လံာ်လူၤကၣ် 7:26 - Sgaw Karen Common Bible

²⁶ စံးဘၣ်တဲဘၣ်ယၤတက့ၢ်. သုဟးထီၣ်လၢသုကထံၣ်မနုၤတမံၤအဂီၢ်လဲၣ်. ဝံတဂၤဧါ. မ့ၢ်လီၤ. ယစံးဘၣ်သုလၢသုထံၣ်ဘၣ်ပှၤလၢအဒိၣ်န့ၢ်ဝံတဂၤ တက့ၢ်လီၤ.

လံာ်လူၤကၣ် 7:26 Iomraidhean Croise

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်လူၤကၣ် 16:16

စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ်အိၣ်ဝဲဒၣ်တုၤလၢ ပှၤဘျၢတၢ်စီၤယိၤဟၣ်အဆၢကတီၢ်လီၤ. စးထီၣ်ဖဲန့ၣ် တၢ်သးခု အကစီၣ်ဘၣ်ဃးဒီးကစၢ်ယွၤအဘီအမုၢ်ဘၣ်တၢ်စံၣ်တဲၤတဲလီၤအီၤ, ဒီးပှၤကိးဂၤဒဲးဂုာ်လဲၤနုာ်ဝဲဆူကစၢ်ယွၤအဘီအမုၢ်အပူၤလီၤ.

လံာ်လူၤကၣ် 20:6

မ့မ့ၢ်ပမ့ၢ်စံး, ‘ဟဲလၢပှၤကညီအအိၣ်’ ဒီးပှၤကမျၢၢ်ဖဲအံၤခဲလၢာ်ကကွံာ်ပှၤလၢလၢၢ်, အဂ့ၢ်မ့ၢ်လၢအဝဲသ့ၣ်နာ်လၢစီၤယိၤဟၣ်မ့ၢ်ဝံတဂၤအဃိလီၤ.”

လံာ်လူၤကၣ် 7:25

သုဟးထီၣ်လၢသုကထံၣ်ဘၣ်တၢ်မနုၤတမံၤအဂီၢ်လဲၣ်. ပှၤကညီလၢအကူတၢ်သိးတၢ်ဆှုၣ်ဆှုၣ်ဘှဲၣ်ဘှဲၣ်တဂၤဧါ. သပှၢ်ကတၢၢ်, ပှၤလၢအကူအကၤဒ်န့ၣ်အသိးဒီးအိၣ်မူလၢတၢ်မုာ်တၢ်လၤအပူၤတဖၣ်န့ၣ်, ဘၣ်တၢ်ထံၣ်အီၤလၢနူၢ်ပူၤစီၤပူၤလီၤ.

လံာ်လူၤကၣ် 7:27

စီၤယိၤဟၣ်မ့ၢ်ပှၤတဂၤလၢတၢ်ကွဲးအသးစံးဝဲလၢအဂ့ၢ်ဒ်အံၤ, ‘ကစၢ်ယွၤစံးဝဲ အဝဲအံၤမ့ၢ်ယပှၤဆှၢတၢ်ကစီၣ်, လၢယဆှၢလီၤအီၤလၢနမဲာ်ညါ ဒ်သိးအကအိးဟိထီၣ်ပာ်ကျဲလၢနဂီၢ်လီၤ.’ ”

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.