လံာ်လူၤကၣ် 9:32 - Sgaw Karen Common Bible

³² စီၤပ့းတရူးဒီးအတံၤသကိးတဖၣ်အိၣ်လၢတၢ်မံယိာ်အပူၤ, ဘၣ်ဆၣ်အဝဲသ့ၣ်ပၢၢ်ထီၣ်ဒီးထံၣ်ယ့ၣ်ၡူးအလၤကပီၤ ဒီးပှၤခံဂၤလၢအအိၣ်ဆၢထၢၣ်ဒီးယ့ၣ်ၡူးန့ၣ်လီၤ.

လံာ်လူၤကၣ် 9:32 Iomraidhean Croise

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ဒၤနံးယ့လး 10:9

ဖဲယနၢ်ဟူအကလုၢ်န့ၣ်ယလီၤဃံၤအီထီလာ်ဆူဟီၣ်ခိၣ်လိၤဒီးယသး ပ့ၤနီၣ်ကွံာ်ယသးန့ၣ်လီၤ.

လံာ်ဒၤနံးယ့လး 8:18

ဖဲအဝဲဒၣ်ကတိၤတၢ်ဒီးယၤအဖၢမုၢ်န့ၣ်, ယလီၤဃံၤလၢဟီၣ်ခိၣ် လိၤသပ့ၤသူၣ်သပ့ၤသးန့ၣ်လီၤ. ဘၣ်ဆၣ်ဒီးအဝဲဝံၢ်ထီၣ်က့ၤယၤဒီးဒုးဆၢထၢၣ်က့ၤယၤလၢယခီၣ်အလိၤ,

လံာ်မၢ်ကူး 14:40

အန့ၣ်ဝံၤအဝဲဒၣ်ဟဲက့ၤကဒီးတဘျီဆူအပျဲၢ်အဘီၣ်တဖၣ်အအိၣ် ဒီးထံၣ်ဘၣ်ဝဲလၢအဝဲသ့ၣ်မံဘၣ်အသးလီၤ. အဝဲသ့ၣ်အမဲာ်ဖံးဃၢဒီးစီၣ်ထီၣ်အမဲာ်တန့ၢ်ဘၣ်ဒီး ကဘၣ်စံးဆၢအီၤလၢတၢ်ကတိၤမနုၤလဲၣ်န့ၣ်တသ့ၣ်ညါလၢၤ ဝဲဘၣ်.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.