လံာ်လူၤကၣ် 7:8 - Sgaw Karen Common Bible

⁸ ယဲဒၣ်စ့ၢ်ကီးယမ့ၢ်ပှၤတဂၤလၢအဘၣ်တၢ်ပာ်လီၤယၤလၢသုးခိၣ် အလီၢ်အလၤဒိၣ်န့ၢ်ယၤတဖၣ်အဖီလာ်, ဒီးယအိၣ်ဒီးသုးဖိလၢ ယဖီလာ်တဖၣ်လီၤ. ယစံးဘၣ်အဝဲတဂၤန့ၣ်, ‘လဲၤတက့ၢ်.’ ဒီးအဝဲဒၣ်လဲၤဝဲလီၤ. ဒီးအဂၤတဂၤန့ၣ်, ‘ဟဲတက့ၢ်.’ ဒီးအဝဲဒၣ်ဟဲဝဲလီၤ. ဒီးယစံးဘၣ်ယကုၢ်ယပှၤ, ‘မၤတၢ်အဝဲအံၤတက့ၢ်.’ ဒီးအဝဲဒၣ်မၤဝဲလီၤ.

လံာ်လူၤကၣ် 7:8 Iomraidhean Croise

လံာ်လူၤကၣ် 7:7

ယတဆိကမိၣ်လီၤစ့ၢ်ကီးယသးလၢယကြၢးယဲဘၣ်ယဲလၢယကဟဲဆူ နအိၣ်လၢယနီၢ်ကစၢ်ဒၣ်ယဲဘၣ်. ထဲခါလီၤနကလုၢ်, ဒီးယခ့ယပှၤကအိၣ်ဆူၣ်ထီၣ်က့ၤဝဲဒၣ်လီၤ.

လံာ်လူၤကၣ် 7:9

ယ့ၣ်ၡူးကမၢကမၣ်ဝဲဖဲအနၢ်ဟူဘၣ်တၢ်ကတိၤအဝဲအံၤလီၤ. အဝဲဒၣ်ဃၣ်တရံးအသးဒီးစံးဘၣ်ပှၤဂီၢ်မုၢ်လၢအပိာ်အခံသ့ၣ် တဖၣ်, “တၢ်နာ်ဒ်အံၤအသိးန့ၣ်ယတထံၣ်တ့ၢ်ယဲနီတစုဘၣ်. ယစံးဘၣ်သု, လၢပှၤအံၣ်စရ့လးဖိအကျါဒၣ်လဲာ်, ယတထံၣ်ဘၣ်.”

မၤတၢ် 23:17

ဖဲန့ၣ်စီၤပီလူးကိးပှၤသုးဖိတကယၤအခိၣ်အကျါ တဂၤဒီးစံးဘၣ်အီၤ, “ဆှၢပိာ်ခွါသးစၢ်တဂၤအံၤဆူပှၤသုးဖိတကထိအခိၣ်အအိၣ် တက့ၢ်. အဝဲအိၣ်ဒီးတၢ်ဂ့ၢ်တမံၤလၢအကစံးဘၣ်တဲဘၣ်အီၤလီၤ.”

မၤတၢ် 23:23

အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.

မၤတၢ် 23:26

“တၢ်ဆၢဂ့ၤဆၢဝါလၢယၤ, စီၤကျီၤဒံလူၤစံ, ဆူတၢ်ဒိၣ်ကစၢ်ပဒိၣ်ဖးဒိၣ်စီၤဖ့လံးအအိၣ်, မ်နဘၣ်အမုာ်တက့ၢ်.

မၤတၢ် 23:31

ပှၤသုးဖိတဖၣ်မၤဝဲဒ်တၢ်ဟ့ၣ်လီၤတၢ်အကလုၢ်ဆူအအိၣ် အသိးန့ၣ်လီၤ. အဝဲသ့ၣ်ဟံးန့ၢ်စီၤပီလူးဒီးဆှၢအီၤတနၤဃီတုၤ အတုၤဝ့ၢ်အၣ်တံၤပၤတြံန့ၣ်လီၤ.

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.

မၤတၢ် 25:26

ဘၣ်ဆၣ်, ယတအိၣ်ဒီးတၢ်ဂ့ၢ်လီၤတံၢ်လီၤဆဲးဘၣ်ဃးဒီးအီၤ လၢယကကွဲးဖျါထီၣ်ဆူစီၤပၤဖးဒိၣ်အအိၣ်နီတမံၤဘၣ်. လၢတၢ်န့ၣ်အဃိယဟဲဆှၢထီၣ်အီၤလၢသုဝဲခဲလၢာ်အမဲာ်ညါ, ဒီးလီၤဆီဒၣ်တၢ်လၢနၤ, စီၤပၤအကြံးပၤအမဲာ်ညါ, ဒ်သိးပသမံသမိးကွၢ်အီၤဝံၤအလီၢ်ခံ, ယကအိၣ်ဒီးတၢ်ဂ့ၢ်တၢ်ကျိၤလီၤတံၢ်လီၤဆဲးလၢယကကွဲးဖျါထီၣ် အီၤအဂီၢ်န့ၣ်လီၤ.

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.