လံာ်လူၤကၣ် 7:25 - Sgaw Karen Common Bible

²⁵ သုဟးထီၣ်လၢသုကထံၣ်ဘၣ်တၢ်မနုၤတမံၤအဂီၢ်လဲၣ်. ပှၤကညီလၢအကူတၢ်သိးတၢ်ဆှုၣ်ဆှုၣ်ဘှဲၣ်ဘှဲၣ်တဂၤဧါ. သပှၢ်ကတၢၢ်, ပှၤလၢအကူအကၤဒ်န့ၣ်အသိးဒီးအိၣ်မူလၢတၢ်မုာ်တၢ်လၤအပူၤတဖၣ်န့ၣ်, ဘၣ်တၢ်ထံၣ်အီၤလၢနူၢ်ပူၤစီၤပူၤလီၤ.

လံာ်လူၤကၣ် 7:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:35

ယသးအိၣ်လံအနံၣ်ဃိးဆံလံ, ဒီးတၢ်လၢကဟ့ၣ်ယၤတၢ်မုာ်တၢ်လၤ တအိၣ်လၢၤဘၣ်နီတမံၤဘၣ်. တၢ်လၢယအီၣ်ယအီအီၤန့ၣ်ယတသ့ၣ်ညါအတၢ်ဝံၣ်တၢ်ဘဲလၢၤဘၣ်. ဒီးပှၤသးဝံၣ်တၢ်ဖိတဖၣ်အကလုၢ်န့ၣ်ယနၢ်ဟူတသ့လၢၤဘၣ်. ယကကဲထီၣ်ဒၣ်ထဲတၢ်ဝံဃၢယိးဃၢလၢနဲဒၣ်တၢ်ဒိၣ်ကစၢ်စီၤပၤ အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:5

အဝဲထံၣ်ဘၣ်တၢ်အီၣ်တၢ်အီလၢအဘၣ်တၢ်ပာ်လီၤအီၤလၢအစီၢ်နီၤ ခိၣ်, အပဒိၣ်ပပှၢ်တဖၣ်အတၢ်အိၣ်တၢ်ဆိးအလီၢ်သ့ၣ်တဖၣ်, အဝဲအတၢ်ကရၢကရိထီၣ်ပှၤမၤတၢ်လၢနီပူၤတဖၣ်ဒီးတၢ်ကူတၢ်ကၤ လၢအဒ်သိးသိးလၢအဝဲသ့ၣ်ကူသိးဝဲ, အခ့အပှၤတဖၣ်လၢအပာ်လီၤန့ၢ်အီၤလီခီတဖၣ်ဖဲအဝဲအီၣ်တၢ်အခါ ဒီးတၢ်လုၢ်တၢ်ပာ်တဖၣ်လၢအဝဲလုၢ်ထီၣ်ဝဲလၢယွၤအတၢ်လုၢ်ဟံၣ် အပူၤန့ၣ်လီၤ. တၢ်န့ၣ်မ့ၢ်တၢ်လၢအဒုးကမၢကမၣ်အီၤဒီးမၤသးလီၤကတုၤအီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 1:8

အဝဲသ့ၣ်စံးဆၢဝဲဒၣ်, “ပှၤတဂၤန့ၣ်ကူသိးဝဲဆ့ကၤဖးဒိၣ် တဘ့ၣ်လၢအဘၣ်တၢ်ဆးအီၤလၢဆၣ်ဖိကီၢ်ဖိအဖံး, ဒီးကံာ်တူာ်အယီၢ်ဒ့ဒီးယီၢ်တကိးတၢ်ဖံးတဘိန့ၣ်လီၤ.” စီၤပၤကိးထီၣ်ဝဲ, “ပှၤန့ၣ်မ့ၢ်ဒၣ်စီၤအ့ၤလံယၤလီၤ.”

