လံာ်လူၤကၣ် 7:38 - Sgaw Karen Common Bible

³⁸ ဒီးဆၢထၢၣ်လၢယ့ၣ်ၡူးအလီၢ်ခံဖဲအခီၣ်ထံး, ဟီၣ်ဝဲ, ဒီးမၤဘၣ်စီၣ်ယ့ၣ်ၡူးအခီၣ်လၢအဝဲဒၣ်အမဲာ်ထံလီၤ. အန့ၣ်ဝံၤဒီးထွါကွံာ်ယ့ၣ်ၡူးအခီၣ်လၢအဝဲဒၣ်အခိၣ်သူ, နၢမူဝဲ, ဒီးလူလီၤထံနၢမူန့ၣ်လၢအလိၤလီၤ.

လံာ်လူၤကၣ် 7:38 Iomraidhean Croise

လံာ်တၢ်ကဲထီၣ်အခီၣ်ထံး 18:4

ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ.

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

စံးထီၣ်ပတြၢၤ 38:18

ယတဲလီၤကျဲၤလီၤယတၢ်ကမၣ်, ဒီးယသးအုးလၢယတၢ်ဒဲးဘးအဃိလီၤ.

စံးထီၣ်ပတြၢၤ 51:17

ကစၢ်ယွၤဧၢ, ယတၢ်လုၢ်န့ၣ်မ့ၢ်တၢ်သူၣ်ကၢ်သးလီၤလီၤ. ကစၢ်ယွၤဧၢ, တၢ်သူၣ်ကၢ်သးလီၤဒီး တၢ်ပီၢ်ယၢ်လီၤက့ၤသးန့ၣ် နတမၤအီၤတရီတပါဘၣ်.

လံာ်ပှၤစံၣ်တဲၤတဲလီၤတၢ် 9:8

ပာ်ဖျါနမဲာ်လၢတၢ်သူၣ်ခုသးခုဒီးတၢ်သူၣ်ဖှံသးညီအပူၤထီ ဘိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်ယၡါယၤ 57:9

သုဖှူထီၣ်သုတၢ်နၢမူတဖၣ်ဒီးလဲၤထီၣ်လၢသုကဘါထီၣ် ကစၢ်မိလးလီၤ. သုဆှၢလီၤပှၤစိာ်တၢ်ကစီၣ်တဖၣ်ဆူတၢ်လီၢ်လၢအယံၤဒီးအလဲၢ်, တုၤဒၣ်လဲာ်ဆူတၢ်သံအကီၢ်ပူၤဒ်သိးသုကထံၣ်န့ၢ်ကစၢ်တဖၣ် လၢသုကဘါထီၣ်အီၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယိၤအ့လး 2:12

ဒီးယွၤစံးဝဲဒၣ်, ခဲကနံၣ်အံၤပီၢ်ယၢ်လီၤက့ၤသုသးနီၢ်နီၢ်, ဒီးဟဲက့ၤကဒါက့ၤဆူယအိၣ်, အိၣ်ဒီးတၢ်ဒုၣ်တၢ်အီၣ်တၢ်အီ, ဒီးတၢ်ဟီၣ်တၢ်ယၢၤဒီးသူၣ်အုးသးအုးန့ၣ်တက့ၢ်.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်မးသဲ 5:4

ပှၤလၢအသူၣ်အုးသးအုးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကဘၣ်တၢ်မၤမုာ်ထီၣ်က့ၤအီၤ လၢကစၢ်ယွၤလီၤ.

လံာ်လူၤကၣ် 22:62

စီၤပ့းတရူးဟးထီၣ်, ဒီးဟီၣ်ဝဲဒၣ်နးနးကလဲာ်လီၤ.

လံာ်လူၤကၣ် 6:21

“သုဝဲလၢတၢ်သၣ်ဝံၤအသးခဲကနံၣ်အံၤတဖၣ်န့ၣ် သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုကဘျဲးအီၣ်ဘျဲးအီသုဝဲလီၤ. “သုဝဲလၢအဟီၣ်အယၢၤခဲကနံၣ်အံၤတဖၣ်န့ၣ် သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုကနံၤထီၣ်သုဝဲလီၤ.

လံာ်လူၤကၣ် 7:37

ဖဲဝ့ၢ်အဝဲန့ၣ်အပူၤပှၤပိာ်မုၣ်အိၣ်ဝဲဒၣ်တဂၤ, လၢအအိၣ်မူလၢတၢ်ဒဲးဘးအပူၤန့ၣ်လီၤ. အဝဲဒၣ်နၢ်ဟူလၢယ့ၣ်ၡူးအီၣ်တၢ်လၢပှၤဖၤရံၤၡဲတဂၤန့ၣ်အ ဟံၣ်, သတးဒီးဟဲစိာ်ဝဲပလီလၢၢ်ဝါတဖျၢၣ်လၢအပှဲၤဒီးထံနၢမူ

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်ယိၤဟၣ် 11:2

(နီၢ်မၤရံအဝဲအံၤမ့ၢ်ပှၤတဂၤဃီလၢအလူလီၤအသိနၢမူလၢ ယ့ၣ်ၡူးအခီၣ်အလိၤဒီးတြူာ်ကွံာ်ဝဲအခီၣ်လၢအခိၣ်သူလီၤ. စီၤလါစရူးလၢအဆိးက့အံၤမ့ၢ်အဝဲအဒီပုၢ်ဝဲၢ်ခွါလီၤ.)

ယၤကိာ် 4:9

မ်သုသူၣ်အုးသးအုးအိၣ်ဒီးတၢ်ဟီၣ်တၢ်ယၢၤတက့ၢ်. လဲလိာ်က့ၤသုတၢ်နံၤတၢ်အ့ဆူတၢ်ဟီၣ်တၢ်ယၢၤ, သုတၢ်သးခုဆူတၢ်သးအုးတက့ၢ်.