လံာ်လူၤကၣ် 8:13 - Sgaw Karen Common Bible

¹³ တၢ်ချံလၢအလီၤလၢလၢၢ်ခိၣ်ပာ်ဖျါထီၣ်ပှၤတဖၣ်လၢအနၢ်ဟူ ဘၣ်တၢ်အကလုၢ်ကထါဒီးတူၢ်လိာ်ဝဲလၢတၢ်သးခုအပူၤလီၤ. ဘၣ်ဆၣ်မၤအသးဒ်တၢ်ချံလၢအဂံၢ်တအိၣ်သူၣ်လီၤအသး ယိာ်ယိာ်ဘၣ်န့ၣ်လီၤ. အဝဲသ့ၣ်စူၢ်တၢ်နာ်တၢ်ထဲတစိၢ်ဖိဧိၤ, ဒီးဖဲတၢ်မၤကွၢ်အဆၢကတီၢ်ဟဲန့ၣ်, အဝဲသ့ၣ်လီၤဃံၤကွံာ်ဝဲလီၤ.

လံာ်လူၤကၣ် 8:13 Iomraidhean Croise

လံာ်စီၤယိၤဘး 19:28

ပမၤနးမၤဖှီၣ်အီၤကသ့ဒ်လဲၣ်. အတၢ်ကီတၢ်ခဲအခီၣ်ထံးခီၣ်ဘိန့ၣ်မ့ၢ်ဒၣ်အကစၢ်ဒၣ်ဝဲအဃိန့ၣ် လီၤ.

တၢ်ကတိၤဒိ. 12:12

ကယဲၢ်တၢ်လၢပှၤတတီတလိၤတဖၣ်သးအိၣ်ဝဲန့ၣ်မ့ၢ်တၢ်ဃုမၤတၢ် အၢတၢ်သီတဖၣ်လီၤ. မ့မ့ၢ်, ပှၤတီပှၤလိၤဆၢထၢၣ်ဂၢၢ်ကျၢၤဝဲလီၤ.

တၢ်ကတိၤဒိ. 12:3

တၢ်တတီတလိၤတဟ့ၣ်တၢ်အိၣ်ဂၢၢ်ဆိးကျၢၤဘၣ်. မ့မ့ၢ်ပှၤတီပှၤလိၤတဖၣ်ဆၢထၢၣ်ဂၢၢ်ကျၢၤဝဲလီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယဃ့းစက့လး 33:32

လၢအဝဲသ့ၣ်တဖၣ်အဂီၢ်န့ၣ်, နတမ့ၢ်တၢ်အါန့ၢ်ဒံးပှၤတဂၤလၢ အဒုးအိၣ်ထီၣ်တၢ်သူၣ်မုာ်သးခုလၢတၢ်သးဝံၣ်တၢ်အဲၣ်တၢ်သးဝံၣ် တဖၣ်မ့ၢ်ဂ့ၤဒ့သီတူၢ်တခါမ့ၢ်ဂ့ၤန့ၣ်ဘၣ်. အဝဲသ့ၣ်ဒိကနၣ်နတၢ် ကတိၤတဖၣ်ခဲလၢာ်ဒီးတစူၢ်ဘၣ်ဝဲလၢအကျါနီတထံၣ်ဘၣ်.

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

လံာ်မၢ်ကူး 6:20

စီၤပၤဟ့ၤရိာ်ပျံၤစီၤယိၤဟၣ်မ့ၢ်လၢအသ့ၣ်ညါဝဲလၢစီၤယိၤ ဟၣ်မ့ၢ်ပှၤတီပှၤလိၤဒီးပှၤစီပှၤဆှံတဂၤသတးဒီးကဟုကယာ် ဃာ်ဝဲဂ့ၤဂ့ၤလီၤ. တဘျီလၢ်လၢ်တုၤအနၢ်ဟူဘၣ်အတၢ်စံးတၢ်ကတိၤဒီး, အဝဲဒၣ်အသးဘၣ်တံာ်တာ်ဒိၣ်ဒိၣ်ကလဲာ်ဘၣ်ဆၣ်သးခုဒိကနၣ်အီၤ လီၤ.

လံာ်လူၤကၣ် 8:12

တၢ်ချံလၢအလီၤဘၣ်လၢကျဲလိၤပာ်ဖျါထီၣ်ပှၤတဖၣ်လၢအနၢ် ဟူဘၣ်တၢ်, ဘၣ်ဆၣ်မုၣ်ကီၤလံၢ်ဟဲဒီးဟံးထီၣ်ကွံာ်တၢ်အကလုၢ် ကထါလၢအဝဲသ့ၣ်တဖၣ်အသးကံၢ်ပူၤ, ဒ်သိးအကတြီအဝဲသ့ၣ်လၢအသုတစူၢ်က့ၤနာ်က့ၤတၢ်ဒီး ဒိးန့ၢ်ဘၣ်တၢ်အုၣ်က့ၤခီၣ်က့ၤတဂ့ၤအဂီၢ်န့ၣ်လီၤ.

