လံာ်လူၤကၣ် 8:41 - Sgaw Karen Common Bible

⁴¹ ဖဲန့ၣ်, ပှၤတဂၤလၢအမံၤမ့ၢ်ဝဲစီၤယၤအ့ၤရူး, ပှၤခိၣ်ပှၤနၢ်တဂၤ, ဖဲဝ့ၢ်အဘူၣ်ဘျီၣ်လၢအမ့ၢ်တၢ်ဘါလီၢ် ဟဲတုၤဝဲဒၣ်လီၤ. အဝဲဒၣ်ချံးခီၣ်တီၤလီၤဖဲယ့ၣ်ၡူးအခီၣ်ထံးဒီးဃ့ ကညးအီၤဒ်သိးအကလဲၤဆူအဟံၣ်,

လံာ်လူၤကၣ် 8:41 Iomraidhean Croise

လံာ်လူၤကၣ် 13:14

ဘူၣ်ဘျီၣ်အခိၣ်အသးထီၣ်လၢယ့ၣ်ၡူးမၤဘျါတ့ၢ်တၢ်လၢမုၢ် အိၣ်ဘှံးနံၤအဃိလီၤ. လၢတၢ်န့ၣ်အဃိအဝဲဒၣ်ကတိၤထီၣ်တၢ်ဒီးစံးဘၣ်ပှၤဂီၢ်မုၢ် တဖၣ်, “မုၢ်နံၤမုၢ်သီအိၣ်ဝဲဒၣ်ဃုနံၤဃုသီလၢပကြၢးဖံးတၢ်မၤတၢ်လီၤ. လၢတၢ်န့ၣ်အဃိ, ဟဲသုဝဲဖဲမုၢ်နံၤမုၢ်သီတဖၣ်န့ၣ်လၢ သုကဘၣ်တၢ်မၤဘျါသုအဂီၢ်န့ၣ်တက့ၢ်. မ့မ့ၢ်လၢမုၢ်အိၣ်ဘှံးနံၤတနံၤန့ၣ်တဘၣ်မၤတဂ့ၤ.”

လံာ်လူၤကၣ် 17:16

အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 8:42

အဂ့ၢ်မ့ၢ်လၢအဝဲဒၣ်အဖိမုၣ်လၢအအိၣ်ထဲတဂၤဧိၤ, ဒီးအသးအိၣ်ဝဲတဆံခံနံၣ်န့ၣ်ဘူးတ့ၢ်လၢကသံအဃိန့ၣ်လီၤ. ဖဲယ့ၣ်ၡူးလဲၤတၢ်လၢကျဲန့ၣ်, ပှၤဂီၢ်မုၢ်တဖၣ်သနံးအီၤကိးကပၤဒဲးလီၤ.

လံာ်လူၤကၣ် 8:49

ဖဲယ့ၣ်ၡူးကတိၤတၢ်ကတိၤတထံၣ်အံၤအဖၢမုၢ်န့ၣ်, ပှၤဆှၢတၢ်ကစီၣ်တဂၤဟဲလၢပှၤအခိၣ်, စီၤယၤအ့ၤရူးတဂၤအံၤအဟံၣ်, ဒီးစံးဘၣ်အီၤ, “နဖိမုၣ်သံလံ. တဘၣ်မၤတံာ်တာ်လၢၤသရၣ်တဂ့ၤ.”

လံာ်ယိၤဟၣ် 11:21

နီၢ်မၢ်သၤစံးဘၣ်ယ့ၣ်ၡူး “ကစၢ်ဧၢ, နမ့ၢ်အိၣ်ဘၣ်ဖဲအံၤဒီး တမ့ၢ်လၢယဒီပုၢ်ဝဲၢ်ခွါတဂၤအံၤကသံဒံးဘၣ်.

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 18:17

ဒီးအဝဲသ့ၣ်ကိးဂၤဒဲးစှီၤဃာ်ဘူၣ်ဘျီၣ်အခိၣ်စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အမဲာ်ညါလီၤ. ဘၣ်ဆၣ်ဒီးစီၤကးလံၤအိၣ်တကနၣ်ဃုာ်ဝဲနီတစဲးဘၣ်.

မၤတၢ် 18:8

စီၤကြံစပူးလၢအမ့ၢ်ဘူၣ်ဘျီၣ်အခိၣ်တဂၤန့ၣ်, စူၢ်က့ၤနာ်က့ၤကစၢ်ဃုာ်ဒီးအပှၤဟံၣ်ဖိဃီဖိခဲလၢာ်လီၤ. ပှၤအါဒံအါဂၤဖဲဝ့ၢ်ကရံၣ်သူးလၢအနၢ်ဟူဘၣ်တၢ်သးခု အကစီၣ်တဖၣ်န့ၣ်, စူၢ်က့ၤနာ်က့ၤတၢ်ဒီးဘၣ်တၢ်ဘျၢအီၤလၢ ထံလီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.