လံာ်လူၤကၣ် 9:27 - Sgaw Karen Common Bible

²⁷ ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”

လံာ်လူၤကၣ် 9:27 Iomraidhean Croise

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မၢ်ကူး 14:25

ယစံးဘၣ်သုသပှၢ်ကတၢၢ်လီၤ. တချုးဒံးဘၣ်လၢယအီစပံးထံအသီလၢကစၢ်ယွၤအဘီမုၢ်အပူၤန့ၣ်, ယတအီလၢၤဘၣ်စပံးထံဖဲအံၤနီတဘျီလၢၤဘၣ်.”

လံာ်မၢ်ကူး 9:1

ယ့ၣ်ၡူးစံးကဒီးဝဲ, “ယစံးဘၣ်သုတီတီ, ပှၤအိၣ်ဖဲအံၤတနီၤလၢတချုးအထံၣ်ဒံးဘၣ် ကစၢ်ယွၤအဘီအမုၢ်ဟဲအိၣ်လၢအိၣ်ပှဲၤဒီးတၢ်စိတၢ်ကမီၤန့ၣ်, တသံဒံးဘၣ်.”

လံာ်လူၤကၣ် 2:26

ဒီးဒုးနဲၣ်အီၤလၢ, တချုးအဝဲဒၣ်ထံၣ်ဘၣ်ခရံာ်လၢ ကစၢ်စံးပာ်တ့ၢ်လၢအဂ့ၢ်တဂၤဒံးဘၣ်န့ၣ်ဒီး, အဝဲတသံဒံးဘၣ်န့ၣ်လီၤ.

လံာ်လူၤကၣ် 22:18

အဂ့ၢ်ဒ်အံၤ, ယစံးဘၣ်တဲဘၣ်သုလၢ, စးထီၣ်ခဲအံၤဒီးတုၤလီၤလၢယွၤ အဘီအမုၢ်ဟဲဝဲတစုန့ၣ်, ယတအီလၢၤဘၣ်စပံးထံအံၤဘၣ်.”

လံာ်ယိၤဟၣ် 14:2

လၢယပၢ်အဟံၣ်ပူၤန့ၣ်, ဒၢးအိၣ်ဝဲအါဖျၢၣ်လီၤ. ယကလဲၤကတဲာ်ကတီၤတၢ်လီၢ်လၢသုဂီၢ်လီၤ. တၢ်အံၤမ့တမ့ၢ်ဘၣ်န့ၣ်, ယတစံးဘၣ်တဲဘၣ်သုဘၣ်.

လံာ်ယိၤဟၣ် 16:7

နာ်သက့ယစံးဘၣ်တဲဘၣ်သုတၢ်မ့ၢ်တၢ်တီ, ယလဲၤတၢ်အဝဲအံၤန့ၣ်မ့ၢ်တၢ်ဂ့ၤဒၣ်တၢ်တက့ၢ်လၢသုဂီၢ်န့ၣ်လီၤ. အဂ့ၢ်ဒ်အံၤ, ယမ့ၢ်တလဲၤဘၣ်ဒီးပှၤမၤစၢၤတၢ်တဂၤတဟဲ ဆူသုအိၣ်ဘၣ်. ဘၣ်ဆၣ်ယမ့ၢ်လဲၤဒီး, ယကမၢလီၤအီၤဆူ သုအိၣ်န့ၣ်လီၤ.

လံာ်ယိၤဟၣ် 8:59

ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.