လံာ်လူၤကၣ် 8:22 - Sgaw Karen Common Bible

²² ဘၣ်တနံၤန့ၣ်ယ့ၣ်ၡူးလဲၤနုာ်ဒီးအပျဲၢ်အဘီၣ်တဖၣ်ဆူချံ တဘ့ၣ်အပူၤဒီးစံးဘၣ်အဝဲသ့ၣ်, “မ်ပကလဲၤခီဂာ်သကိးဆူနိၣ်အဝၢ်ဘးခီတက့ၢ်.” ဒီးအဝဲသ့ၣ်လဲၤဝဲလီၤ.

လံာ်လူၤကၣ် 8:22 Iomraidhean Croise

လံာ်မးသဲ 14:22

အန့ၣ်ဝံၤဒီး, ယ့ၣ်ၡူးမၢအပျဲၢ်အဘီၣ်တဖၣ်ဒိးထီၣ်ချံ, ဒီးလဲၤဆိလၢအမဲာ်ညါဆူဝၢ်ဘးခီ, ဖဲအဝဲပျၢ်ကွံာ်ပှၤဂီၢ်မုၢ်တဖၣ်အခါန့ၣ်လီၤ.

လံာ်မးသဲ 8:18

တုၤယ့ၣ်ၡူးထံၣ်ဘၣ်ပှၤဂီၢ်မုၢ်ဖးဒိၣ်အိၣ်ဝးတရံးအီၤဒီး, အဝဲမၢအပျဲၢ်တဖၣ်လဲၤခီဃီၤဆူပီၣ်လဲၣ်အဝၢ်ဘးခီန့ၣ်လီၤ.

လံာ်မၢ်ကူး 5:21

ယ့ၣ်ၡူးဒိးထီၣ်ချံဒီးခီဃီၤကဒါက့ၤဆူပီၣ်လဲၣ်ဝၢ်ဘးခီ လီၤ. တုၤအတုၤလၢဘးခီဒီးအိၣ်ဒံးလၢပီၣ်လဲၣ်နံၤအဖၢမုၢ်န့ၣ် ပှၤဂီၢ်မုၢ်ဖးဒိၣ်ဟဲအိၣ်ဝးတရံးအီၤလီၤ.

လံာ်မၢ်ကူး 6:45

တၢ်န့ၣ်ဝံၤတဘျီဃီ, ယ့ၣ်ၡူးမၤလိာ်ဆူၣ်အပျဲၢ်အဘီၣ်တဖၣ်လၢအကလဲၤနုာ်လီၤဆူချံ ပူၤဒီးလဲၤပာ်လၢအဝဲအမဲာ်ညါဆူဝ့ၢ်ဘ့ၤသစဲဒၤ, အိၣ်လၢပီၣ်လဲၣ်ကၤလံၤလါဝၢ်ဘးခီ, ဖဲအဝဲဒၣ်ပျၢ်ကွံာ်ပှၤဂီၢ်မုၢ်တဖၣ်ဆူအဟံၣ်အဃီဒၣ်ဝဲအကတီၢ် န့ၣ်လီၤ.

လံာ်မၢ်ကူး 8:13

အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဝံၤ, ဒိးထီၣ်က့ၤချံန့ၣ်ဒီးခီဃီၤဝဲဆူပီၣ်လဲၣ်ဝၢ်ဘးခီလီၤ.

လံာ်လူၤကၣ် 5:1

ဘၣ်တနံၤဖဲယ့ၣ်ၡူးအိၣ်ဆၢထၢၣ်လၢနိၣ်ကံးန့ရ့ၤသးအကၢၢ်ခိၣ်န့ၣ်, ပှၤဂီၢ်မုၢ်တဖၣ်သနံးလိာ်အသးဒ်သိးအကနၢ်ဟူဘၣ်ကစၢ်ယွၤ အကလုၢ်ကထါအဂီၢ်လီၤ.

လံာ်လူၤကၣ် 8:23

ဖဲအဝဲသ့ၣ်လဲၤတၢ်လၢချံပူၤအဖၢမုၢ်န့ၣ်, ယ့ၣ်ၡူးမံဘၣ်အသးလီၤ. ကလံၤမုၢ်လီၤလၢနိၣ်ပူၤဒီးထံနုာ်လီၤပှဲၤချံအကိပူၤ, ဒီးအဝဲသ့ၣ်ကိးဂၤဒဲးအိၣ်လၢတၢ်ဘၣ်ယိၣ်ဘၣ်ဘီဖးဒိၣ်အပူၤလီၤ.

လံာ်လူၤကၣ် 8:33

လၢတၢ်န့ၣ်အဃိတၢ်နါတဖၣ်ဟးထီၣ်ကွံာ်လၢပှၤတဂၤန့ၣ် အလိၤဒီးလဲၤနုာ်လၢထိးတဖုန့ၣ်အပူၤလီၤ. ထိးဒီဖုညါဃ့ၢ်သဖှိလီၤလၢလ့ကပၤဆူနိၣ်ပူၤဒီးလီၤအုးသံကွံာ်လီၤ.

လံာ်ယိၤဟၣ် 6:1

တၢ်အံၤဝံၤဒီး, ယ့ၣ်ၡူးခီဂာ်ပီၣ်လဲၣ်ကၤလံၤလါ (လၢအဘၣ်တၢ်ကိးစ့ၢ်ကီးအီၤလၢပီၣ်လဲၣ်တံၤဘ့ၤရံ) ဆူဝၢ်ဘးခီန့ၣ်လီၤ.

မၤတၢ် 27:2

ပဒိးထီၣ်ကဘီလၢအဟဲလၢဝ့ၢ်အဒြၤမူးတ့ၣ်တဘ့ၣ်လၢအအိၣ် ကတဲာ်ကတီၤအသးဒ်သိးအကဟးထီၣ်ဒီးလဲၤဆူဝ့ၢ်အိၣ်လၢကီၢ် အၤစံအသရ့ၤတဖၣ်န့ၣ်လီၤ. ပှၤသ့းစၤလနံဖိလၢအဘၣ်ဃးဒီးကီၢ်မၤက့းဒနံစီၤအရံ စတၢ်ဃူးတဂၤလဲၤဃုာ်တၢ်ဒီးပှၤလီၤ.