လံာ်လူၤကၣ် 9:42 - Sgaw Karen Common Bible

⁴² ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ.

လံာ်လူၤကၣ် 9:42 Iomraidhean Croise

လံာ်စီၤပၤအခီၣ်ထံးတဘ့ၣ် 17:23

စီၤအ့ၤလံယၤဟဲက့ၤစိာ်လီၤဖိသၣ်ဆူဟံၣ်အဖီလာ်တတီၤဆူ အမိၢ်အအိၣ်ဒီးစံးဘၣ်အီၤ, “ကွၢ်တက့ၢ်. နဖိခွါမူဝဲလီၤ.”

လံာ်စီၤပၤခံဘ့ၣ်တဘ့ၣ် 4:36

စီၤအလံၤၡါကိးဃီၤစီၤက့ၤဃစံဒီးတဲဘၣ်အီၤလၢကကိးန့ၢ်ဖိ သၣ်ပိာ်ခွါအမိၢ်န့ၣ်လီၤ. ဖဲပိာ်မုၣ်န့ၣ်ဟဲနုာ်ဝဲဒီးစီၤအလံၤၡါစံးဘၣ်အီၤ, “နဖိခွါအိၣ်ဖဲအံၤလီၤ.”

လံာ်မၢ်ကူး 9:20

အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.

လံာ်လူၤကၣ် 7:15

ပှၤသံတဂၤန့ၣ်ဆ့ၣ်နီၤဝဲ, ဒီးကတိၤထီၣ်တၢ်, ဒီးယ့ၣ်ၡူးဟ့ၣ်လီၤက့ၤအီၤဆူအမိၢ်အစုပူၤန့ၣ်လီၤ.

လံာ်လူၤကၣ် 9:39

တၢ်နါတဒုဒိးအီၤဒီးအဝဲဒၣ်ကိးပသူထီၣ်သတူၢ်ကလာ် လၢအကလုၢ်ဖးဒိၣ်ဒီးပျုၢ်ထိးထီၣ်ဝဲ, တုၤဒၣ်လဲာ်အခၣ်သဘှဲထီၣ်ဝဲလီၤ. တၢ်နါတဒုအံၤ, မၤဆူးမၤဆါထီဃာ်ပိာ်ခွါဖိသၣ်တဂၤအံၤ, ဒီးတပျဲအီၤညီညီဘၣ်.

လံာ်လူၤကၣ် 9:41

ယ့ၣ်ၡူးစံးဆၢဝဲ, “သုဝဲသ့ၣ်အံၤ, သုတၢ်စူၢ်တၢ်နာ်တအိၣ်, ဒီးသုနၢ်က့ၣ်မးလဲၣ်. ယကဘၣ်အိၣ်ဒီးသုဆံးယံာ်လဲၣ်. ယကဘၣ်ဝံသးစူၤသုဆံးယံာ်လဲၣ်.” တုၤနုၤတစုအဝဲဒၣ်စံးဘၣ်ပှၤတဂၤန့ၣ်, “ဟဲစိာ်နဖိခွါဖဲအံၤတက့ၢ်.”

လံာ်လူၤကၣ် 9:43

ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ. ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်,

လံာ်ယိၤဟၣ် 6:19

ဖဲအပျဲၢ်အဘီၣ်တဖၣ်ဝၢ်တ့ၢ်အချံကလဲၤသၢမံးလးလွံၢ်မံးလး ဃၣ်ဃၣ်န့ၣ်, အဝဲသ့ၣ်ထံၣ်ဘၣ်ယ့ၣ်ၡူးဟးလၢထံဖံးခိၣ်, ဟဲဘူးထီၣ်ဒီးအချံဒီးအဝဲသ့ၣ်ပျံၤတၢ်ဖုးတၢ်ဒိၣ်မးန့ၣ်လီၤ.

မၤတၢ် 9:41

စီၤပ့းတရူးယူာ်ဃီၤအစုဒီးဝံၢ်ဆၢထၢၣ်စၢၤအီၤလီၤ. အန့ၣ်ဝံၤကိးနုာ်က့ၤပှၤစီဆှံဒီးမုၣ်ကမဲတဖၣ်, ဒီးဒုးနဲၣ်အဝဲသ့ၣ်လၢပိာ်မုၣ်န့ၣ်မူဝဲန့ၣ်လီၤ.

လံာ်လီၣ်ဖျါ 12:12

ဒီးလၢတၢ်န့ၣ်အဃိ, မူခိၣ်ဒီးသုဝဲလၢအအိၣ်အဆိးဖဲန့ၣ်ကိးဂၤ သ့ၣ်ဧၢ, သူၣ်ခုသးခုတက့ၢ်. မ့မ့ၢ်ဟီၣ်ခိၣ်ဒီးပီၣ်လဲၣ်အဂီၢ်မ့ၢ်တၢ်လီၤ ပျံၤလီၤဖုးဝဲဒၣ်ဆံးဒိၣ်လဲၣ်. အဂ့ၢ်ဒ်အံၤ, မုၣ်ကီၤလံၢ်ဟဲလီၤလံဆူသုအိၣ်, ဒီးအဝဲဒၣ်ပှဲၤဒီးတၢ်သးထီၣ်လီၤ. အဂ့ၢ်ဒ်အံၤ, အဝဲသ့ၣ်ညါလၢအဆၢကတီၢ်အိၣ်တ့ၢ်ထဲတစိၢ်ဖိအဃိန့ၣ်လီၤ.”