လံာ်လူၤကၣ် 9:24 - Sgaw Karen Common Bible

²⁴ အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤ အသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူဒၣ်ဝဲလၢယဃိန့ၣ်, ကအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်လူၤကၣ် 9:24 Iomraidhean Croise

လံာ်ပှၤစံၣ်တဲၤတဲလီၤတၢ် 3:6

ပာ်လီၤဝဲတၢ်အကတီၢ်လၢတၢ်ထံၣ်န့ၢ်တၢ်အဂီၢ်ဒီးတၢ် အကတီၢ်လၢတၢ်ကဟါမၢ်အဂီၢ်, ဒီးတၢ်အကတီၢ်လၢတၢ်ကပာ်ဖှိၣ်ပာ်တံၤတၢ်အဂီၢ်, ဒီးတၢ်အကတီၢ်လၢတၢ်ကစူးကွံာ်ညိကွံာ်တၢ်အဂီၢ်,

လံာ်မးသဲ 10:39

ပှၤလၢအဂုာ်ကျဲးစၢးဟံးဃာ်အသးသမူန့ၣ်, အသးသမူကလီၤမၢ်န့ၢ် အီၤလီၤ. ဘၣ်ဆၣ်ဒီးပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.

လံာ်လူၤကၣ် 17:33

ပှၤတဂၤလၢ်လၢ်လၢအဂုာ်ကျဲးစၢးအုၣ်က့ၤခီၣ်က့ၤအသးဒၣ်ဝဲန့ၣ်, ကဒုးလီၤမၢ်ကွံာ်အီၤ, ပှၤတဂၤလၢ်လၢ်လၢအဒုးလီၤမၢ်ကွံာ်အသးန့ၣ်, ကအုၣ်က့ၤခီၣ်က့ၤအီၤလီၤ.

လံာ်ယိၤဟၣ် 12:25

ပှၤတဂၤလၢ်လၢ်လၢအအဲၣ်လီၤအသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. ဒီးပှၤတဂၤလၢ်လၢ်လၢ အတအဲၣ်လီၤအသးသမူဒၣ်ဝဲလၢဟီၣ်ခိၣ်အံၤန့ၣ်, ကဟံးဃာ်ပၢၤဃာ်ဝဲလၢတၢ်မူအထူအယိာ်အဂီၢ်လီၤ.

ဧ့ၤဘြံၤ 11:35

လၢတၢ်စူၢ်တၢ်နာ်န့ၣ်ပိာ်မုၣ်တဖၣ်န့ၢ်ဘၣ်က့ၤအဘူး အတံၢ်လၢအသံတ့ၢ်ဝဲတဖၣ်ခီဖျိတၢ်ဂဲၤဆၢထၢၣ်သမူ ထီၣ်က့ၤန့ၣ်လီၤ. ပှၤအဂၤတဖၣ်လၢအတတူၢ်လိာ်ဘၣ်တၢ်ပျၢ်ထူၣ်ဖျဲးထီၣ်အီၤ ဘၣ်န့ၣ်သံဝဲလၢတၢ်မၤအၢမၤနးအဃိဒ်သိးအကဘၣ် တၢ်ဒုးဂဲၤဆၢထၢၣ်က့ၤအီၤဆူတၢ်မူလၢအဂ့ၤဒၣ်တၢ် တက့ၢ်န့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.