လံာ်လူၤကၣ် 7:33 - Sgaw Karen Common Bible

³³ ပှၤဘျၢတၢ်စီၤယိၤဟၣ်ဟဲဝဲ, ဒီးအဝဲဒၣ်ဒုၣ်တၢ်အီၣ် ဒီးတအီစပံးထံဘၣ်. ဒီးသုစံးသုဝဲ, ‘တၢ်နါအိၣ်လၢအဝဲအပူၤလီၤ.’

လံာ်လူၤကၣ် 7:33 Iomraidhean Croise

လံာ်မးသဲ 10:25

လၢတၢ်န့ၣ်အဃိပျဲၢ်မ့ၢ်ဂ့ၤ, ကုၢ်မ့ၢ်ဂ့ၤ, ကြၢးသးမံဝဲဖဲအလီၤဂာ်ဒီးအသရၣ်မ့ၢ်ဂ့ၤ, အကစၢ်မ့ၢ်ဂ့ၤန့ၣ်လီၤ. ပှၤမ့ၢ်ကိးဟံၣ်အကစၢ်လၢ ဘဧၤလးစဘူာ်ဒီး, ကကိးအပှၤဟံၣ်ဖိဃီဖိအါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မးသဲ 3:4

စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်မၢ်ကူး 1:6

စီၤယိၤဟၣ်ကူကၤဝဲတၢ်ကူတၢ်ကၤလၢပှၤထါအီၤလၢကီၤ လၤအူးအဆူၣ်ဒီးစၢဃာ်အယီၢ်ဒ့လၢယီၢ်တကိးတၢ်ဖံး တဘ့ၣ်လီၤ. အတၢ်အီၣ်တၢ်အီတခီမ့ၢ်ဒွဲၣ်ဧိၤတကံၤ ဧိၤဒီးကနဲမံၤအစီလီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 7:32

အဝဲသ့ၣ်လီၤဂာ်ဒီးပှၤဖိသၣ်တဖၣ်လၢအဆ့ၣ်နီၤလၢဖၠါပူၤန့ၣ်လီၤ. အဝဲတဖုကိးပသူဃီၤဝဲဆူအဂၤတဖုအအိၣ်, ‘ပအူတၢ်ဖျီအတၢ်သးဝံၣ်လၢသုဂီၢ်, ဘၣ်ဆၣ်ဒီးသုတဂဲၤကလံၣ်ဘၣ်. ပသးဝံၣ်တၢ်သံအတၢ်သးဝံၣ်, ဘၣ်ဆၣ်ဒီးသုတဟီၣ်တယၢၤဘၣ်.’

လံာ်လူၤကၣ် 7:34

ပှၤကညီဖိခွါဟဲဝဲ, အီၣ်တၢ်ဒီးအီတၢ်ဒီးသုစံး, ‘ကွၢ်ပှၤတဂၤအံၤတက့ၢ်. အဝဲမ့ၢ်ပှၤအီၣ်လုၣ်ကိတၢ်ဒီးပှၤအီစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’

လံာ်ယိၤဟၣ် 10:20

အဝဲသ့ၣ်အါဂၤစံးဝဲ, “ပှၤတဂၤအံၤတၢ်နါဒိးအီၤ, ဒီးအဝဲမ့ၢ်ပှၤအပျုၢ်လီၤ. ဘၣ်မနုၤအဃိသုဒိကနၣ်အီၤန့ၣ်လဲၣ်.”

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”

လံာ်ယိၤဟၣ် 8:52

အဝဲသ့ၣ်စံးဘၣ်အီၤ, “ခဲအံၤပသ့ၣ်ညါလီၤတံၢ်လၢတၢ်နါ အိၣ်လၢနပူၤလီၤ. စီၤအၤဘြၤဟၣ်သံလံ, ဒီးဝံတဖၣ်သံလံ. အန့ၣ်ဒၣ်လဲာ် နစံးလၢ ‘ပှၤလၢအတိၢ်န့ၢ်ယကလုၢ်ကထါန့ၣ် တသံနီတဘျီဘၣ်.’

မၤတၢ် 2:13

မ့မ့ၢ်ပှၤအဂၤတဖၣ်နံၤဘၣ်ဖၣ်လဲပှၤစူၢ်က့ၤနာ်က့ၤတၢ်တဖၣ်န့ၣ်ဒီးစံးဝဲ, “ပှၤသ့ၣ်တဖၣ်အံၤမူၤလၢစပံးထံလီၤ.”