အအိၣ်တက့ၢ်. မ့ၢ်အဝဲကဘၣ်အသးလၢနၤစ့ၢ်ကီးဧါ. ဒီးကကွၢ်မဲာ်နၤတမံၤမံၤစ့ၢ်ကီးဧါ.

လံာ်မၤလကံ 2:1

ယွၤသ့တၢ်လၢာ်စံးဘၣ်ပှၤလုၢ်တၢ်အခိၣ်တဖၣ်, “တၢ်မၤလိာ်အံၤမ့ၢ်လၢသုဂီၢ်လီၤ.

လံာ်မၤလကံ 3:9

တၢ်ဆိၣ်အၢအိၣ်လၢသုဝဲခဲလၢာ်အဖီခိၣ်မ့ၢ်လၢပှၤဒီကလုာ်လီ န့ၢ်ယၤအဃိလီၤ.

လံာ်မးသဲ 24:51

ဒီးအကစၢ်ကကျီတဲာ်ကွံာ်အီၤတကူာ်တကူာ်, ဝံၤဒီးကဒုးတူၢ်ဘၣ်အီၤတၢ်တမံၤဃီလၢပှၤပာ်မၤအသးတဖၣ် ဒိးန့ၢ်ဘၣ်ဝဲန့ၣ်လီၤ. ဖဲန့ၣ်အဝဲကဟီၣ်ကယၢၤဝဲ, ဒီးကအ့ၣ်စဃံးအမဲလီၤ.

လံာ်မးသဲ 5:35

တဘၣ်ဆိၣ်လီၤစ့ၢ်ကီးနသးခီဖျိဟီၣ်ခိၣ်တဂ့ၤ. အဂ့ၢ်ဒ်အံၤ, ဟီၣ်ခိၣ်မ့ၢ်ယွၤအခီၣ်ယီၢ်အလီၢ်လီၤ. တဘၣ်ဆိၣ်လီၤစ့ၢ်ကီးနသးခီဖျိယရူၤၡလ့ၣ်တဂ့ၤ. အဂ့ၢ်ဒ်အံၤ, ယရူၤၡလ့ၣ်မ့ၢ်စီၤပၤဖးဒိၣ်အဝ့ၢ်လီၤ.

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်လူၤကၣ် 12:46

အကစၢ်ကဟဲက့ၤဝဲမုၢ်တနံၤဖဲအဝဲတမုၢ်လၢ်အီၤဒီးဖဲ အဆၢကတီၢ်လၢအဝဲတသ့ၣ်ညါဝဲဘၣ်န့ၣ်လီၤ. ကစၢ်ကကျီတဲာ်အီၤတကူာ်တကူာ်, ဒီးပာ်အီၤတမံၤဃီဒီးပှၤအသးတတီတဖၣ်န့ၣ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

လံာ်သိၣ်လီၤသီလီၤတၢ် 28:58

သုမ့ၢ်တစူၢ်ဘၣ်ကယဲၢ်ကစၢ်ယွၤအတၢ်သိၣ်လိတဖၣ်လၢအအိၣ်ကွဲးလီၤ အသးလၢလံာ်အံၤအပူၤလၢတၢ်သးတီ, ဒီးသုမ့ၢ်တယူးယီၣ်ပာ်ကဲဘၣ်ယွၤ, သုကစၢ်ယွၤအမံၤလၢအလီၤ လိၢ်လီၤလးဒီးလီၤပျံၤလီၤပာ်ကဲဘၣ်န့ၣ်,

၁ တံၤမသ့း 6:15

အတၢ်ဟဲအံၤကဘၣ်တၢ်ဒုးအိၣ်ဖျါထီၣ်အီၤဘၣ်ဆၢဘၣ် ကတီၢ်လၢကစၢ်ယွၤ, လၢအဘၣ်ဆိၣ်ဂ့ၤဒီးပၢတၢ်ထဲတဂၤဧိၤ, စီၤပၤတဖၣ်အစီၤပၤဒီးကစၢ်တဖၣ်အကစၢ်န့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”