လံာ်လူၤကၣ် 8:47 - Sgaw Karen Common Bible

⁴⁷ ပိာ်မုၣ်တဂၤန့ၣ်ထံၣ်လၢအဝဲဘၣ်တၢ်သ့ၣ်ညါန့ၢ်အီၤ, သတးဒီးဟဲဝဲလၢတၢ်ကနိးကစုာ်အပူၤဒီးထိၣ်လီၤပှီၤ အသးလၢယ့ၣ်ၡူးအခီၣ်ထံးလီၤ. ဖဲန့ၣ်, လၢပှၤကိးဂၤဒဲးအမဲာ်ညါ, အဝဲဒၣ်တဲဘၣ်ယ့ၣ်ၡူးလၢအဝဲဒၣ်ထိးဘၣ်တ့ၢ်အီၤလၢမနုၤအဃိ, ဒီးအဝဲဒၣ်ဘၣ်တၢ်မၤဘျါအီၤတဘျီဃီလၢကျဲဒ်လဲၣ်အဂ့ၢ်န့ၣ်လီၤ.

လံာ်လူၤကၣ် 8:47 Iomraidhean Croise

စံးထီၣ်ပတြၢၤ 2:11

မၤယွၤအတၢ်ဒီးတၢ်ပျံၤယွၤ, အိၣ်ဒီးတၢ်ကနိးကစုာ်

စံးထီၣ်ပတြၢၤ 38:9

ယွၤဧၢ, နသ့ၣ်ညါယတၢ်ဆၢန့ၢ်ဘၣ်ခဲလၢာ်, ဒီးနနၢ်ဟူယတၢ်ကအုကစွါခဲလၢာ်န့ၣ်လီၤ.

စံးထီၣ်ပတြၢၤ 66:16

ပှၤလၢအပျံၤကစၢ်ယွၤခဲလၢာ်သ့ၣ်ဧၢ, ဟဲကနၣ်တက့ၢ်. ဒီးယကတဲတၢ်လၢအမၤတ့ၢ်ဝဲလၢယဂီၢ်န့ၣ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ဟိၤၡ့ 13:1

လၢအပူၤကွံာ်, ဖဲအ့ဖရဲၣ်အဒူၣ်ကတိၤတၢ်န့ၣ်, အံၣ်စရ့လးအဒူၣ်အဂၤတဖၣ်ပျံၤတၢ်ဖုးတၢ်လီၤ. အဝဲသ့ၣ်ကွၢ်ထီၣ်တၢ်ဆူအ့ဖရဲၣ်အအိၣ်လီၤ. ဘၣ်ဆၣ်ပှၤဂီၢ်မုၢ်မၤတ့ၢ်တၢ်ဒဲးဘးခီဖျိဘါထီၣ်ဘဧၤလး, ဒီးလၢတၢ်အံၤအဃိအဝဲသ့ၣ်ကသံဝဲဒၣ်လီၤ.

လံာ်ဟိၤၡ့ 5:3

ကီၢ်အံၣ်စရ့လးမ့ၢ်တၢ်ဒ်လဲၣ်န့ၣ်ယသ့ၣ်ညါယဲလီၤ. အဝဲအိၣ်သဒၢလၢယၤတသ့ဘၣ်. အဝဲအသးတတီတ့ၢ်ဒီးယၤဘၣ်ဒီးအပှၤ ဂီၢ်မုၢ်တဖၣ်တကြၢးလၢကဘူၣ်ထီၣ်ဘါထီၣ်ယၤဘၣ်.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

လံာ်မးသဲ 28:8

လၢတၢ်န့ၣ်အဃိ, အဝဲသ့ၣ်ဃ့ၢ်ထီၣ်ကွံာ်ဝဲလၢတၢ်သွၣ်ခိၣ် အပူၤန့ၣ်ချ့သဒံးလၢတၢ်ပျံၤဒီးတၢ်သးခုဖးဒိၣ်အပူၤ, ဒီးဃ့ၢ်ဝဲဒ်သိးအကတဲဘၣ်ယ့ၣ်ၡူးအပျဲၢ်အဘီၣ်တဖၣ် လၢတၢ်ဂ့ၢ်န့ၣ်လီၤ.

လံာ်မၢ်ကူး 5:33

အန့ၣ်တစုပိာ်မုၣ်တဂၤန့ၣ်မ့ၢ်လၢအသ့ၣ်ညါ လီၤအသးလၢအတၢ်ဆါဘျါက့ၤလံသတးဒီး, ဟဲထီၣ်ဆူတၢ်မဲာ်ညါလၢတၢ်ပျံၤတၢ်ဖုးဒီးတၢ်ကနိးကစုာ် အပူၤ, ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဘၣ်တဲဘၣ်အီၤတၢ် မၤအသးနီၢ်နီၢ်တဖၣ်ခဲလၢာ်လီၤ.

လံာ်လူၤကၣ် 8:46

ဘၣ်ဆၣ်ဒီးယ့ၣ်ၡူးစံးဝဲ, “ပှၤထိးယၤတဂၤလီၤ. အဂ့ၢ်ဒ်အံၤယသ့ၣ်ညါယဲဖဲတၢ်စိကမီၤဟးထီၣ်ဝဲလၢယလိၤန့ၣ် လီၤ.”

လံာ်လူၤကၣ် 8:48

ယ့ၣ်ၡူးစံးဘၣ်ပိာ်မုၣ်န့ၣ်, “ယဖိမုၣ်ဧၢ, နတၢ်စူၢ်တၢ်နာ်မၤဘျါက့ၤနၤလံ, က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

မၤတၢ် 16:29

ပှၤဃိာ်ဒိၣ်ကိးထီၣ်ဒ်သိးပှၤကဟဲစိာ်တၢ်ကပီၤဝံၤ, ဃ့ၢ်နုာ်ဆူဒၢးပူၤ, ထိၣ်လီၤပှီၤအသးဒီးကနိးကစုာ်ဝဲလၢ စီၤပီလူးဒီးစီၤစံလၤအခီၣ်ထံးလီၤ.

1 ကရံၣ်သူး 2:3

လၢတၢ်န့ၣ်အဃိဖဲယဟဲဆူသုအိၣ်န့ၣ်, ယဂံၢ်စၢ်ဘါစၢ်, ဒီးကနိးကစုာ်ယဲဒီဂၤညါလၢတၢ်ပျံၤတၢ်ဖုးအဃိ

၂ ကရံၣ်သူး 7:15

ဒီးလၢတၢ်န့ၣ်အဃိအဝဲအတၢ်အဲၣ်ဘၣ်သုဒိၣ်ထီၣ် ဆူၣ်ထီၣ်ဝဲ, ဖဲအဝဲဒၣ်သ့ၣ်နီၣ်ထီၣ်လၢသုဝဲကိးဂၤဒဲးသုအိၣ် ကတဲာ်ကတီၤသုသးလၢသုကစူၢ်ဒီးမၤထွဲအဝဲအတၢ်နဲၣ် သုကျဲတဖၣ်ဒ်လဲၣ်အဂ့ၢ်, လၢသုတူၢ်လိာ်ခီၣ်ဆၢအီၤလၢတၢ်ပျံၤ တၢ်ဖုးဒီးတၢ်ကနိးကစုာ်အပူၤဒ်လဲၣ်အဂ့ၢ်န့ၣ်လီၤ.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”