လံာ်လူၤကၣ် 7:21 - Sgaw Karen Common Bible

²¹ တကတီၢ်ဃီဖဲန့ၣ်, ယ့ၣ်ၡူးမၤဘျါက့ၤပှၤအါဒံအါဂၤလၢအအိၣ်ဒီး တၢ်ဆူးတၢ်ဆါတဖၣ်, ပှၤလၢအတူၢ်ဘၣ်တၢ်နးတၢ်ဖှီၣ်တဖၣ်, ပှၤလၢတၢ်နါအိၣ်လၢအလိၤတဖၣ်ဒီးဒုးထံၣ်ထီၣ်က့ၤပှၤမဲာ်ဘျီၣ်အါဂၤလီၤ.

လံာ်လူၤကၣ် 7:21 Iomraidhean Croise

လံာ်စီၤပၤအခီၣ်ထံးတဘ့ၣ် 8:37

လၢကီၢ်အံၤအပူၤဖဲတၢ်သၣ်ဝံၤလီၤဒိအိၣ်ထီၣ်အံၤမ့ၢ်ဂ့ၤ, တၢ်သံသတြိာ်တမံၤမၤအသးမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤလၢကလံၤမုၢ်ကိၢ် အဃိမ့ၢ်ဂ့ၤ, လၢဒွဲၣ်အဖုအဂီၢ်အဃိမ့ၢ်ဂ့ၤ, ဒီးဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ် အခါမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 14:48

ဒီးဖဲပှၤလုၢ်တၢ်အခိၣ်မ့ၢ်ဟဲလၢကကွၢ်ဝဲ, ဒီးတၢ်ဆါအၢအဃၢ် မ့ၢ်တအိၣ်ဖျါထီၣ်က့ၤလၢၤဘၣ်ဖဲတၢ်မၤက့ၤကပံာ်အသီဝံၤအလီၢ်ခံန့ၣ်, ကဘၣ်ဘိးဘၣ်သ့ၣ်ညါဝဲလၢဟံၣ်န့ၣ်ကဆှီဝဲဒၣ်လီၤ. အဂ့ၢ်ဒ်အံၤ, တၢ်ဆါအၢအဃၢ်ဘၣ်တၢ်သုးကွံာ်အီၤလၢာ်လၢာ်ဆ့ဆ့လံအဃိန့ၣ်လီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 3:10

အဝဲဒၣ်မၤဘျါက့ၤတ့ၢ်လံပှၤဆူးပှၤဆါအါဒံအါဂၤသတးဒီး, ကယဲၢ်ပှၤအိၣ်ဒီးတၢ်ဆူးတၢ်ဆါတမံၤလၢ်လၢ်တဖၣ်န့ၣ်ဟဲဆီၣ် သနံးလိာ်အသးဆူအအိၣ်ဒ်သိးကထိးဘၣ်အီၤအဂီၢ်န့ၣ်လီၤ.

လံာ်မၢ်ကူး 5:29

တကီၢ်ခါအတၢ်ဆါသွံၣ်လီၤန့ၣ် တုာ်ဝဲဒီးသ့ၣ်ညါဝဲလၢအတၢ်ဆါဘျါက့ၤဝဲလံန့ၣ်လီၤ.

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

လံာ်လူၤကၣ် 7:20

ဖဲအဝဲသ့ၣ်ဟဲဆူယ့ၣ်ၡူးအအိၣ်န့ၣ်စံးဝဲ, “ပှၤဘျၢတၢ်စီၤယိၤဟၣ်ဆှၢလီၤပှၤဒ်သိးပကသံကွၢ် နမ့ၢ်နဲပှၤတဂၤလၢအဝဲဒၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”

ဧ့ၤဘြံၤ 12:6

အဂ့ၢ်ဒ်အံၤ, ကစၢ်န့ၣ်သိၣ်ဃီၣ်ကယဲၢ်ပှၤလၢ အအဲၣ်ဝဲကိးဂၤဒဲး ဒီးဖျ့ကယဲၢ်ပှၤလၢအပာ်ဝဲဒ်အဖိအသိးန့ၣ်လီၤ.”