လံာ်လူၤကၣ် 8:8 - Sgaw Karen Common Bible

⁸ ဒီးတၢ်ချံတနီၤနီၤလီၤဘၣ်လၢဟီၣ်ခိၣ်ညၣ်ထ့ၣ်ဂ့ၤအလီၢ်လီၤ. တၢ်မုၢ်တၢ်ဘိတဖၣ်ဒိၣ်ထီၣ်ဒီးသၣ်ထီၣ်တၤသၣ်တကယၤစုာ်စုာ် လီၤ.” ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “လၢတၢ်န့ၣ်အဃိ, ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”

လံာ်လူၤကၣ် 8:8 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

တၢ်ကတိၤဒိ. 20:12

ယွၤဟ့ၣ်တ့ၢ်လံပှၤမဲာ်ချံတဖၣ်လၢကထံၣ်တၢ်အဂီၢ်ဒီးနၢ်တဖၣ်လၢ ကဒိကနၣ်တၢ်အဂီၢ်လီၤ.

တၢ်ကတိၤဒိ. 8:1

ဒိကနၣ်တက့ၢ်. တၢ်ကူၣ်သ့ကိးထီၣ်ဝဲ ဒီးတၢ်ကူၣ်တၢ်ဆးမၤဟူထီၣ်အကလုၢ်ဒၣ်ဝဲလီၤ.

လံာ်ယံးရမံယၤ 13:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤကတိၤလံတၢ်လံ. ဆီၣ်လီၤသုသးဒီးဒိကနၣ်အီၤတက့ၢ်.

လံာ်ယံးရမံယၤ 25:4

ယွၤဆှၢလီၤန့ၢ် သုအခ့အပှၤအဝံတဖၣ် တထံၣ်ဃီဒၣ်လဲာ်, သုတဒိကနၣ်အီၤမ့ၢ်ဂ့ၢ်, ပာ်ကဲအီၤမ့ၢ်ဂ့ၤ, န့ၣ်ဘၣ်.

လံာ်မးသဲ 11:15

ပှၤအိၣ်ဒီးအနၢ်လၢအနၢ်ဟူတၢ်မ်အဒိကနၣ်တၢ်တက့ၢ်.

လံာ်မးသဲ 13:23

တၢ်ချံလၢအဘၣ်တၢ်ဖှံလီၤအီၤလၢဟီၣ်ခိၣ်လၢအဂ့ၤတဖၣ်, မ့ၢ်ပှၤလၢအနၢ်ဟူတၢ်ကစီၣ်ဒီးနၢ်ပၢၢ်ဝဲလီၤ. အဝဲသ့ၣ်သၣ်ထီၣ်ဝဲ, တနီၤအါန့ၢ်အလီၢ်အစးတကယၤ, တနီၤဃုဆံဒီးတနီၤသၢဆံလီၤ.”

လံာ်မၢ်ကူး 4:20

မ့မ့ၢ်ပှၤအဂၤတဖၣ်လီၤဂာ်ဒီးတၢ်ချံလၢအလီၤဘၣ်ဖဲဟီၣ်ခိၣ် လၢအဂ့ၤဝဲအလီၢ်လီၤ. တုၤအဝဲသ့ၣ်နၢ်ဟူယွၤအကလုၢ်ကထါ ဒီး တူၢ်လိာ်ဝဲဝံၤသူထီၣ်သၣ်ထီၣ်ဝဲလီၤ. အထံးတနီၤသၣ်ထီၣ်ဝဲ အဖျၢၣ်သၢဆံ, တနီၤအဖျၢၣ်ဃုဆံဒီးတနီၤအဖျၢၣ်တကယၤလီၤ.

လံာ်မၢ်ကူး 4:23

ပှၤလၢအအိၣ်ဒီးအနၢ်လၢအနၢ်ဟူတၢ်သ့န့ၣ်, မ်အဒိကနၣ်တၢ်တက့ၢ်.”

လံာ်မၢ်ကူး 4:8

မ့မ့ၢ်တၢ်ချံတနီၤလီၤဘၣ်ဝဲလၢဟီၣ်ခိၣ်လၢအဂ့ၤဝဲအလီၢ်သတး ဒီး, တၢ်အမုၢ်အဆံးဖိတဖၣ်ဟဲမဲထီၣ်ဒီးဒိၣ်ထီၣ်ဂ့ၤဂ့ၤကလဲာ် ဒီးသၣ်ထီၣ်ဂ့ၤမးလီၤ. အထံးတနီၤအသၣ်အိၣ်လၢအလိၤ အဖျၢၣ်သၢဆံ, အဂၤတနီၤအဖျၢၣ်ဃုဆံ, ဒီးအဂၤတဖၣ်အဖျၢၣ်လၢအကယၤန့ၣ်လီၤ.”

လံာ်မၢ်ကူး 7:16

(ပှၤလၢအအိၣ်ဒီးအနၢ်လၢအနၢ်ဟူတၢ်သ့န့ၣ်, မ်အဒိကနၣ်တၢ်တက့ၢ်.)”

လံာ်လူၤကၣ် 14:35

လၢဟီၣ်ခိၣ်အဂီၢ်မ့ၢ်ဂ့ၤ, ဟီၣ်ခိၣ်ညၣ်ထ့ၣ်အဂီၢ်မ့ၢ်ဂ့ၤ, အဘျုးအဖှိၣ်တအိၣ်နီတမံၤဘၣ်ဒီးပှၤစူးကွံာ်အီၤလီၤ. ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”

လံာ်လူၤကၣ် 8:15

တၢ်ချံလၢအလီၤဘၣ်လၢဟီၣ်ခိၣ်ညၣ်ထ့ၣ်အဂ့ၤပာ်ဖျါထီၣ်ပှၤ တဖၣ်လၢအနၢ်ဟူဘၣ်တၢ်အကလုၢ်ကထါဒီးဟံးဃာ်ဂၢၢ်ကျၢၤ ဝဲလၢသးလၢအဂ့ၤဒီးစူၢ်ယွၤအကလုၢ်အပူၤဒီးမၤဝဲဒ်န့ၣ်သပှၢ် ပှၢ်တုၤအဝဲသ့ၣ်သၣ်ထီၣ်တၤသၣ်တစုလီၤ.

လံာ်လူၤကၣ် 8:7

အဂၤတနီၤလီၤဘၣ်ဝဲလၢတၤဆှုၣ်တၤမဲအကျါဒီးမ့ၢ် အဒိၣ်ထီၣ်ဃုာ်တပူၤဃီဒီးခဲဘၢကွံာ်အီၤအဃိသံကွံာ်ဝဲဒၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

လံာ်လီၣ်ဖျါ 13:9

မ်ဒ်န့ၣ်ဒီးသုမ့ၢ်အိၣ်ဒီးသုနၢ်န့ၣ်, ဒိကနၣ်တၢ်တက့ၢ်.

လံာ်လီၣ်ဖျါ 2:11

လၢတၢ်န့ၣ်အဃိနနၢ်မ့ၢ်အိၣ်န့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်တတူၢ်ဘၣ် တၢ်မၤဆူးမၤဆါအီၤလၢတၢ်သံခံစုတစုန့ၣ်ဘၣ်.”

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 3:13

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ်တက့ၢ်.”

လံာ်လီၣ်ဖျါ 3:6

လၢတၢ်န့ၣ်အဃိ, နနၢ်မ့ၢ်အိၣ်ကစီဒီန့ၣ် ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ်တက့ၢ်.”