လံာ်လူၤကၣ် 9:38 - Sgaw Karen Common Bible

³⁸ ပှၤလၢပှၤဂီၢ်မုၢ်အကျါတဂၤကိးထီၣ်ဝဲ, “သရၣ်ဧၢ, ယဃ့ကညးနၤ, ကွၢ်ယဖိခွါ, ယဖိခွါထဲတဂၤဧိၤအံၤတက့ၢ်.

လံာ်လူၤကၣ် 9:38 Iomraidhean Croise

လံာ်တၢ်ကဲထီၣ်အခီၣ်ထံး 44:20

ပစံးဆၢတ့ၢ်နၤလၢပအိၣ်ဒီးပပၢ်တဂၤလၢအသးပှၢ်တ့ၢ်လံ, ဒီးပဒီပုၢ်ဝဲၢ်ခွါအဆံးတဂၤ, လၢအအိၣ်ဖျဲၣ်ထီၣ်လၢအဂီၢ်ဖဲ အသးပှၢ်အဆၢကတီၢ်န့ၣ်လီၤ. ပိာ်ခွါဖိသၣ်န့ၣ်အဒီပုၢ်ဝဲၢ်ခွါ တဂၤသံလံ. ဒီးအဝဲမ့ၢ်ပှၤထဲတဂၤဧိၤလၢအမိၢ်အဖိတဖၣ်အကျါလၢအအိၣ်မူ ဒံး, ဒီးအပၢ်အဲၣ်အီၤဒိၣ်မးန့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်လူၤကၣ် 7:12

ဖဲအဝဲဒၣ်လဲၤတုၤဝ့ၢ်အကျဲစၢၤန့ၣ်, ပှၤတဖုလၢအကလဲၤခူၣ်လီၤပှၤသံဟဲဟးထီၣ်ဝဲဒၣ်လီၤ. ပှၤလၢအသံတဂၤန့ၣ်မ့ၢ်ဝဲပိာ်မုၣ်လၢအမ့ၢ်မုၣ်ကမဲတဂၤ အဖိခွါထဲတဂၤဧိၤန့ၣ်လီၤ. ဒီးပှၤဂီၢ်မုၢ်ဖးဒိၣ်လၢဝ့ၢ်အဝဲန့ၣ်အပူၤ အိၣ်ဝဲဒီးမုၣ်ကမဲတဂၤန့ၣ်လီၤ.

လံာ်လူၤကၣ် 9:37

လၢခံတနံၤဖဲအဝဲသ့ၣ်ဟဲက့ၤလီၤလၢတၢ်လူၢ်ဒီခိၣ်န့ၣ်, ပှၤဂီၢ်မုၢ်ဖးဒိၣ်လဲၤသဂၢၢ်အီၤလီၤ.

လံာ်လူၤကၣ် 9:39

တၢ်နါတဒုဒိးအီၤဒီးအဝဲဒၣ်ကိးပသူထီၣ်သတူၢ်ကလာ် လၢအကလုၢ်ဖးဒိၣ်ဒီးပျုၢ်ထိးထီၣ်ဝဲ, တုၤဒၣ်လဲာ်အခၣ်သဘှဲထီၣ်ဝဲလီၤ. တၢ်နါတဒုအံၤ, မၤဆူးမၤဆါထီဃာ်ပိာ်ခွါဖိသၣ်တဂၤအံၤ, ဒီးတပျဲအီၤညီညီဘၣ်.

လံာ်ယိၤဟၣ် 4:47

အဝဲဒၣ်နၢ်ဟူလၢယ့ၣ်ၡူးဟဲလၢကီၢ်ယူဒၤဆူကီၢ်ကၤလံၤလါ သတးဒီး, လဲၤဝဲဆူအအိၣ်ဒီးဃ့ကညးအီၤဒ်သိးအကလဲၤ ဆူဝ့ၢ်ကပ့းရနီၣ်ဒီးမၤဘျါက့ၤအဖိခွါလၢဘူးအကသံတ့ၢ် တဂၤန့ၣ်လီၤ.