လံာ်လူၤကၣ် 9:45 - Sgaw Karen Common Bible

⁴⁵ ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.

လံာ်လူၤကၣ် 9:45 Iomraidhean Croise

လံာ်မးသဲ 16:22

ဒီးစီၤပ့းတရူးကိးန့ၢ်အီၤဆူတၢ်ချၢဒီးဒူအလိၤဒီးစံး, “ကစၢ်ယွၤဧၢ, မ်ယွၤအသုတဒုးဘၣ်နၤလၢတၢ်အံၤတဂ့ၤ. တၢ်အံၤတဘၣ်ဘၣ်နၤလ့ၤတက့ၤဘၣ်.”

လံာ်မးသဲ 17:22

ဖဲအပျဲၢ်အဘီၣ်တဖၣ်ခဲလၢာ်ဟဲပာ်ဖှိၣ်ထီၣ်အသးလၢကီၢ်ကၤလံၤလါ အပူၤဒီး, ယ့ၣ်ၡူးစံးဘၣ်အဝဲသ့ၣ်, “ပှၤကညီဖိခွါအံၤဘူးကဘၣ်တၢ်ဟ့ၣ်လီၤကွံာ်အီၤဆူပှၤကညီ အစုပူၤလံ.

လံာ်မၢ်ကူး 9:10

အဝဲသ့ၣ်မၤဝဲဒ်အဝဲဒၣ်မၤလိာ်အီၤအသိး, ဘၣ်ဆၣ်ဒီးသံကွၢ်လိာ်အသးကဒဲကဒဲဒီးကတိၤလိာ်အသး ဘၣ်ဃးတၢ်ဂ့ၢ်တထံၣ်လၢအစံးဝဲကဂဲၤဆၢထၢၣ်သမူထီၣ် က့ၤလၢတၢ်သံန့ၣ်အခီပညီမ့ၢ်တၢ်ဒ်လဲၣ်န့ၣ်လီၤ.

လံာ်မၢ်ကူး 9:32

ဘၣ်ဆၣ်ဒီးအတၢ်သိၣ်လီၤသီလီၤတၢ်အံၤ အဝဲသ့ၣ်တနၢ်ပၢၢ်ဝဲအခီပညီဘၣ်ဒီးကသံကွၢ်အီၤအဂီၢ် အဝဲသ့ၣ်ပျံၤတၢ်န့ၣ်လီၤ.

လံာ်လူၤကၣ် 18:34

ဘၣ်ဆၣ်အပျဲၢ်အဘီၣ်တဖၣ်တနၢ်ပၢၢ်တၢ်ကတိၤသ့ၣ်တဖၣ်အံၤနီ တဘီဘၣ်. တၢ်ကတိၤတဖၣ်အခီပညီအိၣ်လီၤသဒၢအသးလၢအဝဲသ့ၣ် အမဲာ်ညါ, ဒီးယ့ၣ်ၡူးစံးကတိၤတၢ်ဘၣ်ဃးမနုၤအဂ့ၢ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်လူၤကၣ် 2:50

ဘၣ်ဆၣ်ဒီးအဝဲသ့ၣ်တနၢ်ပၢၢ်တၢ်စံးဆၢတထံၣ်န့ၣ်အခီပညီဘၣ်.

လံာ်လူၤကၣ် 9:46

တၢ်ဂ့ၢ်လိာ်ဘှီလိာ်အိၣ်ထီၣ်လၢအပျဲၢ်အဘီၣ်သ့ၣ်တဖၣ် အကျါဘၣ်ဃးဒီးမတၤမ့ၢ်ပှၤအဒိၣ်ကတၢၢ်လၢအဝဲသ့ၣ် တဖၣ်အကျါလဲၣ်န့ၣ်လီၤ.

လံာ်ယိၤဟၣ် 12:16

အကတီၢ်ဖဲန့ၣ်, အပျဲၢ်အဘီၣ်တဖၣ်တနၢ်ပၢၢ်တၢ်အံၤဘၣ်. ဘၣ်ဆၣ်တုၤယ့ၣ်ၡူးဘၣ်တၢ်ဒုးဂဲၤဆၢထၢၣ်က့ၤအီၤအိၣ်ဒီး အလၤကပီၤန့ၣ်, အဝဲသ့ၣ်သ့ၣ်နီၣ်ထီၣ်က့ၤဝဲလၢတၢ်ကွဲးအသး စံးတ့ၢ်လၢတၢ်အံၤအဂ့ၢ်ဘၣ်ထွဲဒီးယ့ၣ်ၡူးဒီးလၢအဝဲသ့ၣ် မၤတ့ၢ်လံဝဲတၢ်အံၤလၢယ့ၣ်ၡူးအဂီၢ်န့ၣ်လီၤ.

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

လံာ်ယိၤဟၣ် 14:5

စီၤသိၤမါစံးဘၣ်ယ့ၣ်ၡူး, “ကစၢ်ဧၢ, နကလဲၤဆူလဲၣ်ဆူလဲၣ်န့ၣ် ပတသ့ၣ်ညါဘၣ်အဃိ, ကျဲလၢပကလဲၤတုၤလၢတၢ်လီၢ်န့ၣ် ပသ့ၣ်ညါကသ့ဒ်လဲၣ်.”

လံာ်ယိၤဟၣ် 4:33

မၤသးဒ်န့ၣ်ဒီးအပျဲၢ်အဘီၣ်တဖၣ်သံကွၢ်လိာ်အသးတဂၤဒီး တဂၤ, “မ့ၢ်ပှၤဟဲစိာ်န့ၢ်အီၤတၢ်အီၣ်တဂၤဂၤလံဧါ.”