လံာ်လူၤကၣ် 9:16 - Sgaw Karen Common Bible

¹⁶ ယ့ၣ်ၡူးဟံးန့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ဒီးကွၢ်ထီၣ်တၢ်ဆူမူခိၣ်, စံးဘျုးကစၢ်ယွၤလၢအဃိ, စိၢ်ဘျဲးအီၤဒီးဟ့ၣ်လီၤအီၤလၢအပျဲၢ်အဘီၣ် တဖၣ်, ဒ်သိးအကဟ့ၣ်နီၤလီၤဝဲဆူပှၤဂီၢ်မုၢ်တဖၣ်အအိၣ်အဂီၢ်န့ၣ်လီၤ.

လံာ်လူၤကၣ် 9:16 Iomraidhean Croise

လံာ်မးသဲ 14:19

ဒီးမၢပှၤဂီၢ်မုၢ်တဖၣ်ဆ့ၣ်နီၤလၢတပံၢ်အဖီခိၣ်လီၤ. အဝဲဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်, ဝံၤကွၢ်ထီၣ်တၢ်ဆူမူခိၣ်, ဒီးစံးထီၣ်ပတြၢၤယွၤလီၤ. အဝဲစိၢ်ဘျဲးဝဲကိၣ်တဖၣ်, ဒီးဟ့ၣ်လီၤဝဲအပျဲၢ်အဘီၣ်ဒီးအပျဲၢ်အဘီၣ်တဖၣ်ဟ့ၣ်ပှၤဂီၢ်မုၢ် တဖၣ်လီၤ.

လံာ်မးသဲ 15:36

အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ.

လံာ်မၢ်ကူး 7:34

အန့ၣ်ဝံၤ, ယ့ၣ်ၡူးကွၢ်ထီၣ်တၢ်ဆူမူခိၣ်, ကအုထီၣ်ဝဲဒီးစံးဘၣ်ပှၤတဂၤန့ၣ်, “အ့ၤဖၤသါ” အခီပညီ, “အိးဟိထီၣ်တက့ၢ်,” န့ၣ်လီၤ.

လံာ်လူၤကၣ် 22:19

အဝဲန့ၣ်ဝံၤအလီၢ်ခံ, အဝဲဒၣ်ဟံးန့ၢ်ကိၣ်, စံးဘျုးစံးဖှိၣ်ကစၢ်ယွၤ, စိၢ်ဘျဲးဝဲ, ဒီးဟ့ၣ်လီၤအီၤဆူအဝဲသ့ၣ်အအိၣ်ဒီးစံးဝဲ, “အဝဲအံၤမ့ၢ်ယနီၢ်ခိလၢအဘၣ်တၢ်ဟ့ၣ်လီၤအီၤလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်န့ၣ်တက့ၢ်.”

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်လူၤကၣ် 9:15

အပျဲၢ်အဘီၣ်တဖၣ်မၤဝဲဒ်န့ၣ်, ဒီးမၢပှၤဂီၢ်မုၢ်ဆ့ၣ်နီၤကိးဂၤဒဲးလီၤ.

လံာ်လူၤကၣ် 9:17

အဝဲသ့ၣ်ကိးဂၤဒဲးအီၣ်တၢ်, ဒီးဘျဲးအီၣ်ဘျဲးအီဝဲ, ဒီးအပျဲၢ်အဘီၣ်တဖၣ်ထၢဖှိၣ်က့ၤတၢ်အိၣ်ဘျဲၣ်အိၣ်စဲၢ်တဖၣ်, အိၣ်ဝဲကုတဆံခံဒုလီၤ.

လံာ်ယိၤဟၣ် 6:11

ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီး ဟ့ၣ်နီၤလီၤဝဲပှၤလၢအဆ့ၣ်နီၤဖဲန့ၣ်တဖၣ်လီၤ. ဟံးန့ၢ်စ့ၢ်ကီးညၣ်ဒီးမၤဝဲဒ်န့ၣ်အသိး, ဒီးပှၤခဲလၢာ်အီၣ်ဘၣ်ဝဲ လၢအီၣ်လၢအီန့ၣ်လီၤ.

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

မၤတၢ် 27:35

စီၤပီလူးစံးတၢ်ဒ်အံၤဝံၤဒီး, အဝဲဒၣ်ဟံးန့ၢ်ကိၣ်တစဲး, စံးဘျုးစံးဖှိၣ်ကစၢ်ယွၤလၢအဝဲသ့ၣ်ခဲလၢာ်အမဲာ်ညါ, စိၢ်ဘျဲးဝဲ, ဒီးအီၣ်တၢ်လီၤ.

ရိမ့ၤ 14:6

ပှၤတဂၤဂ့ၤတဂၤဂ့ၤလၢအဆိကမိၣ်ပာ်ဒိၣ်မုၢ်နံၤတနံၤနံၤန့ၣ်မၤ ဝဲလၢတၢ်မၤလၤကပီၤကစၢ်အပူၤန့ၣ်လီၤ. ပှၤတဂၤဂ့ၤတဂၤဂ့ၤလၢအအီၣ်တၢ်တမံၤလၢ်လၢ်န့ၣ် မၤဝဲလၢတၢ်မၤလၤမၤကပီၤကစၢ်အပူၤ, မ့ၢ်လၢအဝဲစံးဘျုး ကစၢ်ယွၤလၢတၢ်အီၣ်အဂီၢ်အဃိလီၤ. မတၤတဂၤဂ့ၤတဂၤဂ့ၤလၢအတအီၣ်တၢ်အီၣ်တနီၤနီၤန့ၣ်မၤ ဝဲလၢတၢ်မၤလၤမၤကပီၤကစၢ်အပူၤ, ဒီးစံးထီၣ်ပတြၢၤကစၢ်ယွၤအဘျုးအဖှိၣ်လီၤ.

1 ကရံၣ်သူး 10:30

ယမ့ၢ်စံးဘျုးကစၢ်ယွၤလၢယတၢ်အီၣ်အဃိဒီး, ဘၣ်မနုၤအဃိပှၤတဂၤဂၤကဘၣ်ပာ်တၢ်ကမၣ်လၢယလိၤ ဘၣ်ဃးဒီးတၢ်အီၣ်လၢယဟ့ၣ်တၢ်စံးဘျုးစံးဖှိၣ်လၢ အဃိန့ၣ်လဲၣ်.”

1 ကရံၣ်သူး 11:24

ဟ့ၣ်တၢ်စံးထီၣ်ပတြၢၤဆူကစၢ်ယွၤ, စိၢ်ဘျဲးဝဲဒီးစံး, “အဝဲအံၤမ့ၢ်ယနီၢ်ခိလၢအမ့ၢ်ဝဲလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”