လံာ်လူၤကၣ် 9:43 - Sgaw Karen Common Bible

⁴³ ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ. ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်,

လံာ်လူၤကၣ် 9:43 Iomraidhean Croise

စံးထီၣ်ပတြၢၤ 139:14

ယစံးထီၣ်ပတြၢၤနၤ, အဂ့ၢ်ဒ်အံၤ နမ့ၢ်တၢ်လီၤပျံၤအလီၢ် နတၢ်မၤတဖၣ်န့ၣ် မ့ၢ်တၢ်လီၤကမၢကမၣ်ဒီး တၢ်လီၤလးလီၤ. နသ့ၣ်ညါလၢလၢပှဲၤပှဲၤန့ၣ်လီၤ.

လံာ်စကၤရယၤ 8:6

လၢပှၤကလုာ်လၢအအိၣ်လီၤတဲာ်တ့ၢ်ခဲအံၤတဖၣ် အဂီၢ်န့ၣ်တၢ်အံၤကမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်ဒီးတၢ်တသ့ဘၣ်န့ၣ်တအိၣ်ဒီးယၤဘၣ်.

လံာ်မးသဲ 17:22

ဖဲအပျဲၢ်အဘီၣ်တဖၣ်ခဲလၢာ်ဟဲပာ်ဖှိၣ်ထီၣ်အသးလၢကီၢ်ကၤလံၤလါ အပူၤဒီး, ယ့ၣ်ၡူးစံးဘၣ်အဝဲသ့ၣ်, “ပှၤကညီဖိခွါအံၤဘူးကဘၣ်တၢ်ဟ့ၣ်လီၤကွံာ်အီၤဆူပှၤကညီ အစုပူၤလံ.

လံာ်မၢ်ကူး 6:51

အန့ၣ်ဝံၤအဝဲဒၣ်လဲၤနုာ်ဒိးထီၣ်ချံလၢအဝဲသ့ၣ်အသိးဒီးကလံၤ န့ၣ်အိၣ်က့ၤဂၢၢ်တပၢၢ်လီၤ. အပျဲၢ်အဘီၣ်တဖၣ်တၢ်လီၤကမၢကမၣ်ဘၣ်အီၤဒိၣ်မးန့ၣ်လီၤ.

လံာ်လူၤကၣ် 18:43

တဘျီဃီဖဲန့ၣ်အဝဲဒၣ်ထံၣ်ထီၣ်က့ၤတၢ်, ဒီးအဝဲဒၣ်ပိာ်ထီၣ်ယ့ၣ်ၡူးအခံ, အိၣ်ဒီးတၢ်စံးဘျုးစံးဖှိၣ်ယွၤလီၤ. ဖဲပှၤဂီၢ်မုၢ်ထံၣ်တၢ်အံၤဒီး, စံးထီၣ်ပတြၢၤယွၤခဲလၢာ်လီၤ.

လံာ်လူၤကၣ် 4:36

ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.”

လံာ်လူၤကၣ် 5:26

အဝဲသ့ၣ်ကိးဂၤဒဲးကမၢကမၣ်ဝဲဒိၣ်မးဒီးလၢတၢ်ပျံၤတၢ်ဖုးအဒိၣ် အအါအပူၤ, အဝဲသ့ၣ်စံးထီၣ်ပတြၢၤကစၢ်ယွၤဒီးစံးဝဲ, “မုၢ်တနံၤအံၤ, ပထံၣ်ဘၣ်တၢ်လၢအလီၤလိၢ်လီၤလးမးတဖၣ်လီၤ.”

လံာ်လူၤကၣ် 5:9

အဝဲဒၣ်ဒီးပှၤလၢအအိၣ်ဒီးအီၤတဖၣ်ကမၢကမၣ်ဝဲကိးဂၤဒဲးလၢ အဖီၣ်န့ၢ်တ့ၢ်ညၣ်အါအါဂီၢ်ဂီၢ်အဃိလီၤ.

လံာ်လူၤကၣ် 8:25

တုၤနုၤတစုအဝဲဒၣ်စံးဘၣ်အပျဲၢ်အဘီၣ်တဖၣ်, “သုတၢ်စူၢ်တၢ်နာ်အိၣ်ဖဲလဲၣ်.” ဘၣ်ဆၣ်ဒီးအဝဲသ့ၣ်ကမၢကမၣ်ဒီးပျံၤတၢ်ဖုးတၢ်ဒီးစံးလိာ် အသးတဂၤဒီးတဂၤ, “ပှၤတဂၤအံၤမ့ၢ်မတၤလဲၣ်. အဝဲဒၣ်ခါလီၤအကလုၢ်လၢကလံၤဒီးလပီတဖၣ်အလိၤ, ဒီးအဝဲသ့ၣ်စူၢ်အကလုၢ်မးလဲၣ်.”

လံာ်လူၤကၣ် 9:42

ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.