လံာ်လူၤကၣ် 8:56 - Sgaw Karen Common Bible

⁵⁶ ပိာ်မုၣ်ဖိသၣ်အမိၢ်အပၢ်တဖၣ်ကမၢကမၣ်ဝဲ, ဘၣ်ဆၣ်ဒီးယ့ၣ်ၡူးမၤလိာ်အဝဲသ့ၣ်ဒ်သိးအသု တစံးဘၣ်တဲဘၣ်ပှၤနီတဂၤလၢတၢ်မၤတ့ၢ်အသးအံၤအဂ့ၢ်တဂ့ၤန့ၣ်လီၤ.

လံာ်လူၤကၣ် 8:56 Iomraidhean Croise

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မးသဲ 9:30

ဒီးအဝဲသ့ၣ်ထံၣ်ထီၣ်က့ၤတၢ်လီၤ. ယ့ၣ်ၡူးတြီအဝဲသ့ၣ်ဆူၣ်ဆူၣ် ကလဲာ်ဒီးစံး, “တဘၣ်စံးဘၣ်တဲဘၣ်ပှၤလၢတၢ်ဂ့ၢ်အဝဲအံၤနီတဂၤတဂ့ၤ.”

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”

လံာ်လူၤကၣ် 8:55

ပိာ်မုၣ်ဖိသၣ်အသးသမူဟဲက့ၤကဒါက့ၤ, ဒီးဂဲၤဆၢထၢၣ်က့ၤဝဲတဘျီဃီလီၤ. ဒီးယ့ၣ်ၡူးမၢအဝဲသ့ၣ်လၢ အကဟ့ၣ်အီၣ်ဖိသၣ်မုၣ်န့ၣ်လၢတၢ်တမံၤမံၤလီၤ.