လံာ်လူၤကၣ် 8:44 - Sgaw Karen Common Bible

⁴⁴ အဝဲဒၣ်ဟဲထီၣ်လၢကမျၢၢ်အကျါလၢယ့ၣ်ၡူးအလီၢ်ခံဒီးထိးယ့ၣ်ၡူး အဆ့ကၤအနွံဒီးအတၢ်သွံၣ်လီၤန့ၣ်ဆိကတီၢ်ကွံာ်ဝဲတဘျီဃီလီၤ.

လံာ်လူၤကၣ် 8:44 Iomraidhean Croise

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 20:34

ယ့ၣ်ၡူးသးကညီၤအဝဲသ့ၣ်, ဒီးထိးဘၣ်အဝဲသ့ၣ်အမဲာ်ချံတဖၣ်လၢ အစု, ဒီးတကီၢ်ခါအဝဲသ့ၣ်ထံၣ်ထီၣ်က့ၤတၢ်, ဒီးပိာ်ထီၣ်အခံလီၤ.

လံာ်မးသဲ 8:3

ယ့ၣ်ၡူးယူာ်ဃီၤအစု, ထိးဘၣ်အီၤဒီးစံး, “ယသးအိၣ်လီၤ. ကဆှီထီၣ်က့ၤနဲတက့ၢ်.” တဘျီဃီအတၢ်ဆါအၢန့ၣ်ဘျါက့ၤဝဲလီၤ.

လံာ်မးသဲ 9:20

ပိာ်မုၣ်လၢအတူၢ်ဘၣ်တ့ၢ်လံတၢ်သွံၣ်လီၤအတၢ်ဆါတဆံခံနံၣ်တဂၤ ဟဲဝဲလၢယ့ၣ်ၡူးအလီၢ်ခံဒီးထိးဘၣ်ယ့ၣ်ၡူးအဆ့ကၤဖးဒိၣ်အနွံန့ၣ်လီၤ.

လံာ်မၢ်ကူး 6:56

ဒီးဖဲယ့ၣ်ၡူးလဲၤတုၤဝဲတပူၤလၢ်လၢ်လၢသဝီပူၤမ့ၢ်ဂ့ၤ, ဝ့ၢ်ပူၤမ့ၢ်ဂ့ၤ, ခိဖဲဟံၣ်အိၣ်စှၤဖျၢၣ်မ့ၢ်ဂ့ၤ, ပှၤသ့ၣ်တဖၣ်န့ၣ်ဟဲစိာ်ဒီးပာ်လီၤပှၤဆါတဖၣ်လၢဖၠါပူၤဒီး ဃ့သကွံၢ်ကညးအီၤလၢအကပျဲအဝဲသ့ၣ်ထိးဘၣ်ထဲ အဆ့ကၤအနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်လူၤကၣ် 13:13

အဝဲဒၣ်ပာ်ထီၣ်အစုလၢအလိၤဒီးတဘျီဃီ, အဝဲဒၣ်အပျိၢ်ဘျၢထီၣ်က့ၤဒီးစံးထီၣ်ပတြၢၤကစၢ်ယွၤလီၤ.

လံာ်လူၤကၣ် 7:38

ဒီးဆၢထၢၣ်လၢယ့ၣ်ၡူးအလီၢ်ခံဖဲအခီၣ်ထံး, ဟီၣ်ဝဲ, ဒီးမၤဘၣ်စီၣ်ယ့ၣ်ၡူးအခီၣ်လၢအဝဲဒၣ်အမဲာ်ထံလီၤ. အန့ၣ်ဝံၤဒီးထွါကွံာ်ယ့ၣ်ၡူးအခီၣ်လၢအဝဲဒၣ်အခိၣ်သူ, နၢမူဝဲ, ဒီးလူလီၤထံနၢမူန့ၣ်လၢအလိၤလီၤ.

လံာ်လူၤကၣ် 8:43

ပိာ်မုၣ်အိၣ်ဝဲဒၣ်တဂၤလၢအတူၢ်ဘၣ်တ့ၢ်ဝဲတၢ်ဆါသွံၣ်လီၤနးမးလၢ တဆံခံနံၣ်အတီၢ်ပူၤဒီးအဝဲဒၣ်လၢာ်ဘူၣ်လၢာ်စ့ၤလၢကသံၣ် သရၣ်တဖၣ်ကမၤဘျါအီၤအဂီၢ်တုၤဒၣ်လဲာ်တၢ်လၢ အအိၣ်ဒီးအီၤလၢာ်ကွံာ်ဝဲခဲလၢာ်ဘၣ်ဆၣ်ဒီးပှၤမၤဘျါအီၤ တန့ၢ်နီတဂၤဘၣ်.

လံာ်လူၤကၣ် 8:45

ယ့ၣ်ၡူးသံကွၢ်ဝဲ, “မတၤထိးယၤလဲၣ်.” ပှၤကိးဂၤဒဲးသမၢဝဲ, ဒီးစီၤပ့းတရူးစံးဝဲ, “ကစၢ်ဧၢ, ပှၤဂီၢ်မုၢ်အိၣ်ဝးတရံးနၤဒီးသနံးနၤလီၤ.”

လံာ်ယိၤဟၣ် 5:13

ဘၣ်ဆၣ်ပှၤလၢအဘျါက့ၤတဂၤအံၤယ့ၣ်ၡူးမ့ၢ်မတၤလဲၣ်န့ၣ် တသ့ၣ်ညါဝဲဘၣ်. အဂ့ၢ်မ့ၢ်လၢပှၤအိၣ်ဖဲန့ၣ်ဂီၢ်မုၢ်ဂီၢ်ပၤဒီး ယ့ၣ်ၡူးဟးထီၣ်ကွံာ်ဝဲကစုဒုအဃိန့ၣ်လီၤ.

မၤတၢ် 19:12

တၢ်စှၢၤဖိဒီးတၢ်ယီၢ်တကိးလၢအဝဲဒၣ်သူတ့ၢ်ဝဲတဖၣ်ဒၣ်လဲာ်, ဘၣ်တၢ်လဲၤစိာ်အီၤဆူပှၤဆါအအိၣ်, ဒီးဖဲန့ၣ်တၢ်ဆူးတၢ်ဆါတဖၣ်ဘျါက့ၤဝဲဒီးတၢ်ဝံတၢ်နါတဖၣ် ဟးထီၣ်ကွံာ်လၢအဝဲသ့ၣ်အပူၤလီၤ.

မၤတၢ် 5:15

မ့ၢ်လၢပှၤတၢ်မၢဖိတဖၣ်မၤတ့ၢ်တၢ်အံၤတဖၣ်အဃိ, ပှၤဟဲစိာ်ထီၣ်ပှၤဆူးပှၤဆါတဖၣ်ဆူကျဲမုၢ်ခိၣ်ဒီးပာ်လီၤ အဝဲသ့ၣ်လၢလီၢ်မံခးဒီးချီၣ်တဖၣ်အဖီခိၣ်, ဒ်သိးဒီးဖဲစီၤပ့းတရူးလဲၤတုၤဘၣ်ဖဲအကပၤထံးအခါ, အစှၤကတၢၢ်အကဒုကလီၤဘၣ်လၢအဝဲသ့ၣ်တနီၤအလိၤန့ၣ်လီၤ.

လံာ်သိၣ်လီၤသီလီၤတၢ် 22:12

ဆးန့ၢ်တၢ်အနွံတဖၣ်လၢသုကူသုသိးတဖၣ်အနၢၣ်လွံၢ်နၢၣ်အလိၤတက့ၢ်.