လံာ်လူၤကၣ် 8:48 - Sgaw Karen Common Bible

⁴⁸ ယ့ၣ်ၡူးစံးဘၣ်ပိာ်မုၣ်န့ၣ်, “ယဖိမုၣ်ဧၢ, နတၢ်စူၢ်တၢ်နာ်မၤဘျါက့ၤနၤလံ, က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

လံာ်လူၤကၣ် 8:48 Iomraidhean Croise

လံာ်စီၤပၤခံဘ့ၣ်တဘ့ၣ် 5:19

စီၤအလံၤၡါစံးဝဲဒၣ်, “လဲၤတၢ်မုာ်မုာ်တက့ၢ်.” ဒီးစီၤနဧၤမၣ်ဟးထီၣ်ကွံာ်ဝဲန့ၣ်လီၤ. ဖဲအဝဲလဲၤတ့ၢ်ယံၤ ဒံးထဲတစဲးဧိၤန့ၣ်,

လံာ်တၢ်ဟးထီၣ်ကွံာ် 4:18

တုၤနုၤတစု, စီၤမိၤၡ့က့ၤကဒါက့ၤဆူအမံၤပှၢ်စီၤယံးသရိၤ အအိၣ်ဒီးစံးဘၣ်အီၤ, “ဝံသးစူၤပျဲယက့ၤကဒါက့ၤဆူယ ဘူးယတံၢ်တဖၣ်အအိၣ်လၢကီၢ်အဲၤကူပတူးအပူၤဒီးကွၢ်, မ့ၢ်အဝဲသ့ၣ်အိၣ်မူဒံးတဂၤဂၤဧါ.” ဒီးစီၤယံးသရိၤစံးဘၣ်အီၤ, “က့ၤမုာ်မုာ်တက့ၢ်,” န့ၣ်လီၤ.

လံာ်မးသဲ 12:20

တပိၢ်တဘိလၢအသဘှံးန့ၣ်တမၤတဲာ်ကွံာ်ဘၣ်ဝဲဘၣ်. ဒီးမ့ၣ်အူဒၢလၢအကပီၤပံာ်လ့ပံာ်လ့န့ၣ် တမၤလီၤပံာ်ကွံာ်ဝဲဘၣ်, ဒီးကကျဲးစၢးဝဲတုၤလီၤလၢတၢ်တီတၢ်လိၤ မၤနၢၤတၢ်တစုလီၤ.

လံာ်မးသဲ 8:13

ယ့ၣ်ၡူးစံးဘၣ်ပှၤသုးဖိတကယၤအခိၣ်, “က့ၤဆူနဟံၣ်တက့ၢ်. ဒီးဒ်နနာ်တၢ်အသိးန့ၣ်ကဘၣ်တၢ်မၤလၢပှဲၤလၢနဂီၢ်လီၤ.” ဒီးသုးခိၣ်အဝဲန့ၣ်အခ့အပှၤန့ၣ်ဘျါက့ၤဝဲတကတီၢ်ဃီဖဲန့ၣ် လီၤ.

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

လံာ်လူၤကၣ် 17:19

ဒီးယ့ၣ်ၡူးစံးဘၣ်အီၤ, “ဂဲၤဆၢထၢၣ်ဒီးဟးထီၣ်တက့ၢ်. နတၢ်စူၢ်တၢ်နာ်ဒုးအိၣ်ဆူၣ်အိၣ်ချ့ထီၣ်က့ၤနၤလံ.”

လံာ်လူၤကၣ် 18:42

တုၤနုၤတစုယ့ၣ်ၡူးစံးဘၣ်အီၤ, “ထံၣ်ထီၣ်က့ၤတၢ်တက့ၢ်. နတၢ်နာ်မၤဘျါက့ၤလံနၤလံ.”

လံာ်လူၤကၣ် 7:50

ဘၣ်ဆၣ်ဒီးယ့ၣ်ၡူးစံးဘၣ်ပိာ်မုၣ်တဂၤန့ၣ်, “နတၢ်စူၢ်တၢ်နာ်အုၣ်က့ၤခီၣ်က့ၤနၤလံ. က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

လံာ်လူၤကၣ် 8:47

ပိာ်မုၣ်တဂၤန့ၣ်ထံၣ်လၢအဝဲဘၣ်တၢ်သ့ၣ်ညါန့ၢ်အီၤ, သတးဒီးဟဲဝဲလၢတၢ်ကနိးကစုာ်အပူၤဒီးထိၣ်လီၤပှီၤ အသးလၢယ့ၣ်ၡူးအခီၣ်ထံးလီၤ. ဖဲန့ၣ်, လၢပှၤကိးဂၤဒဲးအမဲာ်ညါ, အဝဲဒၣ်တဲဘၣ်ယ့ၣ်ၡူးလၢအဝဲဒၣ်ထိးဘၣ်တ့ၢ်အီၤလၢမနုၤအဃိ, ဒီးအဝဲဒၣ်ဘၣ်တၢ်မၤဘျါအီၤတဘျီဃီလၢကျဲဒ်လဲၣ်အဂ့ၢ်န့ၣ်လီၤ.

မၤတၢ် 14:9

အဝဲဆ့ၣ်နီၤဖဲန့ၣ်ဒီးဒိကနၣ်စီၤပီလူးအတၢ်စံးတၢ်ကတိၤ တဖၣ်လီၤ. စီၤပီလူးကွၢ်ထံကွၢ်ဆးအီၤ, ဒီးထံၣ်လၢအဝဲဒၣ်အိၣ်ဒီးတၢ်စူၢ်တၢ်နာ်လၢတၢ်ကမၤဘျါ က့ၤအီၤအဂီၢ်အဃိ,

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

ဧ့ၤဘြံၤ 4:2

အဂ့ၢ်ဒ်အံၤပဒိးန့ၢ်လံတၢ်သးခုကစီၣ်ဒ်အဝဲသ့ၣ်အသိးလီၤ. ဘၣ်ဆၣ်ဒီးတၢ်အကစီၣ်လၢအဝဲသ့ၣ်နၢ်ဟူဝဲန့ၣ်တကဲဘျုးလၢ အဝဲသ့ၣ်အဂီၢ်ဘၣ်. အဂ့ၢ်မ့ၢ်လၢအဝဲသ့ၣ်တတူၢ်လိာ်ဘၣ်ဝဲလၢတၢ်နာ်အပူၤ အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:17

စီၤဧ့လံၤစံးဝဲ, “လဲၤမုာ်မုာ်တက့ၢ်. ဒီးမ်အံၣ်စရ့လး အကစၢ်ယွၤဟ့ၣ်နၤတၢ်လၢနဃ့တ့ၢ်အီၤန့ၣ်တက့ၢ်.”