လံာ်နီၢ်အ့ၤစတၢ် 1:11

စီၤပၤမၤလိာ်အဝဲသ့ၣ်ဒ်သိးအကဟဲကိးန့ၢ်အီၤနီၢ်ပၤမုၣ်ဝးၡတံၤ, အိၣ်ဒီးနီၢ်ပၤမုၣ်အခိၣ်သလုးလၢအခိၣ်လိၤလီၤ. နီၢ်ပၤမုၣ်မ့ၢ်ပိာ်မုၣ်လၢအဃံလၤဝဲဒီးစီၤပၤသးအိၣ်ပာ်ဖျါထီၣ် အတၢ်ဃံတၢ်လၤဆူပဒိၣ်ဖးဒိၣ်တဖၣ်ဒီးအပှၤတမှံၤတပျီၤခဲလၢာ် န့ၣ်လီၤ.

လံာ်နီၢ်အ့ၤစတၢ် 1:3

လၢအဝဲပၢတၢ်သၢနံၣ်တနံၣ်န့ၣ်, မၤတၢ်အီၣ်တၢ်အီအမူးဖးဒိၣ်တခါလၢအပဒိၣ်တဖၣ်ဒီးပှၤပၢတၢ် သ့ၣ်တဖၣ်အဂီၢ်န့ၣ်လီၤ. ကီၢ်ပၤရၣ်ဒီးကီၢ်မၤဒဲအသုးမုၢ်သံၣ်ဘိတဖၣ်, ဒီးဒ်န့ၣ်အသိးကီၢ်ဖိတဖၣ်အပဒိၣ်ဖးဒိၣ်ဒီးပှၤတူၢ်ဒိၣ်ကီၢ်ဒိၣ်တဖၣ် ဟဲဝဲစ့ၢ်ကီးန့ၣ်လီၤ.

လံာ်နီၢ်အ့ၤစတၢ် 4:2

တုၤအဝဲဟဲတုၤဆူနီအကျဲစၢၤတစုန့ၣ်လီၤ. အဝဲတလဲၤနုာ်ဆူနီပူၤဘၣ်, မ့ၢ်လၢတၢ်တပျဲလဲၤနုာ်ဘၣ်ပှၤလၢအကူအသိး ဆ့ကၤထၢၣ်သွ့ဘၣ်အဃိန့ၣ်လီၤ.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်မးသဲ 11:8

မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မးသဲ 3:4

စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်မးသဲ 6:29

ဘၣ်ဆၣ်ဒီးယစံးဘၣ်သု, စီၤပၤၡလိၤမိၤလၢအအိၣ်ဒီးအကဟု ကညီၢ်အတၢ်ထူးတၢ်တီၤခဲလၢာ်န့ၣ်တကူတသိးဘၣ်ဂ့ၤထဲသိး ဒီးဖီဒ့ၣ်ညါဖိအံၤတဖိးဒၣ်လဲာ်ဘၣ်.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

လံာ်လူၤကၣ် 7:24

ဖဲစီၤယိၤဟၣ်အပှၤစိာ်တၢ်ကစီၣ်တဖၣ်ဟးထီၣ်ဝံၤအလီၢ်ခံန့ၣ်, ယ့ၣ်ၡူးကတိၤတၢ်ဒီးပှၤဂီၢ်မုၢ်ဘၣ်ဃးစီၤယိၤဟၣ်အဂ့ၢ်ဒီးစံးဝဲ, “ဖဲသုဟးထီၣ်ဆူပှၢ်မုၢ်ကနၢဆူစီၤယိၤဟၣ်အအိၣ်န့ၣ်, သုမုၢ်လၢ်လၢသုကထံၣ်ဘၣ်တၢ်မနုၤလဲၣ်. တပိၢ်တဘိဟူးဝးဝဲလၢကလံၤကျါန့ၣ်ဧါ.

လံာ်လူၤကၣ် 7:26

စံးဘၣ်တဲဘၣ်ယၤတက့ၢ်. သုဟးထီၣ်လၢသုကထံၣ်မနုၤတမံၤအဂီၢ်လဲၣ်. ဝံတဂၤဧါ. မ့ၢ်လီၤ. ယစံးဘၣ်သုလၢသုထံၣ်ဘၣ်ပှၤလၢအဒိၣ်န့ၢ်ဝံတဂၤ တက့ၢ်လီၤ.