လံာ်လူၤကၣ် 9:2 - Sgaw Karen Common Bible

² အန့ၣ်ဝံၤဒီးအဝဲဒၣ်မၢလီၤအဝဲသ့ၣ်ဒ်သိးအကစံၣ်တဲၤတဲလီၤ တၢ်ဘၣ်ဃးကစၢ်ယွၤအဘီအမုၢ်ဒီးအကမၤဘျါပှၤဆူးပှၤဆါတဖၣ် အဂီၢ်န့ၣ်လီၤ.

လံာ်လူၤကၣ် 9:2 Iomraidhean Croise

လံာ်မးသဲ 10:5

ယ့ၣ်ၡူးမၢလီၤတၢ်မၢဖိတဆံခံဂၤအံၤအိၣ်ဒီးတၢ်မၤလိာ်ထွဲ အဝဲသ့ၣ်ဒီးစံး, “သုတလဲၤဆူပှၤကလုာ်အဂၤတဖၣ်အအိၣ်တဂ့ၤ, ဒီးသုတလဲၤနုာ်ဆူ ပှၤၡၤမရံဖိအခူအဝ့ၢ်အပူၤတဂ့ၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 24:14

ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

လံာ်မၢ်ကူး 6:12

အန့ၣ်ဒီးအဝဲသ့ၣ်တဖၣ်ဟးထီၣ်ဒီးစံၣ်တဲၤတဲလီၤတၢ်လၢပှၤ ကပီၢ်ယၢ်ဒီးဃၣ်လိၤက့ၤအသးလၢအတၢ်ဒဲးဘးတဖၣ်အဂီၢ်လီၤ.

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 10:11

‘ဖၣ်ကမူၣ်ဖၣ်ဆါလၢသုဝ့ၢ်ပူၤလၢအအိၣ်ထီဝဲလၢပခီၣ်လၣ် အလိၤတဖၣ်ဒၣ်လဲာ်န့ၣ်, ပတြူာ်ကွံာ်ပဝဲထီဒါသုလီၤ. ဘၣ်ဆၣ်ဒီး, သ့ၣ်နီၣ်ထီၣ်တၢ်အဝဲအံၤတက့ၢ်. ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 10:9

မၤဘျါပှၤဆူးပှၤဆါဖဲဝ့ၢ်တဖျၢၣ်န့ၣ်အပူၤ, ဒီးစံးဘၣ်ပှၤအိၣ်ဖဲန့ၣ်တဖၣ်, ‘ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 16:16

စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ်အိၣ်ဝဲဒၣ်တုၤလၢ ပှၤဘျၢတၢ်စီၤယိၤဟၣ်အဆၢကတီၢ်လီၤ. စးထီၣ်ဖဲန့ၣ် တၢ်သးခု အကစီၣ်ဘၣ်ဃးဒီးကစၢ်ယွၤအဘီအမုၢ်ဘၣ်တၢ်စံၣ်တဲၤတဲလီၤအီၤ, ဒီးပှၤကိးဂၤဒဲးဂုာ်လဲၤနုာ်ဝဲဆူကစၢ်ယွၤအဘီအမုၢ်အပူၤလီၤ.

လံာ်လူၤကၣ် 9:11

ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်လဲၤပိာ်အခံလီၤ. အဝဲဒၣ်တူၢ်လိာ်ခီၣ်ဆၢအဝဲသ့ၣ်, ကတိၤတၢ်ဒီးအဝဲသ့ၣ်ဘၣ်ဃးကစၢ်ယွၤအဘီအမုၢ်, ဒီးမၤဘျါပှၤလၢအလိၣ်ဘၣ်တၢ်မၤဘျါက့ၤအီၤတဖၣ်လီၤ.