လံာ်လူၤကၣ် 8:14

တၢ်ချံလၢအလီၤဘၣ်လၢတၤဆှုၣ်တၤမဲအလိၤပာ်ဖျါထီၣ်ပှၤတဖၣ်လၢ အနၢ်ဟူဘၣ်တၢ်အကလုၢ်ကထါဘၣ်ဆၣ်, တၢ်သူၣ်ကိၢ်သးဂီၤ, တၢ်ထူးတၢ်တီၤဒီးတၢ်အိၣ်မူအအံၤတဃၣ် အတၢ်မုာ်တၢ်ပၢၤတဖၣ်နုာ်လီၤခဲဘၢကွံာ်အဝဲသ့ၣ်ဒ်တၤဆှုၣ် တၤမဲအသိး, ဒီးမၤအသးဒ်တၢ်မုၢ်တၢ်ဘိလၢအသၣ်တမံလၢၤနီတစုဘၣ်အသိးန့ၣ်လီၤ.

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 15:2

အဝဲန့ၣ်မ့ၢ်တၢ်သးခုကစီၣ်, တၢ်ကစီၣ်လၢယစံၣ်တဲၤတဲလီၤ ယဲဆူသုအိၣ်န့ၣ်လီၤ. မ့တမ့ၢ်လၢသုစူၢ်သုနာ်ကလီကလီ တၢ်ဘၣ်ဒီးသုမ့ၢ်ဟံးဃာ်တၢ်သးခုကစီၣ်အံၤကျၢၤကျၢၤန့ၣ်, သုဒိးန့ၢ်ဘၣ်တၢ်အုၣ်က့ၤခီၣ်က့ၤလၢအီၤလီၤ.

ကလၤတံ 3:1

ပှၤဟးဂီၤပှၤကလၤတံဖိသ့ၣ်ဧၢ, မ့ၢ်မတၤမၤကဒါသုမဲာ်တဂၤ လဲၣ်. သုဘၣ်တၢ်ပာ်ဖျါထီၣ်န့ၢ်သုဖျါဖျါဘၣ်ဃးဒီးယ့ၣ်ၡူးခရံာ် အတၢ်သံလၢထူၣ်စုညါအလိၤလီၤ.

ကလၤတံ 3:4

သုတၢ်လဲၤခီဖျိခဲလၢာ်အခီပညီတအိၣ်နီတမံၤလၢၤဘၣ်ဧါ. သပှၢ်ကတၢၢ်အခီပညီကအိၣ်တမံၤမံၤသၢၣ်.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

၁ သ့းစၤလနံ 3:5

လၢတၢ်န့ၣ်အဃိ, ယဘၣ်ဆှၢလီၤစီၤတံၤမသ့းလီၤ. ယအိၣ်တကဲလၢၤအဃိယဆှၢလီၤအဝဲဒၣ်ဒ်သိးအကဃု သ့ၣ်ညါတၢ်ဘၣ်ဃးသုတၢ်စူၢ်တၢ်နာ်အဂ့ၢ်န့ၣ်လီၤ. ယဘၣ်ယိၣ်လၢမုၣ်ကီၤလံၢ်ကလ့ပစီန့ၢ်သု, ဒီးပတၢ်ဖံးတၢ်မၤခဲလၢာ်ကကဲထီၣ်တၢ်ကလီကလီန့ၣ်လီၤ.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

ဧ့ၤဘြံၤ 10:39

ပဝဲဒၣ်အံၤပတမ့ၢ်ပှၤလၢအဂုၤက့ၤအလီၢ်ခံဒီးဘၣ်တုၤဆူ တၢ်ဟးဂီၤအပူၤန့ၣ်ဘၣ်, မ့မ့ၢ်ပအိၣ်ဒီးတၢ်စူၢ်တၢ်နာ်ဒီးပဘၣ်တၢ်မၤပူၤဖျဲးကွံာ်ပှၤန့ၣ်လီၤ.

ယၤကိာ် 2:26

လၢတၢ်န့ၣ်အဃိ, ဒ်နီၢ်ခိလၢအတအိၣ်ဘၣ်ဒီးသးသံဝဲ အသိးန့ၣ်, တၢ်စူၢ်တၢ်နာ်လၢအတအိၣ်ဘၣ်ဒီးတၢ်မၤန့ၣ် သံဝဲစ့ၢ်ကီးန့ၣ်လီၤ.

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.

၂ ပ့းတရူး 2:22

တၢ်လၢအမၤတ့ၢ်အသးဒီးအဝဲသ့ၣ်န့ၣ်, ဒုးနဲၣ်ဝဲလၢတၢ်ကတိၤဒိတဖၣ်မ့ၢ်ဝဲတီဝဲလီၤ. “ထွံၣ်အီၣ်ကဒါက့ၤတၢ်လၢအဘှီးလီၤဝဲ” ဒီး “ထိးလၢအဘၣ်တၢ်သ့စီအီၤ, က့ၤကဒါက့ၤဆူတၢ်ကလိာ်လၢကပံာ်ကျါ” န့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.