လံာ်လူၤကၣ် 8:53 - Sgaw Karen Common Bible

⁵³ အဝဲသ့ၣ်နံၤဘၣ်ဖၣ်လဲအီၤ, အဂ့ၢ်မ့ၢ်လၢအဝဲသ့ၣ်သ့ၣ်ညါလၢပိာ်မုၣ်ဖိသၣ်န့ၣ်သံဝဲအဃိလီၤ.

လံာ်လူၤကၣ် 8:53 Iomraidhean Croise

လံာ်စီၤယိၤဘး 12:4

ခဲကနံၣ်အံၤယတံၤသကိးတဖၣ်ဒၣ်လဲၣ်နံၤဘၣ်ယၤလီၤ. ယမ့ၢ်ပှၤတီပှၤလိၤဒီးပှၤပာ်ဒ့ၣ်ပာ်ကမၣ်အလီၢ်တအိၣ်ဘၣ် သနာ်က့အဝဲသ့ၣ်နံၤဘၣ်ယၤလီၤ. ဘၣ်ဆၣ်အဆၢအကတီၢ်အိၣ် ဝဲဒၣ်လၢကစၢ်ယွၤစံးဆၢယတၢ်ထုကဖၣ်တဖၣ်န့ၣ်လီၤ.

လံာ်စီၤယိၤဘး 17:2

ပှၤကိးဂၤဒဲးဒုၣ်ဒွဲၣ်ယၤဒီးယထံၣ်ဘၣ်အဝဲသ့ၣ်အတၢ်မၤကိၢ်မၤ ဂီၤယၤန့ၣ်လီၤ.

စံးထီၣ်ပတြၢၤ 22:7

ပှၤလၢအထံၣ်ယၤခဲလၢာ်ဒုၣ်ဒွဲၣ်ယၤ, အဝဲသ့ၣ်လ့ၣ်အပျ့ၤလၢယၤဒီးကျၢၢ်ကျာ်အခိၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်မးသဲ 9:24

အဝဲစံးဘၣ်ပှၤတဖၣ်န့ၣ်, “ဟးထီၣ်ကိးဂၤဒဲးတက့ၢ်. ပိာ်မုၣ်ဖိအံၤတသံဘၣ်. မ့ၢ်ဒၣ်အမံဘၣ်အသးလီၤ.” အန့ၣ်ဒီးအဝဲသ့ၣ်နံၤဘၣ်ဖၣ်လဲအီၤလီၤ.

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်လူၤကၣ် 8:52

ပှၤအိၣ်ဝဲဖဲန့ၣ်ကိးဂၤဒဲးဟီၣ်ဝဲယၢၤဝဲလၢဖိသၣ်မုၣ်အဃိလီၤ. ယ့ၣ်ၡူးစံးဝဲ, “တဘၣ်ဟီၣ်တဂ့ၤ. ဖိသၣ်မုၣ်န့ၣ်တသံဘၣ်, မ့ၢ်ဒၣ်အမံဘၣ်အသးလီၤ.”

လံာ်လူၤကၣ် 8:54

ဘၣ်ဆၣ်ဒီးယ့ၣ်ၡူးဟံးဃာ်ပိာ်မုၣ်ဖိသၣ်အစုဒီးကိးထီၣ်ဝဲ, “ဖိသၣ်မုၣ်ဧၢ, ဂဲၤဆၢထၢၣ်တက့ၢ်.”

လံာ်ယိၤဟၣ် 11:39

ယ့ၣ်ၡူးဟ့ၣ်လီၤအကလုၢ်ဒီးစံးဝဲ “သုးကွံာ်လၢၢ်န့ၣ် တက့ၢ်.” နီၢ်မၢ်သၤ, ပှၤလၢအသံတဂၤအဒီပုၢ်ဝဲၢ်မုၣ်စံးဆၢတၢ်ဒီး စံးဝဲ “ကစၢ်ဧၢ, ပှၤပာ်လီၤအီၤအိၣ်လွံၢ်သီလံအဃိကနၢအုၣ်လံလီၤ.”