လံာ်လူၤကၣ် 7:7 - Sgaw Karen Common Bible

⁷ ယတဆိကမိၣ်လီၤစ့ၢ်ကီးယသးလၢယကြၢးယဲဘၣ်ယဲလၢယကဟဲဆူ နအိၣ်လၢယနီၢ်ကစၢ်ဒၣ်ယဲဘၣ်. ထဲခါလီၤနကလုၢ်, ဒီးယခ့ယပှၤကအိၣ်ဆူၣ်ထီၣ်က့ၤဝဲဒၣ်လီၤ.

လံာ်လူၤကၣ် 7:7 Iomraidhean Croise

စံးထီၣ်ပတြၢၤ 107:20

အဝဲမၤဘျါက့ၤအဝဲသ့ၣ်လၢအကလုၢ် ဒီးမၤပူၤဖျဲးအဝဲသ့ၣ်လၢတၢ်ဟးဂီၤန့ၣ်လီၤ.

စံးထီၣ်ပတြၢၤ 33:9

အဂ့ၢ်ဒ်အံၤ, တုၤအစံးတၢ်ဒီးတၢ်ကဲထီၣ်အသးလီၤ. တုၤအဟ့ၣ်လီၤအကလုၢ်ဒီး တၢ်ခဲလၢာ်အိၣ်ထီၣ်ဝဲလီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်လူၤကၣ် 4:36

ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.”

လံာ်လူၤကၣ် 5:13

ယ့ၣ်ၡူးယူာ်ဃီၤအစုဒီးထိးဘၣ်အီၤဒီးစံးဝဲ, “ယသးအိၣ်ယဲလီၤ. မ်နကဆှီထီၣ်က့ၤတက့ၢ်.” ဒီးတၢ်ဆါအၢန့ၣ်ဘျါက့ၤဝဲတဘျီဃီလီၤ.

လံာ်လူၤကၣ် 7:6

လၢတၢ်န့ၣ်အဃိ, ယ့ၣ်ၡူးလဲၤဒီးအဝဲသ့ၣ်လီၤ. ဖဲအဝဲဒၣ်ဘူးထီၣ်ဒီးဟံၣ်အဝဲန့ၣ်န့ၣ်, သုးခိၣ်ဆှၢလီၤအတံၤသကိးတဖၣ်ဆူအအိၣ်ဒ်သိးအကတဲဘၣ်အီၤ, “ကစၢ်ဧၢ, တဘၣ်မၤတံာ်တာ်နသးတဂ့ၤ. ယတကြၢးယဲလၢနကဟဲနုာ်ဆူယဟံၣ်ပူၤအဂီၢ်ဘၣ်.

လံာ်လူၤကၣ် 7:8

ယဲဒၣ်စ့ၢ်ကီးယမ့ၢ်ပှၤတဂၤလၢအဘၣ်တၢ်ပာ်လီၤယၤလၢသုးခိၣ် အလီၢ်အလၤဒိၣ်န့ၢ်ယၤတဖၣ်အဖီလာ်, ဒီးယအိၣ်ဒီးသုးဖိလၢ ယဖီလာ်တဖၣ်လီၤ. ယစံးဘၣ်အဝဲတဂၤန့ၣ်, ‘လဲၤတက့ၢ်.’ ဒီးအဝဲဒၣ်လဲၤဝဲလီၤ. ဒီးအဂၤတဂၤန့ၣ်, ‘ဟဲတက့ၢ်.’ ဒီးအဝဲဒၣ်ဟဲဝဲလီၤ. ဒီးယစံးဘၣ်ယကုၢ်ယပှၤ, ‘မၤတၢ်အဝဲအံၤတက့ၢ်.’ ဒီးအဝဲဒၣ်မၤဝဲလီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:6

ယွၤမၤသံတၢ်ဒီးဟ့ၣ်ဒုးမူက့ၤတၢ်လီၤ. အဝဲဆှၢလီၤပှၤဂီၢ်မုၢ်ဆူပှၤသံတဖၣ်အကီၢ်ပူၤ, ဒီးကိးက့ၤအဝဲသ့ၣ်လီၤ.