လံာ်လူၤကၣ် 9:4 - Sgaw Karen Common Bible

⁴ ဖဲသုဘၣ်တၢ်တူၢ်လိာ်မုာ်သုတပူၤလၢ်လၢ်န့ၣ်, အိၣ်လၢဟံၣ်တဖျၢၣ်ဃီန့ၣ်အပူၤတုၤလၢသုဟးထီၣ်ကွံာ်ဖဲဝ့ၢ်ပူၤတက့ၢ်.

လံာ်လူၤကၣ် 9:4 Iomraidhean Croise

လံာ်မးသဲ 10:11

ဖဲသုလဲၤတုၤလၢဝ့ၢ်မ့တမ့ၢ်ဒူသဝီတဖျၢၣ်န့ၣ်, ဃုထံၣ်န့ၣ်ပှၤလၢအကြၢးဝဲဘၣ်ဝဲလၢအသးအိၣ်တူၢ်လိာ်သုတဂၤ ဒီးအိၣ်ဆိးသုဝဲဒီးအီၤတုၤသုဟးထီၣ်လၢတၢ်လီၢ်အဝဲန့ၣ်တက့ၢ်.

လံာ်မၢ်ကူး 6:10

စံးဘၣ်စ့ၢ်ကီးအဝဲသ့ၣ်, “ဖဲသုလဲၤတၢ်လီၢ်တပူၤဂ့ၤတပူၤဂ့ၤန့ၣ်, ပှၤမ့ၢ်တူၢ်လိာ်သုလၢဟံၣ်တဖျၢၣ်ဖျၢၣ်အပူၤဒီးအိၣ်ဖဲန့ၣ်တုၤ သုဟးထီၣ်လၢတၢ်လီၢ်အဝဲန့ၣ်တစုတက့ၢ်.

လံာ်လူၤကၣ် 9:3

အဝဲဒၣ်စံးဘၣ်အဝဲသ့ၣ်, “လၢသုတၢ်လဲၤတၢ်က့ၤအဂီၢ်န့ၣ်, စိာ်တၢ်နီတမံၤတဂ့ၤ. နီၣ်ထိးဘိမ့ၢ်ဂ့ၤ, ထၢၣ်မ့ၢ်ဂ့ၤ, တၢ်အီၣ်မ့ၢ်ဂ့ၤ, တိၢ်ဧိၤစ့ဧိၤမ့ၢ်ဂ့ၤ, ဆ့ကၤအဘျဲၣ်တဘ့ၣ်ဒၣ်လဲာ်စိာ်အီၤတဂ့ၤ.

လံာ်လူၤကၣ် 9:5

ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.