လံာ်မၤလကံ 1:12 - Sgaw Karen Common Bible

¹² ဘၣ်ဆၣ်ဒီးသုမၤတရီတပါယၤခီဖျိ သုစံးလၢယတၢ်လုၢ်လီၢ်အဘျုးတအိၣ်ဘၣ်, ဒီးခီဖျိသုလုၢ်ထီၣ် တၢ်အီၣ်လၢယသးဘၣ်အၢတဖၣ်အဃိန့ၣ်လီၤ.

လံာ်မၤလကံ 1:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:14

ဘၣ်ဆၣ်ဒီးမ့ၢ်လၢနဒုးကဲထီၣ်ယွၤလၢတၢ်ဒုၣ်ဒွဲၣ်စံးအၢ, ခီဖျိတၢ်မၤတၢ်ဒဲးဘးအံၤအဃိဒီး, နဖိကသံဝဲလီၤ.”

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်ယဃ့းစက့လး 44:16

ထဲအဝဲသ့ၣ်ဧိၤန့ၣ်ကဟဲနုာ်လၢယတၢ်လုၢ်ဟံၣ်အပူၤ, မၤတၢ်လၢယတၢ်လုၢ်လီၢ်ဒီးမၤတၢ်ဘူၣ်ထီၣ်ဘါထီၣ် တဖၣ်လၢယတၢ်လုၢ်ဟံၣ်အပူၤန့ၣ်လီၤ.

လံာ်ဟိၤၡ့ 13:9

ယကမၤဟးဂီၤကွံာ်နၤ, ကီၢ်အံၣ်စရ့လးအပှၤဂီၢ်မုၢ်ဧၢ, အန့ၣ်ဒီးမတၤမၤစၢၤနၤကသ့တဂၤလဲၣ်.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

လံာ်မၤလကံ 1:13

သုစံး, ‘တၢ်ဘှံးပသးလၢတၢ်တဖၣ်အံၤအဃိဒိၣ်မးလဲၣ်,’ ဒီးသုတပာ်ကဲဘၣ်ယၤဘၣ်. သုဟဲစိာ်ဆၣ်ဖိကီၢ်ဖိလၢသုဟုၣ် န့ၢ်အီၤမ့ၢ်ဂ့ၤ, ဘၣ်ဆူးဘၣ်ဆါမ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ ဆူယအိၣ်လီၤ. မ့ၢ်သုဆိကမိၣ်လၢယကတူၢ်လိာ်တၢ်ဒ်န့ၣ် အသိးလၢသုအိၣ်ဧါ.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

ရိမ့ၤ 2:24

တၢ်ကွဲးအသးစီဆှံစံးဝဲဒၣ်, လၢသုဝဲပှၤယူဒၤဖိတဖၣ်အဃိ, ပှၤကလုာ်ဂၤတဖၣ်ကတိၤတရီတပါကစၢ်ယွၤအမံၤန့ၣ်လီၤ.”