လံာ်လူၤကၣ် 8:28 - Sgaw Karen Common Bible

²⁸ ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

လံာ်လူၤကၣ် 8:28 Iomraidhean Croise

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်လူၤကၣ် 8:27

ဖဲယ့ၣ်ၡူးစံၣ်လီၤလၢထံကၢၢ်ခိၣ်န့ၣ်, အဝဲဒၣ်ဘၣ်တၢ်သဂၢၢ်အီၤလၢပှၤဝ့ၢ်ဖိဖဲန့ၣ်တဂၤ လၢတၢ်နါတဖၣ်အိၣ်လၢအလိၤန့ၣ်လီၤ. အဝဲဒၣ်တကူတသိးတၢ်လၢအလိၤန့ၣ်ယံာ်တ့ၢ်လံ, ဒီးတအိၣ်လၢဟံၣ်ဘၣ်. မ့မ့ၢ်အိၣ်ဒၣ်ဝဲဖဲတၢ်သွၣ်ခိၣ်အတၢ်ကအိပူၤတဖၣ်န့ၣ်လီၤ.

လံာ်လူၤကၣ် 8:29

အဝဲဒၣ်စံးတၢ်အံၤန့ၣ်, မ့ၢ်လၢယ့ၣ်ၡူးဟီထီၣ်ကွံာ်တ့ၢ်လံတၢ်နါဒ်သိး အကဟးထီၣ်ကွံာ်လၢအလိၤအဃိန့ၣ်လီၤ. တၢ်နါအံၤဖီၣ်ဃာ်တ့ၢ်အီၤအါစုအါဘျီ, ဒီးအဝဲဒၣ်အစုအခီၣ်ဘၣ်တၢ်စၢဃာ်အီၤလၢထးသွဲသနာ်က့ ဖ့ၣ်တဲာ်ကွံာ်ဝဲဒီးဘၣ်တၢ်နီၣ်ဟးထီၣ်ကွံာ်အီၤလၢ တၢ်နါအဝဲန့ၣ်ဆူပှၢ်မုၢ်ကနၢအပူၤလီၤ.

ယၤကိာ် 2:19

မ့ၢ်နနာ်လၢကစၢ်ယွၤအိၣ်ထဲတဂၤဧိၤန့ၣ်ဧါ. ဂ့ၤလီၤ. တၢ်နါတဖၣ်စ့ၢ်ကီးနာ်ဝဲဒ်န့ၣ်, ဒီးကနိးကစုာ်လၢတၢ်ပျံၤတၢ်ဖုး အပူၤလီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.