လံာ်လူၤကၣ် 8:38 - Sgaw Karen Common Bible

³⁸ ပှၤလၢတၢ်နါဟးထီၣ်ကွံာ်တ့ၢ်ဝဲလၢအလိၤတဂၤန့ၣ်ဃ့ ကညးယ့ၣ်ၡူးဒီးစံး, “ပျဲယလဲၤဒီးနၤတက့ၢ်.” ဘၣ်ဆၣ်ဒီးယ့ၣ်ၡူးပျၢ်ကွံာ်အီၤဒီးစံးဝဲ,

လံာ်လူၤကၣ် 8:38 Iomraidhean Croise

စံးထီၣ်ပတြၢၤ 116:12

ယကဟ့ၣ်ကၣ်ယွၤလၢအမၤဂ့ၤယၤတဂၤလၢ တၢ်ခဲလၢာ်အဃိန့ၣ်လၢမနုၤတမံၤလဲၣ်.

စံးထီၣ်ပတြၢၤ 116:16

ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 32:7

နမ့ၢ်ယတၢ်အိၣ်ခူသူၣ်အလီၢ်, နကမၤပူၤဖျဲးယၤလၢတၢ်ဘၣ်ယိၣ်ဘၣ်ဘီလီၤ. ယသးဝံၣ်ထီၣ်ဒိၣ်ဒိၣ်လၢနတၢ်မၤပူၤဖျဲးယၤ, မ့ၢ်လၢနအိၣ်ပှိၤယၤအဃိန့ၣ်လီၤ. စ့လၤ

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်လူၤကၣ် 8:28

ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်လူၤကၣ် 8:39

“က့ၤက့ၤဆူနဟံၣ်ဒီးဘိးဘၣ်သ့ၣ်ညါပှၤဂၤတဖၣ်လၢ ကစၢ်ယွၤမၤတ့ၢ်တၢ်လၢနဂီၢ်ဒ်လဲၣ်န့ၣ်တက့ၢ်.” ပှၤတဂၤန့ၣ်လဲၤလၢဝ့ၢ်ဒီဝ့ၢ်ညါဒီးစံးဘၣ်တဲဘၣ်ပှၤလၢ ယ့ၣ်ၡူးမၤတ့ၢ်တၢ်လၢအဂီၢ်ဒ်လဲၣ်အဂ့ၢ်န့ၣ်လီၤ.

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.