လံာ်လူၤကၣ် 8:1 - Sgaw Karen Common Bible

¹ တၢ်မၤအသးဝံၤအလီၢ်ခံတစိၢ်တလီၢ်န့ၣ်, ယ့ၣ်ၡူးလဲၤတၢ်ဒီးခီဂာ်ဝ့ၢ်တဖၣ်ဒီးသဝီတဖၣ်, ဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးကစၢ်ယွၤ အဘီအမုၢ်လီၤ. ပှၤတၢ်မၢဖိတဆံခံဂၤလဲၤဃုာ်ဒီးအီၤ,

လံာ်လူၤကၣ် 8:1 Iomraidhean Croise

လံာ်မးသဲ 11:1

တုၤယ့ၣ်ၡူးမၤလိာ်အပျဲၢ်အဘီၣ်တဆံခံဂၤဝံၤဒီး, အဝဲဟးထီၣ်လၢတၢ်လီၢ်န့ၣ်ဒီးလဲၤဝဲဆူဝ့ၢ်လၢအအိၣ်ဘူး အိၣ်တံၢ်တဖၣ်ဒီးသိၣ်လီၤသီလီၤဒီးစံၣ်တဲၤတဲလီၤတၢ်လီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 1:39

ဒီးလဲၤဝဲသကုၤကီၢ်ကၤလံၤလါ, စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤဒီးဟီထီၣ်ကွံာ်တၢ်နါတဖၣ်လီၤ.

လံာ်လူၤကၣ် 1:80

ဖိသၣ်ဒိၣ်ထီၣ်လၢနီၢ်ခိဒီးနီၢ်သးလီၤ. အဝဲဒၣ်အိၣ်ဝဲဆိးဝဲလၢပှၢ်မုၢ်ကနၢတုၤလီၤမုၢ်တနံၤ ဖဲအဝဲမၤဖျါထီၣ်အသးလၢကမျၢၢ်အမဲာ်ညါ, လၢအံၣ်စရ့လးအပှၤဂီၢ်မုၢ်န့ၣ်လီၤ.

လံာ်လူၤကၣ် 20:1

ဘၣ်မုၢ်တနံၤဖဲယ့ၣ်ၡူးအိၣ်လၢတၢ်လုၢ်ဟံၣ်အပူၤ, သိၣ်လီၤသီလီၤပှၤဂီၢ်မုၢ်တဖၣ်, ဒီးစံၣ်တဲၤတဲလီၤတၢ်သးခု ကစီၣ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဟဲဝဲ,

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်လူၤကၣ် 9:6

အပျဲၢ်အဘီၣ်တဖၣ်ဟးထီၣ်ဒီးလဲၤခီဂာ်ဒူသဝီကိးဖျၢၣ်ဒဲး, ဒီးဖဲအဝဲသ့ၣ်လဲၤတပူၤလၢ်လၢ်န့ၣ်, စံၣ်တဲၤတဲလီၤတၢ်သးခုအကစီၣ်ဒီး မၤဘျါပှၤဘၣ်ဆူးဘၣ်ဆါတဖၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 13:32

ခဲကနံၣ်အံၤ, ပဟဲလၢပကဟဲစိာ်န့ၢ်သုတၢ်သးခုအကစီၣ်

ရိမ့ၤ 10:15

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)