လံာ်လူၤကၣ် 9:19 - Sgaw Karen Common Bible

¹⁹ အဝဲသ့ၣ်စံးဆၢဝဲ, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢနမ့ၢ်စီၤအ့ၤလံယၤ, ဒီးအဂၤတနီၤစံးလၢနမ့ၢ်ဝံလၢပျၢၤ အကျါတဂၤလၢအဂဲၤဆၢထၢၣ်သမူထီၣ်က့ၤဝဲန့ၣ်လီၤ.”

လံာ်လူၤကၣ် 9:19 Iomraidhean Croise

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 14:2

ဒီးစံးဘၣ်အခ့အပှၤတဖၣ်, “ပှၤအံၤမ့ၢ်နီၢ်နီၢ်ပှၤဘျၢတၢ်စီၤယိၤဟၣ်လၢ အဘၣ်တၢ်မၤမူထီၣ်က့ၤအီၤလီၤ. လၢတၢ်န့ၣ်အဃိ, အဝဲအိၣ်ဒီးတၢ်စိတၢ်ကမီၤလၢ ကမၤတၢ်လီၤလးတဖၣ်အံၤလီၤ.”

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်မၢ်ကူး 6:15

ပှၤအဂၤတနီၤစံးဝဲ, “အဝဲဒၣ်မ့ၢ်စီၤအ့ၤလံယၤလီၤ.” ပှၤအဂၤကဒီးတနီၤစံးဝဲ, “အဝဲဒၣ်မ့ၢ်ဝံတဂၤဒ်ဝံလၢအအိၣ် တ့ၢ်လၢပျၢၤတဖၣ်အသိးန့ၣ်လီၤ.”

လံာ်လူၤကၣ် 9:18

ဘၣ်တနံၤဖဲယ့ၣ်ၡူးဃ့ဘါထုကဖၣ်တၢ်ထဲတဂၤဧိၤအဆၢကတီၢ် န့ၣ်, အပျဲၢ်အဘီၣ်တဖၣ်ဟဲဆူအအိၣ်လီၤ. အဝဲဒၣ်သံကွၢ်အဝဲသ့ၣ်, “ပှၤဂီၢ်မုၢ်တဖၣ်စံးလၢယမ့ၢ်မတၤတဂၤလဲၣ်.”

လံာ်လူၤကၣ် 9:20

ယ့ၣ်ၡူးသံကွၢ်အဝဲသ့ၣ်, “မ့မ့ၢ်သုဝဲသုစံးလၢယမ့ၢ်မတၤလဲၣ်.” စီၤပ့းတရူးစံးဆၢဝဲ, “နမ့ၢ်ကစၢ်ယွၤအခရံာ်တဂၤလီၤ.”

လံာ်ယိၤဟၣ် 1:21

ဒီးအဝဲသ့ၣ်သံကွၢ်အီၤ, “မ့မ့ၢ်ဒ်န့ၣ်ဒီးနမ့ၢ်မတၤလဲၣ်. နမ့ၢ်ဝံအ့ၤလံယၤဧါ.” ဒီးစီၤယိၤဟၣ်စံးဆၢဝဲ, “တမ့ၢ်ဘၣ်.” သံကွၢ်ကဒီးဝဲ, “နမ့ၢ်ဝံလၢယွၤကမၢလီၤဝဲန့ၣ်ဧါ.” ဒီးအဝဲဒၣ်စံးဆၢဝဲ, “တမ့ၢ်ဘၣ်.”

လံာ်ယိၤဟၣ် 1:25

အဝဲသ့ၣ်သံကွၢ်စီၤယိၤဟၣ်, “နမ့တမ့ၢ်ခရံာ်, မ့တမ့ၢ်ဘၣ်ဒီးဝံအ့ၤလံယၤ, မ့တမ့ၢ်ဘၣ်ဝံလၢယွၤကမၢလီၤအီၤန့ၣ်ဘၣ်ဒီး, ဘၣ်မနုၤအဃိလၢနဘျၢတၢ်လဲၣ်.”

လံာ်ယိၤဟၣ် 7:40

ပှၤအိၣ်ဝဲတနီၤလၢပှၤဂီၢ်မုၢ်အကျါနၢ်ဟူယ့ၣ်ၡူးအတၢ် ကတိၤဒီးစံး, “ပှၤတဂၤအံၤမ့ၢ်နီၢ်နီၢ်ဝံတဂၤန့ၣ်လီၤ.”

လံာ်ယိၤဟၣ် 9:17

ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ, “နစံးလၢအဝဲမၤဘျါက့ၤနၤလၢနတၢ်မဲာ်ဘျီၣ်လီၤ. ဂ့ၤလံ. နဲတခီနစံးလၢအဝဲအဂ့ၢ်ဒ်လဲၣ်.” အဝဲစံးဆၢဝဲ, “အဝဲဒၣ်မ့ၢ်ဝံတဂၤလီၤ.”