လံာ်လူၤကၣ် 8:27 - Sgaw Karen Common Bible

²⁷ ဖဲယ့ၣ်ၡူးစံၣ်လီၤလၢထံကၢၢ်ခိၣ်န့ၣ်, အဝဲဒၣ်ဘၣ်တၢ်သဂၢၢ်အီၤလၢပှၤဝ့ၢ်ဖိဖဲန့ၣ်တဂၤ လၢတၢ်နါတဖၣ်အိၣ်လၢအလိၤန့ၣ်လီၤ. အဝဲဒၣ်တကူတသိးတၢ်လၢအလိၤန့ၣ်ယံာ်တ့ၢ်လံ, ဒီးတအိၣ်လၢဟံၣ်ဘၣ်. မ့မ့ၢ်အိၣ်ဒၣ်ဝဲဖဲတၢ်သွၣ်ခိၣ်အတၢ်ကအိပူၤတဖၣ်န့ၣ်လီၤ.

လံာ်လူၤကၣ် 8:27 Iomraidhean Croise

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်တၢ်ဂံၢ် 19:16

ပှၤတဂၤဂၤမ့ၢ်ထိးဘၣ်ပှၤတဂၤလၢတၢ်မၤသံအီၤမ့ၢ်ဂ့ၤသံဒၣ်ဝဲဒ်န့ ဆၢၣ်အသိးလၢဒဲအချၢမ့ၢ်ဂ့ၤ, ပှၤတဂၤဂၤမ့ၢ်ထိးဘၣ်ပှၤကညီတဂၤအဃံမ့ တမ့ၢ်တၢ်သွၣ်ခိၣ်တခါန့ၣ်အဝဲကဲထီၣ်တၢ်တကဆှီဘၣ်နွံသီန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 5:15

တုၤအဝဲသ့ၣ်ဟဲတုၤဖဲယ့ၣ်ၡူးအိၣ်တၢ်အလီၢ်န့ၣ်, အဝဲသ့ၣ်ထံၣ်ဘၣ်ပှၤလၢတၢ်နါလ့းကူၣ်ဒိးတ့ၢ်အီၤ တဂၤဆ့ၣ်နီၤဖဲန့ၣ်အိၣ်ဒီးတၢ်ကူတၢ်သိးဒီးအသးဘၣ်လီၢ် ဘၣ်စးဂ့ၤဂ့ၤဘၣ်ဘၣ်သတးဒီး, အဝဲသ့ၣ်ပျံၤတၢ်ဖုးတၢ်လီၤ.

လံာ်လူၤကၣ် 8:26

အဝဲသ့ၣ်လဲၤ, ဒီးခီဂာ်ဆူကီၢ်ကဒါရၤလၢအအိၣ်ဖဲကီၢ်ကၤလံၤလါ အဝၢ်ဘးခီလီၤ.

လံာ်လူၤကၣ် 8:28

ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

လံာ်စီၤၡမူၤအ့လးအခီၣ်ထံးတဘ့ၣ် 19:24

အဝဲဘ့ၣ်လီၤကွံာ်အတၢ်ကူတၢ်သိးတဖၣ်ဒီးဂဲၤကလံာ်ဒီးကိးပသူထီၣ်ဝဲလၢ စီၤၡမူၤအ့လးအမဲာ်ညါဒီးမံလီၤဘ့ၣ်ဆ့ဒီနံၤဒီနၤညါ န့ၣ်လီၤ. (တၢ်အံၤမ့ၢ်တၢ်ကတိၤတထံၣ်လၢအစံးဝဲ, “မ့ၢ်စီၤစီလူးဒၣ်လဲာ်ကဲထီၣ်ဝံတဂၤလံဧါ.” န့ၣ်ကဲထီၣ်အခီၣ်ထံးခီၣ်ဘိဒ်လဲၣ်အဂ့ၢ်န့ၣ်လီၤ.)