လံာ်လူၤကၣ် 9:59 - Sgaw Karen Common Bible

⁵⁹ အဝဲဒၣ်စံးဘၣ်ပှၤအဂၤတဂၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဘၣ်ဆၣ်ဒီးပှၤတဂၤန့ၣ်စံးဝဲ, “ကစၢ်ဧၢ, ပျဲဆိဒၣ်ကလိာ်ယၤဒ်သိးယကက့ၤကဒါက့ၤဒီးခူၣ်လီၤယပၢ်တက့ၢ်.”

လံာ်လူၤကၣ် 9:59 Iomraidhean Croise

လံာ်စီၤပၤအခီၣ်ထံးတဘ့ၣ် 19:20

အန့ၣ်ဒီး, စီၤအလံၤၡါပာ်တီၢ်အဂီၤဖံးဖါတဖၣ်, ဃ့ၢ်ပိာ်ထွဲစီၤအ့ၤလံယၤအခံဒီးစံးဝဲ, “ပျဲယက့ၤနၢမူယမိၢ်ဒီးယပၢ် တက့ၢ်. ဝံၤဒီးယကပိာ်နခံလီၤ.” စီၤအ့ၤလံယၤစံးဆၢအီၤ, “ဂ့ၤလံ, က့ၤကဒါက့ၤတက့ၢ်. ယတတြီနၤဘၣ်.”

လံာ်ဃးကဲ 1:2

ယွၤသ့တၢ်လၢာ်ကစၢ်စံးဘၣ်တ့ၢ်စီၤဃးကဲ, “ပှၤဂီၢ်မုၢ်အံၤ, စံးလၢတၢ်အံၤတမ့ၢ်တၢ်ဘၣ်ဆၢဘၣ်ကတီၢ်လၢတၢ်ကဘှီ ကဒါက့ၤတၢ်လုၢ်ဟံၣ်အဂီၢ်န့ၣ်ဘၣ်.”

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.

လံာ်လူၤကၣ် 9:60

ယ့ၣ်ၡူးစံးဆၢဝဲ, “ပျဲပှၤသံတဖၣ်ခူၣ်လီၤအပှၤသံဒၣ်ဝဲတက့ၢ်. မ့မ့ၢ်နဲတခီ, လဲၤဒီးစံၣ်တဲၤတဲလီၤကစၢ်ယွၤအဘီအမုၢ်အဂ့ၢ်တက့ၢ်.”