လံာ်လူၤကၣ် 7:42 - Sgaw Karen Common Bible

⁴² အဝဲသ့ၣ်လိးက့ၤအကမၢ်လၢအအိၣ်တန့ၢ်နီတဂၤဘၣ်. လၢတၢ်န့ၣ်အဃိ အဝဲဒၣ်ပျၢ်ကလီကွံာ်အဝဲသ့ၣ်ခံဂၤလၢာ်အကမၢ်လီၤ. မ့မ့ၢ်ဒ်န့ၣ်ဒီး, ဖဲလဲၣ်တဂၤကအဲၣ်အီၤဒိၣ်ဒၣ်တၢ်တက့ၢ်လဲၣ်.”

လံာ်လူၤကၣ် 7:42 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:13

ပိာ်မုၣ်န့ၣ်စံးဘၣ်အီၤ, “ဘၣ်မနုၤအဃိနကူၣ်ထီၣ်တၢ်ကမၣ်ဒ်န့ၣ်တမံၤ ထီဒါကစၢ်ယွၤအပှၤဂီၢ်မုၢ်န့ၣ်လဲၣ်. နတပျဲဘၣ်နဖိခွါဒၣ်နဲလၢကဟဲက့ၤကဒါက့ၤလၢတၢ်ဃ့ၢ်ပူၤဖျဲးအသးအလီၢ်ဘၣ်. လၢတၢ်န့ၣ်အဃိ, နမ့ၢ်ပှၤစံၣ်ညီၣ်လီၤနသးခီဖျိတၢ်လၢနစံးတ့ၢ်အီၤခဲအံၤန့ၣ်လီၤ.

စံးထီၣ်ပတြၢၤ 103:3

အဝဲဒၣ်န့ၣ်, မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်, ဒီးမ့ၢ်ပှၤလၢအမၤဘျါက့ၤ နတၢ်ဆူးတၢ်ဆါကိးမံၤဒဲး,

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်မးသဲ 18:27

စီၤပၤသးကညီၤဘၣ်အီၤသတးဒီး, တြူာ်ကွံာ်အကမၢ်ခဲလၢာ်, ဒီးပျၢ်ပူၤဖျဲးကွံာ်အီၤန့ၣ်လီၤ.

လံာ်မးသဲ 18:34

ဒီးလၢတၢ်သးဒိၣ်အပူၤအကစၢ်ဆှၢအီၤဆူဃိာ်ပူၤ, ဒ်သိးအကဘၣ်တၢ်မၤနးမၤဖှီၣ်အီၤ, တုၤလၢအလိးတူာ်က့ၤအကမၢ်ခဲလၢာ်တစုလီၤ.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်လူၤကၣ် 7:43

စီၤၡံမိၣ်စံးဆၢအီၤ, “ယဆိကမိၣ်, ကမ့ၢ်ပှၤလၢအဝဲပျၢ်ကွံာ်အကမၢ်အအါကတၢၢ်တဂၤလီၤ.” ယ့ၣ်ၡူးစံးဘၣ်အီၤ, “နတၢ်စံးဆၢဘၣ်ကစီဒီလီၤ.”

ရိမ့ၤ 3:24

ဘၣ်ဆၣ်ဒီးအဝဲသ့ၣ်ခဲလၢာ်ဘၣ်တၢ်ပာ်တီပာ်လိၤအီၤလၢ ယွၤအဘျုးအဖှိၣ်လၢအဟ့ၣ်ကလီဝဲ, ခီဖျိယ့ၣ်ၡူးခရံာ်လၢအမၤထူၣ်ဖျဲးကွံာ်အဝဲသ့ၣ်အဃိန့ၣ်လီၤ.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

ကလီးစဲ 3:13

ဝံသးစူၤလိာ်သုသးဒီးတၢ်ပာ်ဒ့ၣ်ပာ်ကမၣ်လိာ်သုသးအလီၢ်မ့ၢ် အိၣ်ဒီးပျၢ်လိာ်သုတၢ်ကမၣ်သကိးသကိးတက့ၢ်. ပျၢ်လိာ်သုတၢ် ကမၣ်တဂၤဒီးတဂၤဒ်ကစၢ်ပျၢ်တ့ၢ်လံသုတၢ်ကမၣ်အသိးန့ၣ်တက့ၢ်.