လံာ်လူၤကၣ် 9:52 - Sgaw Karen Common Bible

⁵² အဝဲဒၣ်ဆှၢလီၤဆိပာ်ပှၤစိာ်တၢ်ကစီၣ်တဖၣ်လၢအမဲာ်ညါ, ဒီးအဝဲသ့ၣ်ဟးထီၣ်ဒီးလဲၤနုာ်လီၤဆူပှၤၡၤမရံဖိအသဝီတဖျၢၣ်အပူၤ, ဒ်သိးအကအိၣ်ကတဲာ်ကတီၤပာ်တၢ်ခဲလၢာ်ခဲဆ့လၢအဝဲဒၣ်အဂီၢ်လီၤ.

လံာ်လူၤကၣ် 9:52 Iomraidhean Croise

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မးသဲ 10:5

ယ့ၣ်ၡူးမၢလီၤတၢ်မၢဖိတဆံခံဂၤအံၤအိၣ်ဒီးတၢ်မၤလိာ်ထွဲ အဝဲသ့ၣ်ဒီးစံး, “သုတလဲၤဆူပှၤကလုာ်အဂၤတဖၣ်အအိၣ်တဂ့ၤ, ဒီးသုတလဲၤနုာ်ဆူ ပှၤၡၤမရံဖိအခူအဝ့ၢ်အပူၤတဂ့ၤ.

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 10:33

မ့မ့ၢ်ပှၤၡၤမရံဖိတဂၤ, ဖဲအဝဲဒၣ်လဲၤတၢ်, ဒီးဟဲဘၣ်ဖဲပှၤတဂၤအိၣ်ဝဲအလီၢ်ဒီးထံၣ်ဘၣ်အီၤန့ၣ်, အဝဲဒၣ်သးကညီၤဘၣ်အီၤလီၤ.

လံာ်လူၤကၣ် 17:11

ဖဲယ့ၣ်ၡူးလဲၤဝဲဆူဝ့ၢ်ယရူၤၡလ့ၣ်န့ၣ်, အဝဲဒၣ်လဲၤကျဲလၢအခီဂာ် ကီၢ်ၡၤမရံဒီးကီၢ်ကၤလံၤလါအကီၢ်ဆၢန့ၣ်လီၤ.

လံာ်လူၤကၣ် 17:16

အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.

လံာ်လူၤကၣ် 7:27

စီၤယိၤဟၣ်မ့ၢ်ပှၤတဂၤလၢတၢ်ကွဲးအသးစံးဝဲလၢအဂ့ၢ်ဒ်အံၤ, ‘ကစၢ်ယွၤစံးဝဲ အဝဲအံၤမ့ၢ်ယပှၤဆှၢတၢ်ကစီၣ်, လၢယဆှၢလီၤအီၤလၢနမဲာ်ညါ ဒ်သိးအကအိးဟိထီၣ်ပာ်ကျဲလၢနဂီၢ်လီၤ.’ ”

လံာ်ယိၤဟၣ် 4:4

အဝဲဘၣ်လဲၤခီဖျိကီၢ်ၡၤမရံန့ၣ်လီၤ.

လံာ်ယိၤဟၣ် 4:5

လဲၤတုၤဝဲလၢဝ့ၢ်စံဃၢ်, အိၣ်လၢကီၢ်ၡၤမရံအပူၤ, ဘူးဒီးဟီၣ်ခိၣ်အကဝီၤလၢစီၤယၤကိာ်ဟ့ၣ်လီၤအဖိခွါ စီၤယိၤသးန့ၣ်လီၤ.

လံာ်ယိၤဟၣ် 4:9

ဒီးပိာ်မုၣ်န့ၣ်စံးဆၢအီၤ, “နဲနမ့ၢ်ပှၤယူဒၤဖိဒီးယဲယမ့ၢ် ပှၤၡၤမရံဖိ, နဃ့အီယၤလၢထံကသ့ဒ်လဲၣ်. (အဝဲစံးတၢ်အံၤမ့ၢ်လၢပှၤယူဒၤဖိတဖၣ်တသူလီခီ လၢပှၤၡၤမရံဖိတဖၣ်သူဝဲန့ၣ်ဘၣ်အဃိလီၤ.)

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”