လံာ်လူၤကၣ် 8:2 - Sgaw Karen Common Bible

² ဒီးပိာ်မုၣ်တနီၤလၢယ့ၣ်ၡူးမၤဘျါတ့ၢ်အီၤလၢတၢ်ဝံတၢ်နါဒီး တၢ်ဆူးတၢ်ဆါတဖၣ်, နီၢ်မၤရံ (လၢအဘၣ်တၢ်ကိးစ့ၢ်ကီးအီၤလၢပှၤမၤကဒါလၣ်ဖိ) လၢတၢ်နါနွံဒုဘၣ်တၢ်ဟီထီၣ်ကွံာ်လၢအပူၤ,

လံာ်လူၤကၣ် 8:2 Iomraidhean Croise

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 16:1

တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်မၢ်ကူး 16:9

ယ့ၣ်ၡူးဂဲၤဆၢထၢၣ်က့ၤလၢတၢ်သံလၢမုၢ်ခီၣ်ထံးနံၤလၢ ဂီၤဂီၤဝံၤအလီၢ်ခံ, အဝဲဒၣ်လီၣ်ဖျါထီၣ်အသးအဆိကတၢၢ်လၢပှၤမၤကဒါလၣ်မုၣ်နီၢ်မၤရံ, ပိာ်မုၣ်လၢအဝဲဟီထီၣ်ကွံာ်တၢ်နါနွံဒုလၢအလိၤန့ၣ်လီၤ. ပိာ်မုၣ်တဖၣ်လဲၤဆူစီၤပ့းတရူးဒီးအတံၤသကိးတဖၣ်အအိၣ် ဒီးစံးဘၣ်တဲဘၣ်အဝဲသ့ၣ်လၢတၢ်လၢအဝဲသ့ၣ်ဘၣ်တၢ်စံးဘၣ်တဲဘၣ် တ့ၢ်အီၤခဲလၢာ်လၢအဖုၣ်လီၤ.

လံာ်လူၤကၣ် 23:27

ပှၤဂီၢ်မုၢ်ဖးဒိၣ်ပိာ်ထီၣ်အခံ, ဒီးလၢအကျါန့ၣ်အိၣ်ဒီးပိာ်မုၣ်တဖၣ်လၢ အဒဲလီၤအသးနါပှၢ်ဒီးဟီၣ်ဝဲယၢၤဝဲလၢအဝဲဒၣ်အဃိန့ၣ်လီၤ.

လံာ်လူၤကၣ် 23:49

ပှၤကိးဂၤဒဲးလၢအသ့ၣ်ညါယ့ၣ်ၡူးဃုာ်ဒီးပိာ်မုၣ်တဖၣ်လၢ အဟဲပိာ်ယ့ၣ်ၡူးအခံလၢကီၢ်ကၤလံၤလါန့ၣ်, အိၣ်ဆၢထၢၣ်လၢအယံၤဒ်သိးအကထံၣ်ဘၣ်တၢ်မၤ အသးတဖၣ်အံၤန့ၣ်လီၤ.

လံာ်လူၤကၣ် 23:55

ပိာ်မုၣ်လၢအဟဲပိာ်ယ့ၣ်ၡူးအခံလၢကီၢ်ကၤလံၤလါတဖၣ်လဲၤ ဃုာ်ဒီးစီၤယိၤသးဒီးထံၣ်ဘၣ်ပှၤသွၣ်ခိၣ်အပူၤ, ဒီးယ့ၣ်ၡူးအစိၣ်ဘၣ်တၢ်ပာ်လီၤအီၤလၢအပူၤဒ်လဲၣ်န့ၣ်လီၤ.

လံာ်လူၤကၣ် 8:30

ယ့ၣ်ၡူးသံကွၢ်အီၤ, “နမံၤဒ်လဲၣ်.” အဝဲစံးဆၢဝဲ, “ယမံၤမ့ၢ်လ့းကူၣ်,” အဂ့ၢ်မ့ၢ်လၢတၢ်နါအါဒုလဲၤနုာ်တ့ၢ်လံလၢအပူၤအဃိန့ၣ်လီၤ.

လံာ်ယိၤဟၣ် 19:25

ပှၤလၢအအိၣ်ဆၢထၢၣ်ဘူးဒီးယ့ၣ်ၡူးအထူၣ်စုညါန့ၣ်, မ့ၢ်ဝဲယ့ၣ်ၡူးအမိၢ်, အမိၢ်အဒီပုၢ်ဝဲၢ်မုၣ်, စီၤကျ့းအီၤပၤအမါနီၢ်မၤရံ, ဒီးပှၤမၤကဒါလၣ်မုၣ်နီၢ်မၤရံန့ၣ်လီၤ.

မၤတၢ် 1:14

အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.