လံာ်လူၤကၣ် 9:28 - Sgaw Karen Common Bible

²⁸ ယ့ၣ်ၡူးစံးကတိၤတၢ်သ့ၣ်တဖၣ်အံၤဝံၤအလီၢ်ခံကဘၣ်တနွံန့ၣ်, အဝဲဒၣ်ကိးစီၤပ့းတရူး, စီၤယိၤဟၣ်ဒီးစီၤယၤကိာ်သ့ၣ်တဖၣ် ဒီးလဲၤထီၣ်ဆူတၢ်လူၢ်တဖျၢၣ်အလိၤဒ်သိးအကဃ့ဘါထုကဖၣ် တၢ်လီၤ.

လံာ်လူၤကၣ် 9:28 Iomraidhean Croise

စံးထီၣ်ပတြၢၤ 109:4

ယအဲၣ်အဝဲသ့ၣ်ဒီးယထုကဖၣ်တ့ၢ်လၢအဝဲသ့ၣ်အဂီၢ် ဒၣ်လဲာ်အဝဲသ့ၣ်ထီဒါယၤလီၤ.

လံာ်မးသဲ 14:23

တုၤအဝဲပျၢ်ကွံာ်ပှၤဂီၢ်မုၢ်တဖၣ်ဝံၤဒီး, လဲၤထီၣ်ဝဲဆူတၢ်လူၢ်အဒီခိၣ်အလိၤထဲတဂၤဧိၤ, ဒ်သိးကဃ့ဘါထုကဖၣ်ယွၤလီၤ. တုၤမုၢ်ဟါလီၤအကတီၢ်ဘၣ်ဒီး, အိၣ်ဝဲဖဲန့ၣ်ထဲတဂၤဧိၤလီၤ.

လံာ်မးသဲ 5:1

ယ့ၣ်ၡူးထံၣ်ပှၤဂီၢ်မုၢ်တဖၣ်သတးဒီး လဲၤထီၣ်ဝဲဆူတၢ်လူၢ်ဒီခိၣ်ဒီးဆ့ၣ်နီၤဝဲလီၤ.

လံာ်မၢ်ကူး 1:35

လၢခံတဂီၤ, ဂီၤဂီၤကလဲာ်တချုးမုၢ်ဆ့ၣ်ထီၣ်န့ၣ်, ယ့ၣ်ၡူးဂဲၤဆၢထၢၣ်ဒီးဟးထီၣ်လၢဟံၣ်ပူၤဒီးလဲၤဝဲဆူတၢ် လီၢ်လၢပှၤတအိၣ်ဝဲနီတဂၤဘၣ်ဒီးဖဲန့ၣ်ဘါထုကဖၣ်တၢ်လီၤ.

လံာ်မၢ်ကူး 6:46

အဝဲပျၢ်ကွံာ်ပှၤသ့ၣ်တဖၣ်န့ၣ်မုာ်မုာ်ဝံၤအလီၢ်ခံ, လဲၤထီၣ်ဝဲဆူကစၢၢ်ဒီခိၣ် လၢကဃ့ထုကဖၣ်ယွၤအဂီၢ်လီၤ.

လံာ်လူၤကၣ် 3:21

ပှၤဂီၢ်မုၢ်ခဲလၢာ်ဘၣ်တၢ်ဘျၢအီၤလၢထံဝံၤအလီၢ်ခံန့ၣ်, ယ့ၣ်ၡူးစ့ၢ်ကီးဘၣ်တၢ်ဘျၢအီၤလၢထံန့ၣ်လီၤ. ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, မူခိၣ်အိးထီၣ်အသး,

လံာ်လူၤကၣ် 5:16

ဘၣ်ဆၣ်, အဝဲလဲၤဆူပှၢ်မုၢ်ကနၢဒီးဖဲန့ၣ်, အဝဲဒၣ်ဃ့ဘါထုကဖၣ်တၢ်လီၤ.

လံာ်လူၤကၣ် 6:12

ဖဲအဆၢကတီၢ်အဝဲန့ၣ်, ယ့ၣ်ၡူးလဲၤထီၣ်ဆူတၢ်လူၢ်တလူၢ်အလိၤဒ်သိး အကဃ့ဘါထုကဖၣ်တၢ်အဂီၢ်ဒီးဃ့ထုကဖၣ်တၢ်လၢ ယွၤဒီနၤညါန့ၣ်လီၤ.

လံာ်လူၤကၣ် 8:51

ဖဲအဝဲဒၣ်လဲၤတုၤလၢဟံၣ်န့ၣ်, အဝဲတပျဲပှၤလဲၤနုာ်ဃုာ်ဒီးအီၤနီတဂၤဘၣ်. ပျဲဒၣ်ဝဲထဲစီၤပ့းတရူး, စီၤယိၤဟၣ်, စီၤယၤကိာ် ဒီးဖိသၣ်မုၣ်အမိၢ်အပၢ်တဖၣ်လီၤ.

လံာ်လူၤကၣ် 9:18

ဘၣ်တနံၤဖဲယ့ၣ်ၡူးဃ့ဘါထုကဖၣ်တၢ်ထဲတဂၤဧိၤအဆၢကတီၢ် န့ၣ်, အပျဲၢ်အဘီၣ်တဖၣ်ဟဲဆူအအိၣ်လီၤ. အဝဲဒၣ်သံကွၢ်အဝဲသ့ၣ်, “ပှၤဂီၢ်မုၢ်တဖၣ်စံးလၢယမ့ၢ်မတၤတဂၤလဲၣ်.”

လံာ်ယိၤဟၣ် 6:3

ယ့ၣ်ၡူးလဲၤထီၣ်ဆူတၢ်လူၢ်ဒီခိၣ် ဒီးဆ့ၣ်နီၤသကိးဒီးအပျဲၢ်အဘီၣ်တဖၣ်န့ၣ်လီၤ.

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.