လံာ်လူၤကၣ် 9:33 - Sgaw Karen Common Bible

³³ ဖဲပှၤသ့ၣ်တဖၣ်န့ၣ်ဟးထီၣ်ကွံာ်လၢယ့ၣ်ၡူးအဃၢၤန့ၣ်, စီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဖဲအံၤန့ၣ်မ့ၢ်တၢ်လၢအဂ့ၤမးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်ဒီးတဖျၢၣ်လၢစီၤအ့ၤလံယၤအဂီၢ်န့ၣ်တက့ၢ်. (နီၢ်နီၢ်န့ၣ်အဝဲစံးတၢ်မနုၤလဲၣ်န့ၣ်တသ့ၣ်ညါဝဲဘၣ်)

လံာ်လူၤကၣ် 9:33 Iomraidhean Croise

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

လံာ်မးသဲ 17:14

ဒီးတုၤအဝဲသ့ၣ်ဟဲက့ၤတုၤဆူပှၤဂီၢ်မုၢ်တဖၣ်အအိၣ်ဒီး, ပှၤတဂၤဟဲဆူယ့ၣ်ၡူးအအိၣ်, ချံးခီၣ်တီၤလီၤလၢအမဲာ်ညါဒီးစံး,

လံာ်မးသဲ 17:4

ဒီးစီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဘၣ်ဖဲအံၤဂ့ၤမးလီၤ. နသးမ့ၢ်အိၣ်ဒီး ယကဘှီထီၣ်ဒဲသၢဖျၢၣ်ဖဲအံၤ, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢစီၤအ့ၤလံယၤအဂီၢ်လီၤ.”

လံာ်မၢ်ကူး 10:38

ယ့ၣ်ၡူးစံးဘၣ်အဝဲသ့ၣ်, “တၢ်လၢသုဃ့အံၤသုတနၢ်ပၢၢ်အဂ့ၢ် ဘၣ်. တၢ်နးတၢ်ဖှီၣ်အလီခီလၢယကဘၣ်အီယဲန့ၣ်မ့ၢ်သုအီဘၣ်ကကဲဧါ. တၢ်ဒိးဘျၢလၢယကဘၣ်ဒိးဘျၢယသးန့ၣ်, မ့ၢ်သုဒိးဘျၢသုသးဘၣ်ကကဲဧါ.”

လံာ်လူၤကၣ် 5:5

စီၤၡံမိၣ်စံးဆၢအီၤ, “ကစၢ်ဧၢ, ပမၤတ့ၢ်လံဒီနၤညါဒီးပတဖီၣ်န့ၢ်တၢ်နီတမံၤဘၣ်. ဘၣ်ဆၣ်, နမ့ၢ်စံးဒ်န့ၣ်ဒီးယကပာ်လီၤစၤတဖၣ်လီၤ.”

လံာ်လူၤကၣ် 9:34

ဖဲအဝဲဒၣ်ကတိၤဒံးတၢ်အဖၢမုၢ်န့ၣ်, တၢ်အၢၣ်တလိၣ်ဟဲအိၣ်ဖျါထီၣ်ဒီးလီၤကဒုဘၣ်အဝဲသ့ၣ်လီၤ. ဖဲတၢ်အၢၣ်လီၤကဒုဘၣ်အပျဲၢ်အဘီၣ်တဖၣ်အံၤန့ၣ်, အဝဲသ့ၣ်အသူၣ်ပျံၤသးဖုးဝဲလီၤ.

လံာ်လူၤကၣ် 9:49

စီၤယိၤဟၣ်ကတိၤထီၣ်တၢ်ဒီးစံးဝဲ, “ကစၢ်ဧၢ, ပထံၣ်ပှၤတဂၤဟီထီၣ်ကွံာ်တၢ်ဝံတၢ်နါလၢနမံၤ, ဒီးပမၢအဝဲဒၣ်ဆိကတီၢ်ကွံာ်, အဂ့ၢ်မ့ၢ်လၢအဝဲတဘၣ်ထွဲဒီးပှၤဘၣ်အဃိလီၤ.”

လံာ်ယိၤဟၣ် 14:8

စီၤဖံလံးပူးစံးဘၣ်ယ့ၣ်ၡူး, “ကစၢ်ဧၢ, ဒုးထံၣ်ပှၤလၢပၢ်ဒီးပကသူၣ်မံသးမံန့ၣ်လီၤ.”

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.